Emọsụ 1:7 - Ika

⁷ M jẹnkọ nwan d'e zi ọkụn ye mgbọn Gaza; ọkụn hụn k'e ripụ ụlọ-agha ile zegbu enwẹn ẹ rị Gaza.

Emọsụ 1:7 ပူးပေါင်းရင်းမြစ်များ

Ndị-nze Nke Ẹbụọ 18:8

O mẹri ndị Filistia, kẹ ndị rị alị-ọfịa wẹ rụntọhụ ụlọ-nche butọ ndị-agha kẹ ndị rị obodo shịa ẹfọ wẹ tụnhunmẹ mgbọn, d'a pụkwọrị Gaza lẹ ebe ile rị okpuru Gaza.

Ihiẹn Mẹni Nke Ẹbụọ 26:6

Ọ lụsọn ndị Filistia agha, kụtu mgbọn wẹ tụnhunmẹ obodo Gatị lẹ mgbọn Jabnẹ lẹ mgbọn Ash'dọdụ. Ọ rụndọnzi obodo ndị nọkunmẹ Ash'dọdụ lẹ ebe rị ichẹn-ichẹn imẹ alị ndị Filistia.

Jerimaya 47:1

Ọnwan wụ ihiẹn Osolobuẹ gwa Jerimaya onyẹ-amụma banyeni ndị alị Filistia kẹ Fẹro kelẹni lụsọn obodo Gaza agha.

Jerimaya 47:5

Ndị obodo Gaza rị alị Filistia k'a kpụnpụ ntutu wẹ, nị ụya e ru wẹ isi. Ndị obodo Ash'kẹlọnụ rị alị Filistia ahụnkọ ọnụ ku oku. Ndị họdụ alị-aradan Filistia, elee mgbe kẹ ụnụ e bekikabehi enwẹn ụnụ ẹhụ — ebe ụnụ rị a kwan ụya?!

Izikẹlụ 30:8

Wẹ k'a marịn nị m wụ Osolobuẹ, ogẹn m'e gi bi ọkụn ye alị Ijiptu, ndị ile e yen'ẹ ẹka a dan.

Izikẹlụ 39:6

M k'e zi ọkụn ye alị Magọgụ lẹ alị ndị hụ ẹhụ fu rị mkpẹnrẹn ohimin ibẹka hụ, e gi w'ẹ marịn nị mmẹ wụ Osolobuẹ.

Emọsụ 1:4

M jẹnkọ nwan d'e zi ọkụn ye ikpụlọ Hazaẹlụ eze wẹ. Ọkụn ahụn k'e ripụ ụlọ-agha ile zegbu enwẹn wẹ hụn Bẹn-Hadadị eze wẹ gi dọn ẹnya.

Emọsụ 1:6

Osolobuẹ sị, “Makẹ njọ ẹtọ obodo Gaza rị alị Filistia mẹ, njọ ẹnọ dẹ, erohutọkọ m; m k'e yerịrị wẹ afụnfụn makẹ alị ahụn wẹ kpụnrụn ndị ile rịn'a reye ndị alị Ẹdọm.

Emọsụ 1:8

M k'e gbu ndị rị obodo Ash'dọdụ Filistia lẹ eze rị a kị obodo Ash'kẹlọnụ Filistia; m k'e mẹshi ndị rị obodo Ẹkrọnụ Filistia ikẹn; ndị Filistia họdụnị jẹnkọ d'a nwụnzị. Osolobuẹ wụ Chuku e kugụọ a!”

Zẹfanaya 2:4

Obodo Gaza k'a gba okpokoro; obodo Ash'kẹlọnụ k'a gbazịkwọ okpokoro; wẹ k'a chụpụchanrịn ndị obodo Ash'dọdụ, ẹnyanwụn gini d'a kpọfe isi; wẹ k'e huepụ ndị obodo Ẹkrọnụ.

Ndị Rom 12:19

Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.