Ẹkwan 4:6 - Ika

⁶ Afụnfụn wẹ ye ndị nke ẹnyi, ka nwan hụn wẹ ye ndị Sodọm — hụn wẹ tikpọpụ ozigbo-ozigbo onwọnni onyẹ bịa d'e yen'ẹ ẹka.

Ẹkwan 4:6 ပူးပေါင်းရင်းမြစ်များ

Jẹnẹsisi 19:24

ya kẹ Osolobuẹ nọ gi ẹka a gha elu-igwee hu nsịn-ẹnyanwụn lẹ ọkụn kpu alị Sodọm lẹ alị Gomora nọkẹ mirin rị e zueni;

Jẹnẹsisi 19:25

tikpọpụ obodo ndị ahụn lẹ ẹgbẹrẹ hụ ile rị alị aradan hụ lẹ ndị ile bi imẹ obodo ndị ahụn lẹzi ihiẹn ile rị e sue alị.

Azaya 24:2

ihiẹn ohu hụ jẹnkọ d'e kunrun ịhịan ile — kẹ ndị nchụn-ẹjan kẹ ndị mmaka, kẹ odibo-okẹnnyẹ kẹ onyẹ-nwọnni ẹ, kẹ odibo-okpoho kẹ okpoho ọ rị iwe ẹ, kẹ onyẹ e reni kẹ onyẹ e ṅọnni, kẹ onyẹ e zinrinni kẹ onyẹ e zinyeni, kẹ onyẹ gi ụgwọ kẹ onyẹ wẹ gi ụgwọ.

Jerimaya 20:16

Onyẹ hụ ya rị kẹ obodo ndị ahụn, obodo ndị Osolobuẹ tikpọ, o mẹni omikẹn wẹ. Ya nụsọnmẹ ẹkwan-ụya ụtụntụn, nụsọnmẹ oro-agha efinaị,

Jerimaya 23:14

A hụnzị m nwan ihiẹn a gba ẹnya-mirin ẹka ndị amụma Jerusalẹm: Wẹ rị a ghẹrẹ, e gi ntụ e bi. Wẹ hụ a kwadọn ndị eje-omumẹ, hụn o gi mẹni onwọnzini onyẹ a latọ eje-ihiẹn. Wẹ ile rị nwan kẹ alị Sodọm ẹnya m; ndị Jerusalẹm rị nwan kẹ alị Gomora ẹnya m.”

Ẹkwan 4:9

Ndị wẹ gi ọpịa-agha gbu kazịdẹ nwan mma karị ndị ẹgụn rị e gbu — ndị rị a nwụnhụn makẹ ụnwụn.

Daniẹlụ 8:25

O k'e gi ndufie gha ihun ọhụnma-ọhụnma, weri ẹ n'o nwọnni onyẹ hankẹ ya. Ogẹn wẹ gi e ro nị nsọngbu arịa kẹ o k'e gi gbu ndị bu ọda, bunụmanị Onyẹ a kị ndị-ọkịkị. Wẹ k'e gbu ẹ, kanị ẹlẹ ẹka ịhịan k'e gbu ẹ.

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.

Matiu 24:21

Makẹni okẹn afụnfụn jẹnkọ d'a rị, ụdị hụn rịtulẹni kete ụwa e bidọnlẹ, ụdị hụn jẹnkọlẹni d'a rịzị.

Luku 10:12

M rị a gwa ụnụ ezioku, obodo ahụn k'a takarị eje-alị wụ Sodọm afụnfụn Ụhụọhịn Okinkin-ikpe!

Luku 12:47

“Odibo hụn marịn ihiẹn di-nwọnn'ẹ chọ bụ ọ kwademẹni mọbụ o mẹn'ẹ, wẹ sikọ d'a fịan a mkpịnsịn ọda-ọda.