Ẹkwan 3:38 - Ika

³⁸ Ẹlẹ ọnụ Onyẹ ahụn Kachanrịnnị kẹ ihiẹn jọ njọ lẹ ihiẹn rị mma gha a bịanị ịhịan?

Ẹkwan 3:38 ပူးပေါင်းရင်းမြစ်များ

Samuẹlụ Nke Ẹbụọ 16:10

Eze nọ sị a, “Kị biri mmẹ lẹ ụnụ, ụmụ Zeruaya-nị?! Omẹni iyi ọ rị a kpọ wụ makẹni Osolobuẹ sị a, ‘Kpọ Defidi iyi,’ onyẹ k'a s'ẹka jụ a, ‘K'i mẹni ihiẹnni?’ ”

Jobu 2:10

Jobu nọ sị a, “Y'e kumẹ kẹ ikpoho nzuzu! Ya wụ Chuku ye ẹnyi ihiẹn rị mma ẹnyi a narịn, o ye ẹnyi nsọngbu ẹnyi a jụ?” Ihiẹnni ile mẹni, Jobu egini oku-ọnụ a mẹ njọ.

Ẹbụ-ọma 75:7

Chuku sụọ a han eṅẹn: o wetu onyẹ ohu alị, o bushi hụn-ẹbọ elu.

Itẹn 29:26

Ndị bu ọda a channị onyẹ rị a kịnị ẹnya, kanị ẹka Osolobuẹ kẹ ịhịan nọ e nwọnhẹn ihiẹn run'ẹ.

Ẹkịliziastisi 7:14

Elu rị mma, y'a ghọghọ; kanị elu jọ njọ — y'a nyanhan nị Chuku ya mẹmẹ hụn rị mma mẹmẹzikwọ hụn jọ njọ. Ya wụ, ịhịan asakọ nwan ẹka marịn ihiẹn jẹnkọ d'e mẹ ihun ọ nwụnhụngụ.

Azaya 45:7

Mmẹ ke ukpẹ, kezikwọ ọhịhị; m'e ye ihiẹn rị mma, e yezikwọ nsọngbu; mmẹ wụ Osolobuẹ e mẹchanrịn wẹ ile.

Jerimaya 32:42

Mmẹ wụ Osolobuẹ sị, “Kẹ m dọn wẹhẹni ndịnị okẹn nsọngbuni, ẹrịra kẹ m jẹnkọ d'e ye wẹ ihiẹn-ọma ile m rị e kwe wẹ nkwa a.

Emọsụ 3:6

Nị wẹ gbu opi-agha imẹ obodo egun atụnị ndị rịn'a? Nị eje-ihiẹn kunrun obodo omẹni ẹlẹ Osolobuẹ mẹ ẹ?!