Ẹkwan 2:6 - Ika

⁶ Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Ẹkwan 2:6 ပူးပေါင်းရင်းမြစ်များ

Ẹbụ-ọma 74:7

A dụngụọ wẹ Ụlọ-nsọ ị ọkụn ru alị; e mẹrụgụọ wẹ ebẹhụ rị a za ẹfan ị.

Ẹbụ-ọma 76:2

Imẹ Salẹm k'o bi; Imẹ Ugu Zayọnụ k'o bi.

Ẹbụ-ọma 80:12

K'i tikpọnị nwan mgbọn i tụnhunmẹ vaịnị hụ ị kụn, hụn ndị ile ghafekọnị gi nwan rị a ghọrị a?

Ẹbụ-ọma 89:40

Y'e tikpọgụọ mgbọn ile wẹ tụnhunmẹ obodo ẹ, la ebe ile zeni ọ tụn tọ mkpọkọ-mkpọkọ.

Azaya 1:13

Wẹhẹbehi ni ni m oyiye nwọnlẹni-isi! Nsẹnsi ụnụ a rụgụọdẹ ẹnya m. Kẹ Mmẹmmẹ Ifọn-ọhụn ụnụ kẹ Ụhụọhịn Ezumikẹn ichẹn-ichẹn ụnụ gi e fe m kẹ Ozuzu ofufe ichẹn-ichẹn ụnụ, Asa m ẹka dinzi: e mẹ njọ e zuzi ozuzu-nsọ ndịnị!!

Azaya 1:8

A lagụọ wẹ nwagbọọ wụ obodo Zayọnụ tọ nọkẹ ụlọ-ubi rị ugbo-vaịnị, nọkẹ ụlọ-ogo rị ugbo-ogiri, nọkẹ obodo ndị-agha kehunmẹ.

Azaya 43:28

M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”

Azaya 5:5

Nị m gwa nwan ụnụ ihiẹn m k'e mẹ alị vaịnị m: m k'e wepụ ihiẹn m gi gbọnhunmẹ ẹ, e wiwi w'ẹ; e tikpọpụ m mgbọn ẹ, a zọtịta w'a.

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Azaya 63:18

Makẹni ndị nke i e te werigụọ alị nsọ ị ẹkẹrẹ ogẹn, kanị ndị-iṅẹnrẹn ẹnyi nọ nwan bịa d'a zọtịta Ụlọ-nsọ ị.

Azaya 64:11

Ụlọ-nsọ ẹnyi hụn wụ mma ẹnyi hụn ndị nẹdi ẹnyi kanị nọ ja ị mma, kẹ wẹ dụn nwan ọkụn, ihiẹn ile ẹnyi kpọ ihiẹn a wụrụgụọ mkpọkọ-mkpọkọ.

Jerimaya 17:27

Kanị, omẹni ụnụ emẹni ihiẹn m ku banyeni idọnmẹ Ụhụọhịn Ezumikẹn nsọ, bughabehi ibu ọnụ-mgbọn rịsọnmẹ Jerusalẹm Ụhụọhịn Ezumikẹn, a mụ m ọkụn wẹ ghalẹni a s'ẹka e tinyụn ye ọnụ-mgbọn ile rị Jerusalẹm, ọ dụnpụchanrịn ụlọ-uku ile rị Jerusalẹm hụn w'a gbaban.”

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 45:4

“ ‘Osolobuẹ sị: Gwa Baruku nị mmẹ wụ Osolobuẹ sị: M jẹnkọ nwan d'e tikpọ ihiẹn m tụn imẹ alịnị ile, huepụ ihiẹn m kụn.

Jerimaya 50:28

Gọn ni ntịn, ihiẹn ndị hụn isi gha Babilọnụ gbapụha rị e ku imẹ Zayọnụ: wẹ rị e ku kẹ Osolobuẹ wụ Chuku ẹnyi dọn mẹgwarị ndị Babilọnụ, mẹgwarị wẹ ihiẹn wẹ mẹ Ụlọ-NSỌ a.

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Ẹkwan 4:16

Osolobuẹ e gigụọ ihiẹn-ẹka a chụyịya wẹ; ara lepụzị wẹ ẹnya. Ndị nchụn-ẹjan ara hụnzị onyẹ a gbayeni wẹ; onwọnzini onyẹ e lee ndị-ichẹn ẹnya ihun.

Ẹkwan 4:20

Onyẹ hụn Osolobuẹ tumẹ — eze ẹnyi, hụn wụdẹ uzun ẹnyi e kun nọ dan ọnyan we — bụ ẹnyi te ro ni ẹnyi k'a nọ ẹka a, hụn isi imẹ alị ndị ọzọ!

Ẹkwan 5:12

E kẹnmẹ wẹ ndị-isi ẹnyi ẹka gi ẹ kọnmẹ wẹ elu, gbe ifẹnrẹn ye ndị-ichẹn ihun.

Izikẹlụ 17:18

O lelịagụọ Ẹfan m o kun, tikpọ nkwa hụn o gi Ẹfan m kwe wẹ. Makẹni o biyegụnị wẹ ẹka mẹ ihiẹn ndịnị ile o mẹ, ọ wanahịnkọ.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Zẹfanaya 3:18

“M k'e wegbamazị ndị ọ rị a fụ nị arịzị wẹ e jẹn mmẹmmẹ nsọ m rị ichẹn-ichẹn, makẹni ụya kẹ o te wụ ụnụ olu.

Malakaị 2:9

Mmẹ nwẹn e mẹgụọ nwan ụnụ wụrụ ndị wẹ e legberi, e welụagụọ m ụnụ alị ẹnya alị ile, ebe o mẹni ụnụ ara gha ụzọ m, ụnụ e lee ịhịan ẹnya ihun a kuzi iwu m.”