Emọsụ 1:8 - Ika

⁸ M k'e gbu ndị rị obodo Ash'dọdụ Filistia lẹ eze rị a kị obodo Ash'kẹlọnụ Filistia; m k'e mẹshi ndị rị obodo Ẹkrọnụ Filistia ikẹn; ndị Filistia họdụnị jẹnkọ d'a nwụnzị. Osolobuẹ wụ Chuku e kugụọ a!”

Emọsụ 1:8 ပူးပေါင်းရင်းမြစ်များ

Ihiẹn Mẹni Nke Ẹbụọ 26:6

Ọ lụsọn ndị Filistia agha, kụtu mgbọn wẹ tụnhunmẹ obodo Gatị lẹ mgbọn Jabnẹ lẹ mgbọn Ash'dọdụ. Ọ rụndọnzi obodo ndị nọkunmẹ Ash'dọdụ lẹ ebe rị ichẹn-ichẹn imẹ alị ndị Filistia.

Ẹbụ-ọma 81:14

Nkẹ m'e mẹri ndị-iṅẹnrẹn wẹ ozigbo-ozigbo, ẹka m e bitụ ndị bunụmanị wẹ;

Azaya 1:25

Ẹka m k'e bitụ ị; m k'e wepụchanrịn unyin rị imẹ i, wepụchanrịn ihiẹn ile rịlẹni mma rị imẹ i.

Azaya 20:1

Ahụa hụ onyẹ-isi kịchanrịn ndị-agha Asiria hụn Sagọnụ eze Asiria zi gi bịa Ash'dọdụ, lụsọn ẹ agha, weri ẹ, kịma —

Jerimaya 47:1

Ọnwan wụ ihiẹn Osolobuẹ gwa Jerimaya onyẹ-amụma banyeni ndị alị Filistia kẹ Fẹro kelẹni lụsọn obodo Gaza agha.

Izikẹlụ 25:16

Osolobuẹ Nwọn Ihiẹn Ile sị nwan: M'e d'a tịnpụ ẹka mẹ ndị Filistia ihiẹn. M k'e bepụ ndị Kẹrẹtị Filistia; m k'e tikpọpụ ndị họdụ mkpẹnrẹn-mirin hụ Filistia rị.

Juwẹlụ 3:4

“Elee hụn biri mmẹ lẹ ụnụ, alị Taya-lẹ-Sidọnụ lẹ alị ile rị ẹgbẹrẹ alị Filistia? Mmẹgwarị kẹ ụnụ rịdẹ a chọ nị ụnụ mẹgwarị m ra? Omẹni mmẹgwarị rọ, m k'e hu ihiẹn ụnụ rị e mẹ kpu ụnụ isi; m k'e mẹ ẹ, mẹ ẹ ozigbo-ozigbo!

Emọsụ 1:7

M jẹnkọ nwan d'e zi ọkụn ye mgbọn Gaza; ọkụn hụn k'e ripụ ụlọ-agha ile zegbu enwẹn ẹ rị Gaza.

Emọsụ 3:9

D'a gwa nị wẹ ya ebe ile rị mkpa imẹ Ash'dọdụ alị Filistia; gwazịkwọnị wẹ ya ebe ile rị mkpa imẹ Ijiptu: sị nị wẹ, “Gbakikomẹ ni elu Ugu Sameria, nị ụnụ hụn okẹn isusu rị imẹ ẹ, hụnzị mmẹgbu rị imẹ ẹ!”

Obadaya 1:18

Ikpụlọ Jekọpụ jẹnkọ wụ ọkụn; ẹghẹẹ, Ikpụlọ Josẹfụ k'a wụ ọkụn rị enwunni, ikpụlọ Isọ wụ Ẹdọm a wụrụ ẹfịfịa ọkpọ-nkụn; wẹ k'a dụnpụ ụmụ Isọ, onwọnni onyẹ k'a họdụ ikpụlọ Isọ.” Osolobuẹ e kuọl'a.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Zẹkaraya 9:5

Ndị obodo Ash'kẹlọnụ k'a hụn ihiẹn mẹ Taya, egun a bịa wẹ; ndị obodo Gaza k'a hụn a, mama kpakpakpa yeni egun; ẹrịra k'ọ k'a rịzịnị ndị obodo Ẹkrọnụ, makẹni o kpuyegụọ wẹ! Nke ndị obodo Gaza, eze wẹ k'a nwụn! Obodo Ash'kẹlọnụ k'a gba okpokoro!

Zẹkaraya 9:6

Obodo Ash'dọdụ k'e họnrin alị agwagwa! M k'a kụsị mbọnmẹ ndị Filistia.

Samuẹlụ Nke Ibuzọ 6:17

Ndịnị wụ ihiẹn-ofifi goru hụn obodo isẹn rị alị Filistia wẹhẹ gi chụnyeni Osolobuẹ ẹjan onyẹ-ikpe-ma: ohu wụ nke Ash'dọdụ; ohu wụ nke Gaza; ohu wụ nke Ash'kẹlọnụ; ohu wụ nke Gatị; ohu wụ nke Ẹkrọnụ.