Ẹkwan 4:14 - Ika

¹⁴ Wẹ rị nwan ọgbara ogbe a sụọ ishi nọkẹ ndị ẹnya-ishi. Ẹdeke ndị wẹ gbu e mẹrụchanrịngụọ wẹ, onwọnni onyẹ egun a nị mẹtụdẹ ẹwuru wẹ ẹka.

Ẹkwan 4:14 ပူးပေါင်းရင်းမြစ်များ

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 56:10

Ndị-nche Izrẹlụ wụ ndị ẹnya-ishi, amarịn wẹ ihiẹn, nkitẹ odin a gba nkịtịn kẹ wẹ ile wụ w'a ra saẹka a gbọ, w'e dinẹsọnmẹhụ, a rọ nrọ — ụran a sụọka wẹ.

Jerimaya 2:34

Ẹdeke rị ụnụ ẹbulu-ukun — ẹdeke ndị-igbẹnnyẹ nwọnlẹni ihiẹn wẹ mẹ — ụnụ nwụnlẹni ebe wẹ rị e gbukpọ ụlọ. Ihiẹn ndịnị ile mẹni,

Jerimaya 26:8

Hụn Jerimaya gihụ kugụ ihiẹn ile Osolobuẹ sị a gwa ịhịan ile rị ebahụn, ndị nchụn-ẹjan lẹ ndị-amụma lẹ ndị ọzọ ile rị ebẹhụ nọ kwọndọn ẹ, sị a, “I k'a nwụnrịrị!

Izikẹlụ 23:45

Kanị, ndị ezi-omumẹ k'a ma wẹ ikpe w'a ma ikpoho zọ ụkụ ye ọfịa lẹ ndị gbu ịhịan, makẹni wẹ wụ ikpoho zọ ụkụ ye ọfịa lẹ ndị ẹdeke rị ẹka.

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Zẹfanaya 1:17

M k'e wẹhẹni ịhịan nsọngbu, e bisọnmẹ wẹ ẹka e jẹn nọkẹ ndị ẹnya-ishi, makẹni e mẹọlẹ wẹ Osolobuẹ njọ. Ẹdeke wẹ k'a gba kẹ mirin ogẹn hụ; ozun wẹ k'e retọ alị kẹ nsịn efin.

Ọgụngụn 19:16

“Omẹni ozun rị ogbe rọ: ozun mẹtụ ịhịan ogbe, onyẹ hụ sikọ d'a rụ ọrọgbọ akpọhịn ẹsa, kẹ hụn wẹ gi ọpịa gbu kẹ hụn nwụn ọnwụn-ẹhi; ẹrịra k'ọ rịzị onyẹ ẹhụ a mẹtụ ọkpụkpụ onyẹ nwụnnị mọbụ ili.

Ọgụngụn 35:33

“Emẹrụlẹ ni nwan alị ụnụ rị. Igbu-ịhịan e mẹrụ alị, bụ w'a ra saẹka gi ịchụn-ẹjan hịan alị wẹ nọ gbu ịhịan wepụ njọ; isi onyẹ gbu ịhịan sụọ kẹ wẹ gi a hịan a.

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Ndị Ẹfẹsọsụ 4:18

Uche wẹ a gbagụọ ishi. Enwọn wẹ ndụn Osolobuẹ yeni onwọnni ihiẹn wẹ marịn, makẹni obi wẹ kpọkin akpọkin.