46 Ndị-iṅẹnrẹn ẹnyi ile a mụgbugụọ ẹnyi ẹmụ.
Wẹ hụ a shịapụnị m ọnụ, rịkẹ ẹwọrọ rị e ri, e dẹn.
Ndụn hụ a gụ m, rịkẹ ebe wẹ rị e hupụ mirin. Ọkpụkpụ m ile e kwọnpụchanrịngụọ. Obi rị m hụ kẹ udẹn, o dẹnhinchanrịngụọ.
Kị alị ndị ọzọ k'a jụnị ẹnyi, “Elebe Chuku ụnụ rị?” Dodo, gbugwarị wẹ ogbugbu wẹ gbu idibo i, gbugwarị wẹ hụn alị ndị ọzọ k'a nụ ukwere ẹ; gbugwarị wẹ nị ẹnyi gi ẹnya ẹnyi hụn a!
Alị ndị nọkunmẹni ẹnyi e d'a mụgbu ẹnyi; ndị fihunmẹni ẹnyi hụ a kọ ẹnyi ọnụ, e woo ẹnyi!
Kanị imẹ igunrun ndị Izrẹlụ, anụkọdẹ wẹ olu nkitẹ rị a gbọ ịhịan mọbụ anụ. Ogẹn hụ kẹ y'e gi marịn nị Osolobuẹ ara gi ẹka ohu sọn Ijiptu lẹ Izrẹlụ.’ Ya kẹ Osolobuẹ ku.
Ndị-iṅẹnrẹn i ile hụ a mụ ị ẹmụ, a sị ị “Ọṅọị!” Wẹ hụ e ru i imi, a tan'ị nkwẹnrẹn-eze, a sị, “Ẹnyi e luepụgụọ a. Ọnwan wụ ụhụọhịn ahụn ẹnyi rị e che; ẹnyi a hụngụọ a nwan!”
