Ẹkwan 2:7 - Ika

⁷ Di-nwọnni-ẹnyi a jụgụọ ukpo nchụn-ẹjan a, latọ Ụlọ-nsọ a. Ọ nịgụọ eṅẹnrẹn kụtu mgbọn obi-eze ichẹn-ichẹn rịn'a — a bangụọdẹ wẹ Ụlọ Di-nwọnni-ẹnyi wụ Osolobuẹ, nọ a yi oro mmẹri nọkẹ oro w'e yi Ụhụọhịn mmẹmmẹ nsọ.

Ẹkwan 2:7 ပူးပေါင်းရင်းမြစ်များ

Ndị-nze Nke Ẹbụọ 25:9

Ọ nọ mụ ọkụn ye Ụlọ-nsọ Osolobuẹ lẹ obi-eze lẹ ụlọ ile rị Jerusalẹm, dụnpụ ụlọ ile rị mkpa ọkụn.

Ihiẹn Mẹni Nke Ẹbụọ 36:19

Wẹ nọ yi Ụlọ-nsọ Chuku ọkụn, kụtu mgbọn Jerusalẹm, dụnpụ ụlọ ile rị mkpa rịn'a ọkụn, tikpọ ihiẹn ile rị mkpa rị ebẹhụ.

Ẹbụ-ọma 89:39

Y'a kagbugụọ nwan nkwa i kwe odibo i. Y'a tụgụọ okpu-eze rị a isi ye alị.

Azaya 64:9

Osolobuẹ, dodo, ebukẹlẹ olulu; atọlẹ a nyanhan njọ ẹnyi jẹnrin ejẹn. Dodo, lee ẹnyi ẹnya ihun, nị ndị nke i kẹ ẹnyi ile wụ.

Jerimaya 21:4

Osolobuẹ wụ Chuku alị Izrẹlụ sị, ‘M'e d'e gi ihiẹn-agha ị lụsọn i agha. Ndị-agha ị ahụn i gi nwan e mẹ uche i rịhụ a lụsọn Nebukadineza eze Babilọnụ lẹ ndị ya lẹ wẹ wị kehunmẹ ụnụ agha mmaka, makẹni m jẹnkọ d'e webanhandẹ Nebukadineza wẹ imẹ obodoni.

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.

Jerimaya 4:26

E lee m ẹnya, alị nwẹn te e mẹ ihiẹn e họnringụọ atụ; obodo ile ịhịan te bi e mẹ mkpọkọ-mkpọkọ, makẹ ihiẹn Osolobuẹ mẹ; makẹ okẹn-olulu ọ rị e bu.

Jerimaya 4:27

Osolobuẹ sị, “Alịnị ile jẹnkọ d'a gba okpokoro, kanị etikpọchanrịnkọ m'a.

Jerimaya 50:28

Gọn ni ntịn, ihiẹn ndị hụn isi gha Babilọnụ gbapụha rị e ku imẹ Zayọnụ: wẹ rị e ku kẹ Osolobuẹ wụ Chuku ẹnyi dọn mẹgwarị ndị Babilọnụ, mẹgwarị wẹ ihiẹn wẹ mẹ Ụlọ-NSỌ a.

Jerimaya 52:13

Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Ẹkwan 2:1

Ledẹ kẹ Osolobuẹ dọn gi olulu mẹ ishi gbakpuru Nwagbọọ wụ Obodo Zayọnụ. Ọ ghagụọ elu-igwee tụ ọghọ Izrẹlụ ye alị; ọ nyanhandẹni nị ihiẹn o gi a tụkwasị ụkụ rọ, ụhụọhịn ahụn ọ rị e bu olulu.

Ẹkwan 2:5

Osolobuẹ e mẹgụọ kẹ eṅẹnrẹn; o luepụgụọ Izrẹlụ. O luepụchanrịngụọ obi-eze ile rịn'a, tikpọpụ ebe ile rịn'a w'a gbaban. O mẹgụọ ẹkwan lẹ ịkwan-ụya waye imẹ Nwagbọọ wụ Juda.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 7:24

M k'e wẹhẹni wẹ alị ẹfọ kachanrịn a jọ, a narịn wẹ wẹ ụlọ wẹ; m k'a napụ ndị hụ zegbu enwẹn wẹ isi hụ wẹ rị a nyan; wẹ k'e mẹrụ ebe ile rị nsọ w'a nọ e fe ofufe.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 26:44

“K'osilẹrị, ogẹn hụ wẹ k'e gi rị alị ndị iṅẹnrẹn wẹ, ajụkọ m wẹ tọgbọ mọbụ ze ize wẹ hụn m'e gi gbupụchanrịn wẹ ile, gi ẹ tikpọ nkwerigbama mmẹ lẹ wẹ. Mmẹ wụ Osolobuẹ hụn wụ Chuku wẹ.

Emọsụ 2:5

M jẹnkọ d'e zi ọkụn ye Juda. Ọkụn ahụn jẹnkọ d'e ripụ ụlọ-agha ile zegbu enwẹn ẹ rị Jerusalẹm.”

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Matiu 24:2

Kanị Jizọsị nọ sị wẹ, “Ụnụ a hụn ihiẹn ndịnị? M rị a gwa ụnụ ezioku, onwọnni ogbe ọmụma ohu jẹnkọ d'a họdụ elu ibe ẹ; wẹ k'a kụtuchanrịn wẹ ile.”