Emọsụ 2:1 - Ika

¹ Osolobuẹ sị: “Makẹ njọ ẹtọ ndị alị Mụabụ mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni wẹ kpọ ọkpụkpụ eze alị Ẹdọm ọkụn, o họnrin ntụn.

Emọsụ 2:1 ပူးပေါင်းရင်းမြစ်များ

Ndị-nze Nke Ẹbụọ 3:9

Ya eze Izrẹlụ ẹbamịn-ugu nọ buli, ya lẹ eze Juda lẹ eze Ẹdọm. A ghapụ wẹ ụzọ hụn tegbu enwẹn ẹ rị imẹ alị ọkpọ-nkụn ọrọgbọ akpọhịn ẹsa, mirin wẹ nọ gụ, ahụnzịnị wẹ kẹ hụn ndị-agha k'a ra kẹ hụn anụ wẹ k'a ra.

Itẹn 15:3

Ẹnya Osolobuẹ rị ụzọ ile, e lee ndị eje-omumẹ lẹ ndị ezi-omumẹ.

Azaya 11:14

Wẹ ẹbụbụọ k'a wị maye ndị Filistia ndị bi mkpọtu òke ẹbamịn Ọdịdan-ẹnyanwụn, wịzị d'a maye ndị rị nkọ ọwụwa-ẹnyanwụn, kwarị ihiẹn wẹ. Wẹ k'e mẹ Ẹdọm lẹ Mụabụ ihiẹn; ndị Amọnụ k'a rị okpuru wẹ.

Azaya 16:6

Ẹnyi a nụgụọ mpache ile alị Mụabụ rị a pache — e mẹkarị enwẹn ẹ, lẹ k'o dọn e bọnmẹ, e kukarị enwẹn ẹ — kanị wẹ rịhụ a ban mban mmaka.

Azaya 25:10

Osolobuẹ jẹnkọ d'e gi ẹka rị mma sọn uguni wụ Zayọnụ-Jerusalẹm; kanị o sikọ d'a zọgbu alị Mụabụ, kẹ w'a zọkpụkpọ ẹfịfịa ọkpọ-nkụn imẹ ẹjan w'a kụnye ihiẹn.

Jerimaya 25:21

e yezi m ndị Ẹdọm mkpu afụnfụn Osolobuẹ hụ rarị, yezi ndị Mụabụ lẹ ndị Amọnụ

Emọsụ 1:11

Osolobuẹ sị: “Makẹ njọ ẹtọ ndị alị Ẹdọm mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni o gi ọpịa-agha chụ umunẹ ẹ ndị Izrẹlụ, o mẹdẹni omikẹn wẹ, kama, o gi olulu mẹ wẹ ihiẹn, mẹru ẹ alị.

Emọsụ 1:13

Osolobuẹ sị: “Makẹ njọ ẹtọ ndị Amọnụ mẹ, njọ ẹnọ dẹ, erohutọkọ m, m k'e yerịrị wẹ afụnfụn makẹni wẹ bụọ ikpoho Gilẹdị rị imẹ, kẹni wẹ weri alị wẹ cheni nke wẹ.

Emọsụ 1:3

Osolobuẹ sị: “Makẹ njọ ẹtọ hụn obodo Damaskọsụ alị Aram mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni e mẹshigụọ wẹ ndị rị ẹgbẹrẹ Gilẹdị ikẹn nọkẹ ebe wẹ nọ gi igwe kụkpọ ọka.

Emọsụ 1:6

Osolobuẹ sị, “Makẹ njọ ẹtọ obodo Gaza rị alị Filistia mẹ, njọ ẹnọ dẹ, erohutọkọ m; m k'e yerịrị wẹ afụnfụn makẹ alị ahụn wẹ kpụnrụn ndị ile rịn'a reye ndị alị Ẹdọm.

Emọsụ 1:9

Osolobuẹ sị, “Makẹ njọ ẹtọ obodo Taya mẹ, njọ ẹnọ dẹ, erohutọkọ m; m k'e yerịrị wẹ afụnfụn makẹ alị ahụn wẹ kpụnrụn ndị ile rịn'a reye ndị alị Ẹdọm. Anyanhandẹni mẹ obi nwẹnẹ.

Emọsụ 2:4

Osolobuẹ sị: “Makẹ njọ ẹtọ ndị Juda mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni a jụgụọ wẹ Iwu Osolobuẹ, e dọnmẹni wẹ ụmụ-iwu rịn'a; e giziọlẹ wẹ mmọn ndị ahụn wụlẹni Chuku dufie wẹ, mmọn ndị nẹdi wẹ kanị sọnkọ kpahu.

Emọsụ 2:6

Osolobuẹ sị: “Makẹ njọ ẹtọ ndị Izrẹlụ mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni wẹ rị e gi ufiri egho e re ndị ezi-omumẹ, e redẹ ndị-igbẹnnyẹ ọnụ-egho akpụkụ.

Maịka 6:5

Heuu, ndị nke m! Nyanhankwọ nị eje ihiẹn Balakị eze Mụabụ te romẹni ụnụ lẹ ihiẹn Balaam nwa Bioru za a. Nyanhanzị nị ihiẹn mẹ ẹgbata alị Shitim lẹ alị Gil'galụ! Gi n'ẹ marịn ihiẹn ile rị mma Osolobuẹ mẹni ụnụ.”