Ẹkwan 3:26 - Ika

²⁶ ọ rịka mma nị ịhịan gi ndidin cheri nị Osolobuẹ zụọpụha a.

Ẹkwan 3:26 ပူးပေါင်းရင်းမြစ်များ

Jẹnẹsisi 49:18

Euu Osolobuẹ, ịyụ kẹ m rị e lekwọ n'ị zụọpụha m!

Ihiẹn Mẹni Nke Ẹbụọ 20:17

Ẹlẹ ụnụ jẹnkọ d'a lụ aghanị. Werisọnmẹ ni hụ ọnọdị agha, ụnụ e turu nị ụnụ hụn mgbapụha Osolobuẹ jẹnkọ d'a gbapụha ụnụ, ndị Juda lẹ Jerusalẹm. Atụlẹ ni egun; anịlẹ ni ndụn gụ ụnụ. Eki, ụnụ e jẹn d'a lụsọn wẹ agha, Osolobuẹ k'a nọyeni ụnụ.’ ”

Ẹbụ-ọma 119:166

M hụ e che i n'ị zụọpụha m, Osolobuẹ; m hụ e dọnmẹ iwu i.

Ẹbụ-ọma 119:174

M rị e che i n'ị zụọpụha m, Osolobuẹ, iwu i a sụọ m ụsụọ.

Ẹbụ-ọma 130:5

M rị e che Osolobuẹ e gi obi m ile e che; m rị e gi ihiẹn o ku e dọn ẹnya.

Ẹbụ-ọma 37:34

Cheri Osolobuẹ, y'e sọnsọnmẹ ụzọ a. O k'e bushi i elu kẹni alị hụn ụzọ họnrin nke i; ị k'a hụn kẹ wẹ gbupụ ndị-njọ.

Ẹbụ-ọma 37:7

La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ.

Ẹbụ-ọma 52:9

M k'a gha a kpanmịn ị jẹnrin ejẹn, Osolobuẹ, makẹ ihiẹnni i mẹ; m k'a ja Ẹfan ị mma, idẹnya ndị nke i.

Ẹbụ-ọma 54:6

M k'a chụnyen'i ẹjan gha m obi pụha; m k'a ja Ẹfan ị mma, Osolobuẹ, n'ọ rịka mma.

Ẹbụ-ọma 62:2

Ịya sụọ wụ ọmụma e che m nche lẹ onyẹ hụn a zụọpụhanị m; ịya kẹ m gbọnni: emẹhunmẹkọ m ọda.

Ẹbụ-ọma 73:28

O mẹ nke m, ọ rịka mma nị m nọkunmẹ Chuku; e gbọnni m'i, Osolobuẹ wụ Chuku; m k'e kusọnmẹ ihiẹn ile ị rụn!

Ẹbụ-ọma 92:1

Ịkpanmịn Osolobuẹ a rịka mma, e gi ẹbụ a ja ẹfan Onyẹ Ahụn Kachanrịnnị mma,

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Ọpụpụ 14:14

Osolobuẹ jẹnkọ d'a lụnị ụnụ ọgụn, ẹlẹ hụn ụnụ e gi ye enwẹn ụnụ nsọngbu.”

Azaya 30:15

Di-nwọnni-ẹnyi, hụn wụ Osolobuẹ, Onyẹ-nsọ Izrẹlụ, sị: “Ibihutọ ẹka lẹ igi ndidin cheri m kẹ ụnụ k'e gi wanahịn, ịgba-nkịtịn lẹ igi m dọn ẹnya a wụrụ ikẹn ụnụ, kanị ụnụ ekwerini.

Azaya 30:7

alị Ijiptu hụn eyemẹka a jẹnkọlẹni d'e nwọn isi — alị Ijiptu hụn m'a kpọ, “Rehabụ, Okẹn-anụ ghalẹni a s'ẹka e mẹ ihiẹn ọwụlẹ.”

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Ẹkwan 3:27

Ọ rịka mma nị ịhịan dingbu ẹgbụn ebe ọ rị okoro.

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Ndị Galeshịa 4:18

Ọ hụghọkwọ mma nị w'e mẹ oku ịhịan, omẹni ufiri ihiẹn rị mma rọ, omẹni w'e mẹ ẹ ogẹn ile, ẹlẹni mmẹ lẹ ụnụ nọdị sụọ.

Hibru 10:35

Ya wụ, etuhulẹ ni nwan okweri hụ ụnụ kwerikẹnmẹni Di-nwọnni-ẹnyi, makẹni ụgwọ-ọrụn rịn'a e hikẹkwọ ogbe.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Pita Ibuzọ 1:13

Kwademẹ ni nwan obi ụnụ, e dọnrin ẹnya; buchanrịn nị obi che ọhụnma hụ Osolobuẹ k'e mẹni ụnụ ogẹn Jesu Kristi e gi bịa.