Emọsụ 2:9 - Ika

⁹ Kanị, mmẹ gbupụnị wẹ ndị Amọ, hụn sue kẹ osisi sida, hụn ze kẹ osisi okuu; e gbuchanrịn m kẹ mkpụrụ osisi rị elu kẹ mkpọgụn a rị alị.

Emọsụ 2:9 ပူးပေါင်းရင်းမြစ်များ

Jẹnẹsisi 15:16

O ru agbọ nke ẹnọ, a lụakinhẹn wẹ ebeni, makẹni njọ ndị Amọ, ndị alịnị, eke jun mkpu.”

Ihiẹn Mẹni Nke Ibuzọ 1:14

ya mụzị ndị Jebusu, ndị Amọ, ndị Gẹgashị,

Jobu 18:16

Mkpọgụn a rị alị a kpọpụ nkụn, agalaba a rị elu e shinwụn.

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Ọpụpụ 34:11

Dọnmẹ iwu m rị e ye i tannị. M k'a chụpụnị ụnụ ndị Amọ, ndị Kenaanị, ndị Hẹti, ndị Pẹrẹzi, ndị Hivu lẹ ndị Jebusu.

Azaya 10:33

Lee ẹ, Onyẹ-nwọnni-ẹnyi, Osolobuẹ ihiẹn ile rị okpuru ẹ, k'e gi okẹn ikẹn kwapụ ndị ile wụ okẹn agalaba; o k'e gbutu ndị wụ okẹn-osisi, o wetu ndị wụ osisi-ka-osisi alị.

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Izikẹlụ 17:9

“Nwa-ịhịan, sị wẹ nị Osolobuẹ nwọn ihiẹn ile sị, ‘N'ọ ghan'a? Ugọn kụnn'a e huegbukọ a, ghọkwọnchanrịn mkpụrụ a kẹn'ọ kpọ nkụn? Ẹka lẹ ihiẹn ile pụha nke ọhụn e shinwụn. Achọkọdẹ wẹ onyẹ nwọn akwanran mọbụ ndị bu ọda nị wẹ huepụ a.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Ọgụngụn 32:13

“Olulu ndị Izrẹlụ bu Osolobuẹ ọda-ọda, ọ nọ mẹ wẹ wahunmẹmẹ imẹ atụ ọrọgbọ ahụa ọgụnnaị d'e runi agbọ hụ ile mẹ Osolobuẹ eje-ihiẹn hụ a nwụnchanrịn.

Ditrọnọmi 1:28

Jẹnmẹ elebe?! Umunẹ ẹnyi e kugụọ ihiẹn ndụn gi gụ ẹnyi. Wẹ sị, ‘Ndị ahụn ka ẹnyi e ze, ka ẹnyi usue; obodo ndị ahụn shịa ashịa, mgbọn wẹ rusọnmẹdẹ elu-igwere! Ẹnyi a hụngụọdẹ ndị adụn-aran ebahụn!’ ”

Ditrọnọmi 3:11

(Ọgụ wụ eze Bashanị sụọ te họdụ imẹ ndị Rẹfa ile, ebọn adụn-aran hụ. Igwe kẹ wẹ gi mẹmẹ bẹdi ẹ — hụn suekarị ụbụkụ mmẹtọ, shịakarị ụbụkụ isin. Bẹdi ahụn hụkwọ nwan Raba, isi-obodo ndị Amọnụ.)

Joshụa 10:12

Ụhụọhịn hụ Osolobuẹ we ndị Amọ che ndị Izrẹlụ ẹka nị wẹ mẹri, Joshụa nọ idẹnya ndị Izrẹlụ gwa Osolobuẹ oku, sị, “Ẹnyanwụn, wuzo ụzọ ohu imẹ Gibiọnụ! Ifọn, wuzo Ọdanmgbugbu Aịjalọnụ.”

Joshụa 3:10

Ọnwan kẹ ụnụ e gi marịn nị Osolobuẹ rị ndụn rị imẹ igunrun ụnụ, marịn n'o k'a chụpụrịrịnị ụnụ ndị Kenaanị lẹ ndị Hẹti lẹ ndị Hivu lẹ ndị Pẹrẹzi lẹ ndị Gẹgashị lẹ ndị Amọ lẹ ndị Jebusu.