Emọsụ 2:4 - Ika

⁴ Osolobuẹ sị: “Makẹ njọ ẹtọ ndị Juda mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni a jụgụọ wẹ Iwu Osolobuẹ, e dọnmẹni wẹ ụmụ-iwu rịn'a; e giziọlẹ wẹ mmọn ndị ahụn wụlẹni Chuku dufie wẹ, mmọn ndị nẹdi wẹ kanị sọnkọ kpahu.

Emọsụ 2:4 ပူးပေါင်းရင်းမြစ်များ

Ndị-nze Nke Ẹbụọ 17:19

Kanị ndị Juda nkẹ a jụ nị e mẹkọ wẹ ihiẹn ndị Osolobuẹ wụ Chuku wẹ sị wẹ mẹ. Kama, e mẹsọnmẹ wẹ eje-ihiẹn nwẹn ndị Izrẹlụ Ẹbamịn ugu mẹ.

Ihiẹn Mẹni Nke Ẹbụọ 25:14

Ogẹn Amazia gi mẹrigụ ndị Ẹdọm lụaha, o kpọnlụa mmọn ndị ahụn ndị Sẹẹ a rụa. Ọ nọ kọmarịn wẹ, rụama wẹ, a kụnị wẹ isi-alị, a mụnị wẹ nsẹnsi.

Ihiẹn Mẹni Nke Ẹbụọ 30:7

Anọkwọlẹ ni kẹ ndị nẹdi ụnụ lẹ umunẹ ụnụ, hụn sọnzilẹni Osolobuẹ wụ Chuku ndị nẹdi wẹ, ọ nọ gi wẹ họnrin ihiẹn-ụya kẹ ụnụ dọn nwan rị a hụn a.

Nehemiah 1:7

Ẹnyi e mẹọlẹ i njọ ọda-ọda. Ẹnyi e dọnmẹni iwu ndị hụn i ye ẹnyi, ẹnyi egini uhi i rụn ọrụn, ẹnyi edọnmẹni iwu ndị i ye odibo i wụ Mozizi.

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 44:20

Hụnyẹ rịhụ e ri ntụn! Uche ẹ hụn gbayịyagụnị e dufiegụọ a. Ọ sakọ ẹka zụọpụha enwẹn ẹ mọbụ sị enwẹn ẹ, “Ẹlẹ ihiẹn nwọnlẹni isi kẹ m kwọndọn ẹka-nni m ihiẹnni?”

Jerimaya 16:11

Sị wẹ nị Osolobuẹ sị, ‘Makẹni ndị nẹdi ụnụ kanị gbakitọ m azụụn, sọnmẹ mmọn ichẹn-ichẹn, e fe wẹ, a kpọnị wẹ isi-alị; wẹ gbakitọ m azụụn; edọnmẹni wẹ Iwu m.

Jerimaya 16:12

Kanị, ụnụ e mẹkarịgụọdẹ nwan ndị nẹdi ụnụ njọ! Onyẹ-onyẹ hụ e bu isi-ikẹn ebe ọ rị e mẹ ihiẹn eje-obi ẹ gwa a, jụ nị ụnụ egọnkọ m ntịn.

Jerimaya 17:27

Kanị, omẹni ụnụ emẹni ihiẹn m ku banyeni idọnmẹ Ụhụọhịn Ezumikẹn nsọ, bughabehi ibu ọnụ-mgbọn rịsọnmẹ Jerusalẹm Ụhụọhịn Ezumikẹn, a mụ m ọkụn wẹ ghalẹni a s'ẹka e tinyụn ye ọnụ-mgbọn ile rị Jerusalẹm, ọ dụnpụchanrịn ụlọ-uku ile rị Jerusalẹm hụn w'a gbaban.”

Jerimaya 6:19

Elu-ụwa ile, gọnkwọ ntịn: m welanị ndịnị ntikpọ — ịya wụ erere eje-ihiẹn wẹ mama, makẹni egini wẹ oku m dọn, makẹni edọnmẹni wẹ iwu m.

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Jerimaya 8:9

Ndịnị ụnụ sị marịn ihiẹn jẹnkọ d'a fa! Ndụn k'a gụ wẹ; wẹ k'a danban ọnyan. Ebe o mẹni a jụgụọ wẹ oku Osolobuẹ, elee amamihiẹn kẹ wẹ nwọnzi?

Jerimaya 9:14

Kanị a gba wẹ isi-akwanran kẹ obi wẹ dọn gwa wẹ, fesọnmẹ Baalụ kẹ ndị nẹdi wẹ dọn kuzi wẹ.

Izikẹlụ 13:22

“ ‘Ụnụ hụ e gi ntụ ụnụ e mẹ ndụn a gụ ndị ezi-omumẹ bụ ẹlẹ mmẹ ku ihiẹn ndị hụ ndụn gi a gụ wẹ, a gba ndị eje-omumẹ umẹ, e mẹ wẹ ahapụlẹ eje-obibi wẹ, hụn te furu w'a hapụ kẹni wẹ rị ndụn.

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Izikẹlụ 20:16

makẹni emẹni wẹ ihiẹn ndị m sị wẹ mẹ, egini wẹ uhi m bi; e mẹrụ wẹ Ogẹn Ezumikẹn m rị ichẹn-ichẹn, makẹni obi wẹ rịchanrịn mmọn wẹ rị ichẹn-ichẹn —

Izikẹlụ 20:18

“M nọ gwa ụmụ wẹ oku imẹ atụ hụ, sị ‘Esọnlẹ ni omẹnalị ndị nẹdi ụnụ; egilẹni iwu wẹ bi; egilẹ ni mmọn ndị hụ wẹ e fe mẹrụ enwẹn ụnụ.

Izikẹlụ 20:24

makẹni emẹni wẹ ihiẹn m sị wẹ mẹ, makẹni wẹ jụ uhi m, mẹrụ Ogẹn Ezumikẹn m rị ichẹn-ichẹn, bu ẹnya wẹ che mmọn ndị hụ ndị nẹdi wẹ fe.

Izikẹlụ 20:30

Osolobuẹ sị, “Sị nwan ikpụlọ Izrẹlụ: Lee ihiẹn Osolobuẹ Nwọn Ihiẹn Ile ku: Nị ụnụ mẹrụ nwan enwẹn ụnụ nọkẹ ndị nẹdi ụnụ? Nị ụnụ wezi nwan enwẹn ụnụ kwanị mmọn ndị ahụn rụnị nọkẹ wẹ?

Izikẹlụ 22:28

Ndị-amụma nkẹ hụ e gi ịhụn-ọhụn ntụ lẹ ịgba-ẹfa ntụ a kwadọn wẹ, e tekin ẹ n'ọ la ẹnya; a sị wẹ, ‘Osolobuẹ Nwọn Ihiẹn Ile sị,’ bụ Osolobuẹ asịnị wẹ.

Izikẹlụ 22:8

Y'e mẹrụchanrịngụọ ihiẹn ndị rị m nsọ, mẹrụchanrịn Ogẹn Ezumikẹn ichẹn-ichẹn m kayeni ụnụ.

Hosia 12:2

Osolobuẹ sị Juda e mẹgụọ eje-ihiẹn; o jẹnkọ d'e ye wẹ wụ ụmụ Jekọpụ afụnfụn eje-obibi wẹ, kụ wẹ ụgwọ ihiẹn wẹ mẹ.

Hosia 12:3

Kẹ Jekọpụ rị ẹfọ, o kwọndọn nwẹnẹ ẹ atụkụ-azụụn; o suepụha, o sọn Osolobuẹ dọ —

Hosia 6:11

Kẹ ụnụ nwẹn, ndị Juda, a kayegụọ m ogẹn m'e gi betu ụnụ kẹ ọka; bụ m chọ nị m mẹ n'ọ rịzịnị ndị nke m mma.

Emọsụ 1:3

Osolobuẹ sị: “Makẹ njọ ẹtọ hụn obodo Damaskọsụ alị Aram mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni e mẹshigụọ wẹ ndị rị ẹgbẹrẹ Gilẹdị ikẹn nọkẹ ebe wẹ nọ gi igwe kụkpọ ọka.

Emọsụ 3:2

Imẹ alị ile rị elu ụwa ụnụ sụọ kẹ m họrị; m sikọ nwan d'e yerịrị ụnụ afụnfụn makẹ njọ ile ụnụ mẹ.”

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Habakọkụ 2:18

“Elee erere kẹ mmọn wẹ kpụ bandẹ, ebe o mẹni ịhịan kpụ a? Ẹlẹ ihiẹn mmaka wẹ kpụ hụn e dufie ịhịan k'ọ wụ? Onyẹ hụn kpụn'a gi ihiẹn ẹka a mẹmẹ e dọn ẹnya, bụ ọ kpụhụ ihiẹn ghalẹni e ku oku.

Ndị Rom 1:25

e gi wẹ ntụ nọkin ẹnya ezioku Osolobuẹ, fesọnmẹ ihiẹn Osolobuẹ ke, a kụnị wẹ isi-alị hụn nkẹ w'e gi fe Osolobuẹ Onyẹ-okike w'a ja mma jẹnrin ejẹn! Isẹẹ.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Pita Ibuzọ 1:18

Ụnụ a marịngụọ nị ẹlẹ siliva mọbụ goru e wiwini kẹ wẹ gi gbapụha ụnụ imẹ eje-ihiẹn ndị ahụn ụnụ mụnarịn ndị nẹdi ụnụ,

Ndị Han Eṅẹn 10:6

Omẹgụ, ndị Izrẹlụ nọzị mẹ eje-ihiẹn ẹnya Osolobuẹ, femẹ mmọn Baalụ lẹ mmọn Ash'ta lẹ mmọn-lẹ-iyi ndị Aram, ndị Sidọnụ, ndị Mụabụ, ndị Amọnụ lẹ ndị Filistia. Makẹni wẹ gbakitọ Osolobuẹ azụụn, efezini wẹ ẹ,