20 K'ị tọnị nwan a zọ ẹnyi? K'ị lanị nwan ẹnyi tọ ọrọgbọnị ile?
Euu Osolobuẹ, elee mgbe k'i k'a zọbehi m? N'ị zọ m jẹnrin ejẹn? Elee ogẹn kẹ y'e zuemẹbehini m enwẹn i?
Elebe m'e roru iroro? Elee mgbe kẹ ụfụ rị m obi ụhụọhịn ile e gi bi? Elee ogẹn kẹ ndị-iṅẹnrẹn m k'e mẹribehi m?
Ẹmụ ndị iṅẹnrẹn m rị a mụ m hụ a fụru m ọkpụkpụ; wẹ hụ a jụ m, “Elebe kẹ Chuku i rị?”
K'ị rị e bupụnị ẹnyi ihun? Kị haịn i gi zọ afụnfụn ẹnyi rị a ta lẹ nsọngbu ẹnyi rị imẹ ẹ?!
Euu Chuku k'ị jụnị ẹnyi jẹnrin ejẹn? K'ị tọnị e buni atụnrụn ị olulu?
Osolobuẹ, nanị k'o k'e biehan? N'i busọn ẹnyi olulu jẹnrin ejẹn? N'i gi ẹnyanị rị a fụn'ị dụngbu ẹnyi lekẹ ọkụn?!
N'i wesọnmẹni ẹnyi iwe jẹnrin ejẹn? N'i gi iwe sọn ẹnyi gha agbọ ru agbọ?
Dodo Osolobuẹ, elee mgbe k'i k'e zuemẹbehi enwẹn i?! N'ị nị olulu i dụnsọnmẹ kẹ ọkụn jẹnrin ejẹn?!
Kanị Zayọnụ sị, ‘Osolobuẹ agbakịtọgụọ m azụụn, Di-nwọnni-ẹnyi a zọgụọ m.’
Jerusalẹm! E bugụọ m ndị-nche che elu mgbọn i; akpọkubehikọ wẹ m, kẹ uhinhin kẹ efinaị. Ụnụ ndị a kpọku Osolobuẹ, ezukwọlẹ ni ikẹn;
K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.
