Emọsụ 2:7 - Ika

⁷ Wẹ hụ a zọ ndị igbẹnnyẹ ụkụ isi, a zọdẹ wẹ e ye imẹ uzunzun; e nu ndị rị e ri ụya e ye ụsụọ; nẹdi lẹ nwa hụ e mẹ mgba okpoho ohu, e gi ẹ e wiwi ẹfan-nsọ m.

Emọsụ 2:7 ပူးပေါင်းရင်းမြစ်များ

Samuẹlụ Nke Ẹbụọ 12:14

Kanị, makẹni y'e yegụọ ndị-iṅẹnrẹn Osolobuẹ ihiẹn w'e gi kpari ẹ, nwata-okẹnnyẹ ahụn okpohoni mụn'ị k'a nwụnhụn.”

Ndị-nze Nke Ibuzọ 21:4

Ya Ehabụ nọ rọnmẹ ihun lama, iwe hụ e we ẹ nị Nabọtụ onyẹ Jezriẹlụ sị, “Eyekọ m'ị ukuu ndị nẹdi m wẹ.” Ehabụ e dinẹ elu-ukpo, rọnmẹ ihun, bu ihun zinmẹ ụsụọ-ẹjan, jụ ihiẹn-oriri.

Itẹn 28:21

Igbeyeni ịhịan ajọka njọ: bụ ịhịan e mẹdẹ eje-ihiẹn makẹni a ghagụọ wẹ azụụn ye wẹ ẹkẹrẹ brẹdi.

Azaya 10:1

Nsọngbu rị e che ndị hụn e ti iwu mmẹgbu, ndị e tumẹ iwu wẹ gi a bịangbu ibe wẹ,

Azaya 10:2

hụn wẹ gi a napụ ndị-igbẹnnyẹ ihiẹn runi wẹ, a napụ ndị nwọnlẹni ịhịan ihiẹn runi wẹ, e mẹgbu ikpoho di wẹ nwụn, a tụnarịn ndị nwọnlẹni nẹdi ihiẹn wẹ!

Azaya 3:14

Osolobuẹ a mama ndị-ichẹn lẹ ndị-ndu ndị nke ẹ ikpe: “Ụnụ haịn alị vaịnị m wụ Juda gi wiwi; ihiẹn ụnụ kwanarịn ndị-igbẹnnyẹ jun iwe ụnụ.

Azaya 3:15

Kị ụnụ rị e gwerinriẹnni ndị nke m? Kị ụnụ rị a bịangbuni ndị-igbẹnnyẹ?” Ịya kẹ Onyẹ-nwọnni-ẹnyi wụ Osolobuẹ rị a jụ ụnụ.

Izikẹlụ 22:11

Imẹ i, onyẹ ohu hụ e sọn nwunyẹ ibe ẹ e mẹ arụ, hụn ẹbọ hụ e sọn nwunyẹ-nwa a e mẹ arụ — o tuni ihiẹn anaị; onyẹ ọzọ hụ e sọn nwẹnẹ ẹ okpoho a ranhịn, nwa nẹdi ẹ.

Izikẹlụ 36:20

“Ebe-lẹ-ebe wẹ ru imẹ alị ndị ahụn, e wiwi wẹ Ẹfan m rị nsọ, makẹni w'e ku oku wẹ, a sị, ‘Ndịnị wụ ndị nke Osolobuẹ, kanị a ghakwọ wẹ alị a kpụnhan wẹ ebeni.’

Hosia 4:14

Eyekọ m ụmụ ụnụ ikpoho afụnfụn nị wẹ rị a gba ịgbaraja; eyekọ m inyẹnmẹ ụmụ ụnụ afụnfụn nị wẹ zọ ụkụ ye ọfịa, makẹni ụnụ ndị ikẹnnyẹ hụ e bu ịgbaraja ụlọ-mmọn, e sọn ịgbaraja a ghọ ihiẹn ahụn wẹ rị a ghọ. “Ebọn nwọnlẹni uche iwi kẹ w'a la.

Lẹvitikọsụ 18:15

Emẹlẹ mgba nwunyẹ nwa ị; nwunyẹ nwa ị rọ; emẹlẹ mgba a.

Lẹvitikọsụ 18:21

“Eyekwọlẹ wẹ nwa ị ọwụlẹ gi chụnyeni Molẹkị ẹjan; emẹrụlẹ ẹfan Chuku ụnụ. Mmẹ wụ Osolobuẹ.

Lẹvitikọsụ 18:8

Emẹlẹ mgba nwunyẹ nẹdi i; i mẹ ẹ, y'a gbagụọ nẹdi i ọtọ.

Lẹvitikọsụ 20:3

M k'e mẹshi onyẹ hụ ikẹn, e bepụ m'a imẹ ndị nke ẹ; makẹni ebe ọ nọ gi nwa a chụnyeni Molẹkị ẹjan, o mẹrụgụọ ebe wẹ nọ e fe m, budan ẹfan nsọ m.

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Emọsụ 5:12

makẹni a marịnghọ m isi ile ụnụ rị e nupụ lẹ okẹn njọ ụnụ rị e mẹ — kẹ ụnụ dọn e mẹshi ndị ezi-omumẹ ikẹn, a narịn egho-azụụn, a napụ ndị ẹka-rulẹni ihiẹn runi wẹ ọgwa.

Emọsụ 8:4

Nụ nị ọnwan, ụnụ ndị hụn a zọgbu ndị ẹka rulẹni, e nutu ndị igbẹnnyẹ rị alịnị,

Maịka 2:2

Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Maịka 2:9

Ụnụ a chụpụ ikpoho alị m iwe wẹ obi gi a sụọ wẹ ụsụọ, a napụ ụmụ wẹ ọghọ m ye wẹ, a napụchanrịn.

Zẹfanaya 3:3

Ndị-isi rịn'a nọhụ kẹ ẹwọrọ rị e dẹnni; ndị a hannị wẹ eṅẹn nọhụ kẹ eje-anụ e ri anụ, hụn ghalẹni a nị eki e fọnkunrun ihiẹn o gbu.

Ndị Rom 2:24

Ẹkụkwọ-nsọ sị, “Ụnụ ndị Ju haịn alị ndị ọzọ gi e kuja oku Osolobuẹ.”

Ndị Kọrẹntị Ibuzọ 5:1

E kughọdẹ w'a nị ughẹrẹ rị imẹ igunrun ụnụ, ụdị hụn ndị a rụa mmọn ghalẹni a ghẹrẹdẹ — ebe okẹnnyẹ lẹ nwunyẹ nẹdi ẹ nọ ranhịn!