Emọsụ 2:10 - Ika

¹⁰ Mmẹ wepụhazịkwọ ụnụ imẹ alị Ijiptu, du ụnụ imẹ atụ ahụa ọgụnnaị, we alị ndị Amọ ye ụnụ weri.

Emọsụ 2:10 ပူးပေါင်းရင်းမြစ်များ

Nehemiah 9:21

Ọrọgbọ ahụa ọgụnnaị k'i gi dọnmẹ wẹ ndụn imẹ atụ alị-ọkpọnkụn ahụn; onwọnni ihiẹn kọnị wẹ, ẹkwa wẹ akahịnị, ụkụ wẹ azanị.

Ẹbụ-ọma 95:10

Ize agbọ ahụn nọ ze m ọrọgbọ ahụa ọgụnnaị, m nọ sị, “Ndịnị e nwọnkẹ obi-ẹbụọ; w'e ke marịnkwọ kẹ m'e mẹ.”

Ọpụpụ 12:51

Ụhụọhịn ohu ahụn kẹ Osolobuẹ gha alị Ijiptu wepụha ebọn ile rị Izrẹlụ.

Ọpụpụ 20:2

“Mmẹ wụ Osolobuẹ, Chuku ụnụ, hụn wepụha ụnụ imẹ alị Ijiptu, alị ụnụ nọ wụ igbọn.

Ọpụpụ 3:8

A bịaọlẹ m nwan d'a gbapụha wẹ ẹka ndị Ijiptu lẹzi nị m gha imẹ alị ahụn wepụha wẹ, webanhan wẹ alị rị mma, shịa ẹfọ, alị mirin-ẹran lẹ mirin-ẹnwụn rị e hu imẹ ẹ, alị hụn ndị Kenaanị, ndị Hẹti, ndị Amọ, ndị Pẹrẹzi, ndị Hivu lẹ ndị Jebusu bi nwan.

Jerimaya 2:6

Ajụnị wẹ enwẹn wẹ, ‘Elebe kẹ Osolobuẹ rị nwan? Osolobuẹ hụn gha alị Ijiptu wepụha ẹnyi, we ẹnyi ghachanrịn atụ hụ ile, alị ọkpọ-nkụn hụ mẹ mgbugbu-mgbugbu; alị mirin ghalẹni e zue gbagbu enwẹn ẹ ishi; alị wẹ ghalẹni a gha, ịhịan bilẹni!’

Izikẹlụ 20:10

Ya m nọ gha Ijiptu wepụha wẹ, webanhan wẹ imẹ atụ.

Emọsụ 3:1

Ndị Izrẹlụ, nụ nị ihiẹn Osolobuẹ sị nị ịya kẹ ụnụ mẹ, “Ihiẹn alị Izrẹlụ ile m gha alị Ijiptu wepụha mẹ hụn rị e ze m ize:

Emọsụ 9:7

Ọ sị: Ẹnya m, kị rịdẹ nwan ichẹn imẹ ụnụ ndị Izrẹlụ lẹ ndị Ẹtiopịa? Mmẹ gha alị Ijiptu wepụha ndị Izrẹlụ, ẹlẹ ịya? Kanị mmẹ ghazị alị Kaftọ wepụha ndị Filistia; mmẹ ghazị alị Kiri wepụha ndị Aram.

Maịka 6:4

Mmẹ gha alị Ijiptu wepụha ụnụ, mmẹ gbapụha ụnụ imẹ ụlọ igbọn hụ: mmẹ zi Mozizi lẹ Ẹrọnụ lẹ Miriam d'e du ụnụ.

Ọgụngụn 13:32

Wẹ nọ ku egun ijẹn d'e weri alị ahụn wẹ lele ye igunrun ndị Izrẹlụ ẹnya, a sị, “Alị ahụn ẹnyi jẹn d'e lele wụ alị hụn e ripụ ndị bin'ẹ. Ndị ile ẹnyi hụn ebahụn wụ adụn-aran adụn-aran.

Ọgụngụn 21:25

Ya ndị Izrẹlụ nọ mẹrichanrịn obodo ndị Amọ ile, birisọnmẹ imẹ wẹ, kẹ isi-alị wẹ wụ Hẹsh'bọnụ kẹ ụmụ-alị ile nọhunmẹn'ẹ.

Ọgụngụn 32:13

“Olulu ndị Izrẹlụ bu Osolobuẹ ọda-ọda, ọ nọ mẹ wẹ wahunmẹmẹ imẹ atụ ọrọgbọ ahụa ọgụnnaị d'e runi agbọ hụ ile mẹ Osolobuẹ eje-ihiẹn hụ a nwụnchanrịn.

Ọrụn Ndị-ozi 13:18

Ọ nọ dinchanrịn ihiẹn ile wẹ mẹ imẹ atụ ọrọgbọ ahụa ọgụnnaị.

Ọrụn Ndị-ozi 7:42

Ya kẹ Osolobuẹ nọ gbakitọ wẹ azụụn, ha wẹ ye nị wẹ femẹ ihiẹn ndị rị igwere. Ya kẹ ndị-amụma de, sị, ‘Heuu, ikpụlọ Izrẹlụ! Ẹlẹkwọ mmẹ kẹ ụnụ gbuni anụ ndị ahụn; ẹlẹ mmẹ kẹ ụnụ chụnyesọnmẹni ẹjan ndị ahụn imẹ atụ ọrọgbọ ahụa ọgụnnaị.

Ditrọnọmi 1:39

Ẹlẹdẹ ọhụn sụọ: ụmụ ụnụ ndị ntịtị ahụn ụnụ sị wẹ k'a nwụnrụn agha, ụmụ ụnụ ndị ahụn kelẹni marịn mma lẹ njọ, uwẹ k'a banye alị ahụn. M k'e we ẹ ye wẹ nwọnrin.

Ditrọnọmi 2:7

Osolobuẹ wụ Chuku ụnụ a gọzigụọ ọrụn-ẹka ụnụ ile. O lepụgụọ ụnụ ẹnya hụnnị ile ụnụ rị e jẹnhunmẹ imẹ atụnị shịagbu enwẹn ẹ. Osolobuẹ wụ Chuku ụnụ a nọyegụọnị ụnụ ọrọgbọ ahụa ọgụnnaịnị, onwọnni ihiẹn kọnị ụnụ.

Joshụa 13:4

ụfọdụ wụ ndị rị ẹbamịn ndịdan-mirin. “Ọzọ wụ alị ndị Kenaanị ile rị nkọ shi Ugu Hẹmọnụ: gha Ara ndị Sidọnụ d'e ru Afẹki, d'e ruzi ẹgbẹrẹ ndị Amọ —

Joshụa 24:8

“Ya m nọ wẹhẹ ụnụ alị ndị Amọ ndị bi ẹbamịn ọwụwa-ẹnyanwụn Iyi Jọdanị. Wẹ nọ lụsọn ụnụ agha, kanị m nọ we wẹ ye ụnụ mẹri. E gbupụnị m ụnụ wẹ, ụnụ nọ weri alị wẹ.