Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.
Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.
Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.
Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.
