Ẹkwan 4:4 - Ika

⁴ Ire hụ a nyantọ ụmụẹka okpo yeni ẹgụn-mirin; ụmụ-ndu hụ a rịọ ihiẹn-oriri, kanị onwọnni onyẹ e yeni wẹ.

Ẹkwan 4:4 ပူးပေါင်းရင်းမြစ်များ

Ndị-nze Nke Ẹbụọ 18:27

Kanị Ọnụ-eze Asiria nọ sị wẹ, “Ụnụ rodẹ nị Di-nwọnni ụnụ lẹ ụnụ ndị-isi sụọ kẹ di-nwọnni m zi m d'a gwa ihiẹn ndịnị? Ụnụ ro nị ndị ahụn rị elu mgbọn arị ndị wẹ rị a gwa — ndịnị ẹgụn sikọ nwan d'e mẹ ri nsịn wẹ nyụn, ra mamịn wẹ nyụn — nọkẹ ụnụ nwẹn?”

Ndị-nze Nke Ẹbụọ 25:3

Nke akpọhịn itenẹi imẹ ọnwan nke ẹnọ ahụa hụ, ihiẹn-oriri rị a kọ imẹ obodo hụ a karịgụọ ẹka, ndị obodo hụ enwọnzi ihiẹn wẹ k'e ri.

Ẹbụ-ọma 137:6

Ire ya nyanrịn m okpo omẹni a zọ m'ị, omẹni a nị m ihiẹn ọzọ ka m a sụọ karị Jerusalẹm.

Ẹbụ-ọma 22:15

Ndụn a gụgụọ m kẹ ite-ụrụa kpọgụ nkụn, ire a nyanrịn m okpo! Y'e bugụọ m che imẹ ẹjan kẹ ndị nwụnnị.

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Jerimaya 14:3

Ndị-isi hụ e zi idibo wẹ d'a chọ mirin; wẹ hụ e jẹn ọmị ile d'a chọ mirin, kanị arị wẹ a hụn mirin. Wẹ hụ e bulụa okpokoro ẹgbo-mirin, amarịnzị wẹ hụn w'e mẹ, e gi wẹ ẹka kpumẹ ihun yeni ifẹnrẹn.

Ẹkwan 1:11

Ndị Juda ile hụ a sụn udẹn, ebe wẹ rị a chọ ihiẹn-oriri; e gi wẹ ihiẹn ndị rị mkpa wẹ dọnmẹ a gbarị ihiẹn-oriri, kẹni wẹ hụn ụzọ ri ndụn. Euu Osolobuẹ, lee k'ọ rị m nị hụn kẹ wẹ rị e legberi m.

Luku 10:11

‘Kẹ ẹjan obodo ụnụ rị ẹnyi ụkụ, ẹnyi rị e tichanpụ a a tọnị ụnụ n'ọ shịagbu ụnụ ẹri. Ka marịnkwọ nị nị Alị-eze Osolobuẹ a rịgụọ nsue!’

Ditrọnọmi 28:48

ụnụ k'e gi ẹgụn ihiẹn-oriri, ẹgụn mirin, ọtọ lẹ ogbẹnnyẹ mgbeleke fe ndị iṅẹnrẹn hụn Osolobuẹ k'e zi d'e mẹ ụnụ ihiẹn. Wẹ k'a kpọma ụnụ ẹgan igwe olu, d'e ru n'o tikpọchanrịn ụnụ.

Ditrọnọmi 32:24

M k'e zihẹni wẹ eje-ụnwụn hụn e wiwi ihiẹn, emu e rikpọ ịhịan ẹhụ lẹ eje-emu e gbuni. M k'e zijẹnni wẹ eje-anụ eze tụ nkọ, agwọ nwọnsọnmẹ eje-ẹdide.