Emọsụ 1:11 - Ika

¹¹ Osolobuẹ sị: “Makẹ njọ ẹtọ ndị alị Ẹdọm mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni o gi ọpịa-agha chụ umunẹ ẹ ndị Izrẹlụ, o mẹdẹni omikẹn wẹ, kama, o gi olulu mẹ wẹ ihiẹn, mẹru ẹ alị.

Emọsụ 1:11 ပူးပေါင်းရင်းမြစ်များ

Ihiẹn Mẹni Nke Ẹbụọ 28:17

makẹni ndị-agha Ẹdọm a bịagụọzị d'a lụsọn ndị Juda agha, kpụnrụn ndị wẹ kpụnrụn.

Malakaị 1:4

Ndị alị Isọ wụ Ẹdọm, jẹnkọ d'a sị, “E tikpọgụọ wẹ ẹnyi ru alị, kanị ẹnyi k'a tụndọnzi ihiẹn tikpọnị.” Kanị Osolobuẹ Ihiẹn ile rị okpuru ẹ, sị, “Wẹ tụndọnzi, e tikpọzị m'a — d'e ru nị a kpọma w'a, ‘Eje-alị, alị Osolobuẹ k'e busọn olulu jẹnrin ejẹn.’

Juwẹlụ 3:19

“Ijiptu k'a gba okpokoro, Ẹdọm a gba okpokoro nọkẹ atụ makẹni wẹ maye ndị alị Juda ọgụn, nọ alị Juda gbu ndị nwọnlẹni ihiẹn wẹ mẹ wẹ.

Ẹbụ-ọma 137:7

Osolobuẹ dodo nyanhankwọ ihiẹn ndị Ẹdọm mẹ ụhụọhịn hụ ndị-agha Babilọnụ mẹri Jerusalẹm: kẹ wẹ dọn rị e yi, “Tikpọchanrịn n'a! Tikpọchanrịn n'a ru alị!!”

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Ẹkịliziastisi 7:9

Ebukẹnrinlẹ olulu, nị onyẹ-nzuzu kẹ olulu bi imẹ ẹ a kị.

Ditrọnọmi 23:7

Ajụkwọlẹ isọn onyẹ Ẹdọm mẹkọ, makẹni yụ lẹ ya wụ nwẹnẹ. Ajụkwọlẹ isọn onyẹ Ijiptu mẹkọ, makẹni ụnụ a nọgụọ alị wẹ nọkẹ itumunyẹ.

Ndị Ẹfẹsọsụ 5:1

E leri ni nwan Chuku nọkẹ ezigbo ụmụ a.

Malakaị 1:2

Osolobuẹ sị ndị Izrẹlụ, “A ghọsịghọlẹ m ụnụ nị ụnụ rị m ụda.” Kanị ụnụ hụ a sị, “Nanị kẹ ẹnyi dọn rị ị ụda?” Mmẹ wụ Osolobuẹ sị, “Ẹlẹ umunẹ kẹ Isọ lẹ Jekọpụ wụ? Kanị Jekọpụ rị m ụda,

Azaya 57:16

Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.

Ẹbụ-ọma 85:5

N'i wesọnmẹni ẹnyi iwe jẹnrin ejẹn? N'i gi iwe sọn ẹnyi gha agbọ ru agbọ?

Zẹkaraya 1:15

kanị iwe alị ndị ọzọ ndịnị ẹhụ fu rị e we m, makẹni e gigụọ wẹ ẹkẹrẹ olulu m te rị e buni ndị nke m mẹ wẹ eje-ihiẹn.’

Ihiẹn Mẹni Nke Ẹbụọ 20:10

“Lee nwan ihiẹn ndị Amọnụ lẹ ndị Mụabụ lẹ ndị Ugu-Sẹẹ rị e mẹ, ndị nwẹn ị nịlẹni ndị Izrẹlụ maye alị wẹ ogẹn Izrẹlụ gi gha alị Ijiptu pụla, Izrẹlụ nọ ghakpẹn wẹ, etikpọnị wẹ wẹ.

Ihiẹn Mẹni Nke Ẹbụọ 20:11

Lee nwan, ihiẹn wẹ gi rị a kụ ẹnyi ndị Izrẹlụ ụgwọ wụ ịchụpụ ẹnyi alị hụn i ye ẹnyi n'ọ wụrụ ukuu ẹnyi!!

Hosia 8:3

Kanị Izrẹlụ a jụgụọ ihiẹn rị mma. Eṅẹnrẹn jẹnkọ d'a chụ wẹ ọsọ.