Ẹkwan 3:25 - Ika

²⁵ Osolobuẹ e mẹyekẹni ndị gi ẹ dọn ẹnya — onyẹ ọwụlẹ hụn a chọ uche ẹ;

Ẹkwan 3:25 ပူးပေါင်းရင်းမြစ်များ

Jẹnẹsisi 49:18

Euu Osolobuẹ, ịyụ kẹ m rị e lekwọ n'ị zụọpụha m!

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Ihiẹn Mẹni Nke Ẹbụọ 19:3

Kanị, o nwọnghọ ezigbo ihiẹn ndị rị imẹ i, makẹni y'e wepụchanrịngụọ osisi ile wẹ zumẹni onyẹnnyẹ-mmọn wụ Ashẹra imẹ alị Juda lẹni y'e bugụọzị obi i che ife Chuku.”

Ihiẹn Mẹni Nke Ẹbụọ 30:19

hụn wepụha obi ẹ n'o fe yụ wụ Chuku, Osolobuẹ hụn wụ Chuku ndị nẹdi ẹ, ọsụọn'a nị ete rịnị wẹ ọchan kẹ Iwu Ụnọ-nsọ dọn ku.”

Ihiẹn Mẹni Nke Ẹbụọ 31:21

O wepụhachanrịn obi e mẹ ihiẹn ile o mẹ o gi kwadọn ofufe rị Ụlọ-nsọ Osolobuẹ lẹ Iwu Osolobuẹ lẹ ihiẹn ile Osolobuẹ ku, e gi wẹ ile e fe Osolobuẹ wụ Chuku ẹ, ọ nọ ghachanrịnn'a.

Ẹzra 8:22

Ifẹnrẹn anịnị m sị eze ye ẹnyi ndị-agha lẹ ndị gi ẹshin a lụ agha k'e che ẹnyi nche ụzọ makẹ ndị-iṅẹnrẹn rị ụzọ, makẹni ẹnyi a gwagụọ eze nị Chuku ẹnyi rị onyẹ gi ẹ e dọn ẹnya azụụn, kanị o gi okẹn ọnụma e sọn ndị ile gbakitọ a azụụn.

Ẹbụ-ọma 105:3

E gini ẹfan a rị nsọ a nyan isi; obi ya sụọma ndị ile a chọ ihun Osolobuẹ ụsụọ.

Ẹbụ-ọma 119:2

Ngọzi wụ nke ndị e dọnmẹ iwu Osolobuẹ gi shịanị enwẹn ẹ ẹri, e gi akpakalị obi wẹ e fe Osolobuẹ;

Ẹbụ-ọma 22:26

Ndị igbẹnnyẹ k'e ri, rijun ẹfọ; ndị ile e fe Osolobuẹ k'a ja a mma. Obi ụnụ ya rị ndụn jẹnrin ejẹn!

Ẹbụ-ọma 25:8

Onyẹ rị mma lẹ onyẹ zinrinni kẹ Osolobuẹ wụ; ya haịn o gi a kuzi ndị-njọ ụzọ a.

Ẹbụ-ọma 27:14

Gi Osolobuẹ dọn ẹnya. Turu, y'e kwọndọn obi i, y'e gi Osolobuẹ dọn ẹnya.

Ẹbụ-ọma 27:8

Obi m sị m, “Chọ ihun ẹ!” M rị nwan a chọ ihun i, Osolobuẹ;

Ẹbụ-ọma 37:34

Cheri Osolobuẹ, y'e sọnsọnmẹ ụzọ a. O k'e bushi i elu kẹni alị hụn ụzọ họnrin nke i; ị k'a hụn kẹ wẹ gbupụ ndị-njọ.

Ẹbụ-ọma 37:7

La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ.

Ẹbụ-ọma 39:7

Kị m'e gi nwan dọn ẹnya, Osolobuẹ? Ịyụ kẹ m gi dọn ẹnya.

Ẹbụ-ọma 61:1

Chuku dodo, nụ ẹkwan m; gọn ntịn ekpere m!

Ẹbụ-ọma 61:5

Makẹni y'a nụgụọ nkwa m kwe i, Chuku; y'e yegụọ m ihiẹn y'e ye ndị a gbayeni i.

Ẹbụ-ọma 69:32

Ndị wẹ rị a bịangbu k'a hụn ihiẹnni ghọghọma! Ụnụ ndị a chọ nke Chuku, ndụn ya banzị ụnụ!

Ẹbụ-ọma 71:14

Kanị, mmẹ nwẹn elebehikọ ẹnya eyemẹka ị; m k'a rị a ja ị mma furuni i, a jawaye.

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 26:9

Uhinhin, m'a chọ ị ọda-ọda; o ru ụtụntụn, obi m ile hụzị a chọ ị — makẹni i yeọlẹ ụwa afụnfụn, ndị rị elu-ụwa e gi ẹ marịn ihiẹn ezi-omumẹ wụ.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 40:31

kanị nke ndị gi Osolobuẹ e dọn ẹnya, ndụn k'a banzị wẹ. Wẹ k'e fe imẹ-elu kẹ ugọn; wẹ k'a gba ọsọ, ndụn agụkọ wẹ; wẹ k'e jẹn ijẹn, asọhịkọ wẹ.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Azaya 64:4

Gha alị lala, anụtuni wẹ n'o nwọn Chuku ọzọ nọ kẹ yụ, onwọntudẹni onyẹ o feban ntịn; ahụntuni wẹ Chuku ọzọ nọ kẹ yụ, hụn e mẹni ndị e chen'ẹ ihiẹn y'e mẹ.

Ẹkwan 3:26

ọ rịka mma nị ịhịan gi ndidin cheri nị Osolobuẹ zụọpụha a.

Hosia 10:12

“Kụnnị nị enwẹn ụnụ ezi-omumẹ, nị ụnụ ghọrị ihiẹn-ọsụsụọ m; rụn nị nwan alị ụnụ kelẹni rụn; ogẹn w'e gi rogharị d'e kunrun Osolobuẹ e rugụọ, kẹni o mẹni ụnụ ihiẹn furuni, mẹ ẹ zue kẹ mirin.

Zẹfanaya 3:8

Gbacherikwọ nị m nwan! Ya kẹ Osolobuẹ ku; cheri ni ụhụọhịn m k'a kpa ikẹn kwarị ihiẹn m gbu. E kugụọ m'a nị m k'e wegbama alị ichẹn-ichẹn, nị m k'a kpọgbama alị-eze ichẹn-ichẹn, kẹni m mẹ wẹ ihiẹn kẹ olulu han m obi kẹni m gi okẹn iwe-lẹ-ọnụma m mẹ wẹ ihiẹn, makẹni m k'e gi ẹnya rị a fụnị m hu ọnụma m kpu wẹ ile ri nọkẹ ọkụn.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.