Ẹkwan 5:17 - Ika

¹⁷ Ihiẹnni haịn ndụn gi nwan gụ ẹnyi — ẹnya ẹnyi a changụọ ẹnyi gi a kwan ẹkwan ihiẹn ndịnị,

Ẹkwan 5:17 ပူးပေါင်းရင်းမြစ်များ

Jobu 17:7

Ẹnya e mẹmẹgụọ m bishi-bishi yeni ẹkwan; e fiechanrịngụọ m ẹhụ — m nọhụ kẹ onyinyọn.

Ẹbụ-ọma 31:9

Osolobuẹ dodo mẹ omikẹn m, nị m rị imẹ nsọngbu; a kwan m ẹkwan, ẹnya e d'a kpọhị m, umẹ-ndụn lẹ ẹhụ a rọchanrịngụọ m yeni ẹkwan.

Ẹbụ-ọma 38:8

Ndụn arị m; ẹhụ ile e gụngwọnchanrịngụọ m; m hụ a sụn yeni ibu rị m obi.

Ẹbụ-ọma 6:7

A kwankpọgụọ m ẹnya ẹbụbụọ, ndụn a gụ wẹ yeni ndị-iṅẹnrẹn m.

Ẹbụ-ọma 69:3

A kwangbugụọ m enwẹn m, olu a gwọ m. Ẹnya m ẹbụbụọ a changụọ m gi rị e che Chuku m n'o yeni m ẹka.

Azaya 1:5

Kị wẹ k'e gbumẹzini ụnụ ili? Kị ụnụ tọnị e nupụ isi? A rụgụọ wẹ ụnụ ẹhụ isi ile, onwọnzini akpụ obi ohu ndụn rị.

Azaya 38:14

M hụ a rịa kẹ achụ, e yi kẹ nduru. E lebe m ẹnya elu m gi a chọ eyemẹka, ẹnya m a chan. Euu Osolobuẹ, m rị imẹ nsọngbu, dodo d'e yeni m ẹka.”

Jerimaya 46:5

“Kanị ihiẹn m rị a hụn wụ ọnwan: ‘Egun sikọ d'a tụgbu wẹ! A gbama wẹ ọsọ! Wẹ k'e mẹri wẹ, a gba wẹ ụkụ-akpalẹ-alị — elekọdẹ wẹ ẹnya azụụn! Egun sikọ e jun ụzọ ile!’ Ya kẹ Osolobuẹ ku.

Jerimaya 8:18

“Okẹn ụya kẹ m rị imẹ ẹ; obi a gbawapụ m!

Ẹkwan 1:13

Elu k'ọ gha zihẹ ọkụn, zidẹ ẹ ye m imẹ ọkpụkpụ. O shitọnị ụkụ m ọnyan, o mẹgụọ m lakin azụụn. O mẹgụọ m gba okpokoro, e mẹ ndụn a gụ m uhinhin lẹ efinnaị.

Ẹkwan 1:22

Eje-omumẹ wẹ ile ya ruchanrịn ebe ị rị; mẹshi wẹ ikẹn k'i dọn mẹ m makẹ njọ ile m mẹ. Udẹn-udẹn kẹ m rị a sụn, ndụn arịzị m.

Ẹkwan 2:11

Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.

Izikẹlụ 21:15

Kẹni obi dẹnhin wẹ, kẹni ndị bu ọda kpọgburu. E bugụọ m ọpịa-agha ahụn k'e gbuni che ọnụ-mgbọn wẹ ile. Ẹghẹẹ! E sụọngụọ w'a, ọ hụ e be nwaịn-nwaịn kẹ amụma. E bugụọ w'a che ọbụọ nị wẹ gi ẹ gbu ịhịan.

Izikẹlụ 21:7

Wẹ sị ị, ‘Kị rị a sụnnị udẹn?’ Sị, ‘Ozi lalanị haịn. Obi k'e dẹnhin ịhịan ile, ẹka ile a lịlọhị, ndụn a gụ onyẹ ọwụlẹ obi, mkpụkụ ile a mama piripiri!’ Ọ lala! O k'e mẹrịrị! Ya kẹ Osolobuẹ Nwọn Ihiẹn Ile ku.”

Lẹvitikọsụ 26:36

“O mẹ nke ndị k'a rị ndụn imẹ ụnụ, m k'e bu egun che wẹ ẹnya ọda-ọda imẹ alị ndị iṅẹnrẹn wẹ ahụn wẹ k'a rị, nke wụ nị wẹ nụ ụzụn mkp'ẹhụhụọ ufere bukọ, a gbama wẹ ọsọ. Wẹ k'a gba kẹ ndị gbakọnị ọpịa-agha, a gba, a dan, ọsụọn'a n'o nwọnni onyẹ chụkọnị wẹ.

Maịka 6:13

Mmẹ nwẹn sikọ nwan d'e ye ụnụ afụnfụn jọgbu enwẹn ẹ, m k'a napụchanrịn ụnụ ihiẹn ile ụnụ nwọn.

Ditrọnọmi 28:65

Imẹ alị ndị ahụn o k'e feyịya ụnụ, ẹhụ efukọ ụnụ, ụnụ ahụnkọ ebe ụnụ a nọ zu ikẹn. Osolobuẹ k'e mẹ obi ferisọnmẹ ụnụ, mẹ ẹnya rọ ebe ụnụ rị e lee ẹnya eyemẹka, mẹ ndụn olilẹnya gụ ụnụ.