Ẹkwan 4:9 - Ika

⁹ Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Ẹkwan 4:9 ပူးပေါင်းရင်းမြစ်များ

Ndị-nze Nke Ẹbụọ 25:3

Nke akpọhịn itenẹi imẹ ọnwan nke ẹnọ ahụa hụ, ihiẹn-oriri rị a kọ imẹ obodo hụ a karịgụọ ẹka, ndị obodo hụ enwọnzi ihiẹn wẹ k'e ri.

Ọpụpụ 16:3

wẹ sị Mozizi lẹ Ẹrọnụ, “O te ka ẹnyi mma nị Osolobuẹ gbu ẹnyi tọ imẹ Ijiptu! Ebahụn, ẹnyi a nọdịyeni ite-anụ, e rijundẹ ẹfọ kẹ ẹnyi chọ — ụnụ nọ nwan wepụha ẹnyi imẹ atụnị nị ọnụ gi ẹgụn gbu igunrunni ile.”

Azaya 22:2

Euu, obodo isusu jun! Euu, obodo uku ẹhụ-ọtụtụ lẹ eje-nkpọtụ jun? Egini wẹ ọpịa-agha gbu ndị nke ọnụ wẹ gbu, ẹlẹzikwọ agha gbu wẹ.

Jerimaya 16:4

Eje-emu jẹnkọ d'e gbu wẹ; onwọnni onyẹ jẹnkọ d'a kwannị wẹ mọbụ li wẹ; ozun wẹ jẹnkọ d'e jun alị kẹ nsịn-efin. Agha lẹ ụnwụn jẹnkọ d'e gbu wẹ; ozun wẹ k'a wụrụnị nnụnụ lẹ anụ-ọfịa ihiẹn-oriri.

Izikẹlụ 24:23

Ụnụ sikọ d'a fụma isi, yiri akpụkụ; ụnụ akwankọ ụya, ụnụ akwankọ ẹkwan. Njọ ụnụ k'a gha gbawa ụnụ obi; udẹn-udẹn kẹ ụnụ k'a gha a sụn imẹ igunrun ụnụ.

Izikẹlụ 33:10

“Nwa-ịhịan, sị ndị Izrẹlụ: Ụnụ hụ a sị, ‘Mmẹfie ẹnyi lẹ njọ ẹnyi hụ e gbu ẹnyi nwan, ẹnyi hụ e gi ufiri wẹ a la. Nanị ẹnyi a dọn nwan rị ndụn?’

Izikẹlụ 4:16

Ọ nọzị sị, “Nwa-ịhịan, m jẹnkọ d'e mẹ ihiẹn-oriri kọ ọda-ọda imẹ Jerusalẹm. Wẹ k'a gha a tụberi ihiẹn-oriri e ri, e hue uhue n'o d'a gụ; wẹ k'a gha a tanrịn mirin a ra, obi hụ e feri wẹ n'o d'a gụ,

Izikẹlụ 7:15

“Ọpịa-agha hụ ogbe e gbu, emu lẹ ẹgụn hụ mmụlọ e gbu. Onyẹ shi ugbo, ọpịa-agha e gbu ẹ; onyẹ nọdị imẹ obodo emu lẹ ẹgụn e gbu ẹ.

Lẹvitikọsụ 26:39

Ndị k'a họdụnị imẹ ụnụ k'a ta kẹ ofe imẹ alị ndị iṅẹnrẹn wẹ makẹ ufiri njọ wẹ lẹ njọ ndị nẹdi wẹ.

Ditrọnọmi 28:51

Ndị-agha wẹ k'e ripụ ụmụ anụ ụnụ lẹ ihiẹn ụnụ kụn ugbo ụnụ, d'e ru n'e tikpọchanrịn wẹ ụnụ. Alatọkọnị wẹ ụnụ ọka ọwụlẹ mọbụ manya ọhụn mọbụ ofugbọn-olivu mọbụ ụmụ-efin mọbụ ụmụ-atụnrụn lẹ ụmụ-ewu ụnụ e we lachanrịn iwi.