Ẹkwan 2:21 - Ika

²¹ Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.

Ẹkwan 2:21 ပူးပေါင်းရင်းမြစ်များ

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Ẹsta 3:13

Wẹ nọ we ẹkụkwọ-ozi ndị hụ yesọnmẹ ndị-ozi a gba ọsọ, e weri wẹ ozini ghagbarị Azụụn ile Ahazẹrusu rị a kị, a sị ịhịan ile wẹ gi akp'ọhịn ohu, nke akp'ọhịn mmẹtọ imẹ ifọn nke mmẹbụọ, hụn wụ ọnwan Ada, tikpọ ndị ju ile, gbuchanrịn wẹ — kẹ ikoro kẹ ndị ẹgẹdi, kẹ ikpoho kẹ ụmụ-ẹka; ọ sịzịkwọ wẹ kwarịchanrịn ihiẹn wẹ.

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Jerimaya 11:22

Ya Osolobuẹ ihiẹn ile rị okpuru ẹ nọ nwan sị, “M jẹnkọ d'e ye wẹ afụnfụn. Ọpịa-agha k'e gbu ikorọbịa wẹ la iwi; ẹgụn e gbu ụmụ wẹ ikẹnnyẹ lẹ ikpoho.

Jerimaya 13:14

M k'e se isi lẹ isi gbetarị, isi ndị nẹdi lẹ ụmụ wẹ, anịkọ m omikẹn mọbụ ebere wẹ mẹ m etikpọlẹ wẹ.’ ” Ya kẹ Osolobuẹ ku. Jerimaya sị,

Jerimaya 18:21

Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 51:22

ịyụ kẹ m gi e gbu ikẹnnyẹ lẹ ikpoho; ịyụ kẹ m gi e gbu ẹgẹdi lẹ nwata; ịyụ kẹ m gi e gbu ikorọbịa lẹ ịgbagba;

Jerimaya 6:11

Kanị olulu hụn rị e bu Osolobuẹ junzikwọ mmẹ nwẹn obi, nkewụnị asa m ẹka dinzi ẹ. Osolobuẹ nọ sị Jerimaya, “Hu ẹ nwan kẹ mirin kpu mmụ-ẹka rị ọgbara-ogbe, y'e hu ẹ kpu ikorọbịa ebe wẹ rị e zu; huzikwọ a kpu di lẹ nwunyẹ, y'e hudẹ ẹ kpu ndị ẹgẹdi kakpụkpọgụnị.

Jerimaya 9:20

Ikpoho, gọn ni nwan ntịn oku Osolobuẹ; gọn ni ntịn oku-ọnụ a. Zin ni mmụ ụnụ ikpoho kẹ wẹ dọn e goo; kuzi ni ibe ụnụ ịkwan-ụya.

Jerimaya 9:21

Makẹni ọnwụn a ghagụọ windo ẹnyi nyinbanhan, o nyinbangụọ ebe ile zeni ẹnyi te a gbaban; o werigụọ ụmụ-ẹka rị ogbe e gu egu lẹ ikorọbịa rị ebe wẹ nọ e zu. Osolobuẹ sị:

Ẹkwan 1:15

Osolobuẹ a lagụọ ndị odogun-agha m tọ; o zigụọ ndị-agha d'a pịpịa ikorọbịa m ile. Osolobuẹ a zọpịpịagụọ Nwagbọọ wụ Juda kẹ w'e mẹ ebe wẹ nọ a zọ vaịnị.

Ẹkwan 1:18

Osolobuẹ wụ onyẹ ezi-omumẹ, kanị a paghọ m oku ẹ. Gọn ni ntịn, ụnụ ndị alị ichẹn-ichẹn; lee ni afụnfụn m rị imẹ ẹ! Kẹ ikorọbịa m kẹ ịgbagba m — a kpụngụọ wẹ wẹ shi alị ndị ọzọ rị ichẹn-ichẹn.

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Ẹkwan 2:17

Osolobuẹ e mẹgụọ ihiẹn rị a obi; o mẹọlẹ ihiẹn o ku kete-kete, o tikpọgụọ ị — o mẹni omikẹn, ọ mẹgụọ ndị-iṅẹnrẹn i mụ ị ẹmụ; o mẹgụọ mpịn ndị-iṅẹnrẹn i kẹnrẹn.

Ẹkwan 2:2

Osolobuẹ emẹdẹni omikẹn, o tikpọchanrịn ebe ile ebọn Jekọpụ bi; o gigụọ ọnụma a tikpọchanrịn ebe ile w'a gbaban imẹ Nwagbọọ wụ Juda. O budangụọ alị-eze Juda lẹ ndị-isi rịn'a, bu wẹ che imẹ ifẹnrẹn.

Ẹkwan 3:43

Y'e gigụọ olulu i fụkpumẹ enwẹn ị nọkẹ ẹkwa, chụ ẹnyi nchụgbu; y'e gbugụọ ẹnyi, y'e mẹni omikẹn.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Izikẹlụ 5:11

“ ‘Mmẹ, Osolobuẹ nwọn ihiẹn ile rị nwan e kun enwẹn m, a sị ị nị ebe o mẹni y'e gigụọ mmọn ndị hụ ile rụnị ị kpụ lẹ arụ ile ị rị e mẹ mẹrụ Ụlọ-nsọ m, mmẹ lẹ enwẹn k'a kpụnpụ ị ntutu; elekọ m'ị ẹnya ihun, emẹkọnị m'ị omikẹn.

Izikẹlụ 7:4

Elekọ m'ị ẹnya ihun; emẹkọ m omikẹn i. M k'a kụ ị ụgwọ eje-obibi i lẹ arụ ile ụnụ mẹ imẹ igunrun ụnụ. Ogẹn ahụn kẹ y'e gi marịn nị mmẹ wụ Osolobuẹ.

Izikẹlụ 7:9

Elekọ m ụnụ ẹnya ihun; emẹkọ m omikẹn ụnụ. M jẹnkọ d'e ye ụnụ afụnfụn ihiẹn ụnụ mẹ lẹ arụ ile ụnụ mẹ imẹ igunrun ụnụ, ogẹn hụ kẹ ụnụ k'a marịn nị mmẹ wụ Osolobuẹ rị e mẹ ụnụ ihiẹnni.

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Izikẹlụ 9:10

Mmẹ nwẹn emẹkọ nwan omikẹn wẹ; elekọ m wẹ ẹnya ihun. M k'e mẹ wẹ gi isi wẹ buru eje-ihiẹn wẹ mẹ.”

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.

Emọsụ 8:13

O ru ogẹn ahụn, ịgbagba magbu enwẹn wẹ mma lẹ ikorọbịa sikọ d'a sọhị yeni ẹgụn-mirin;

Zẹkaraya 11:6

“M gi ẹ e ku ni emẹkọzị m omikẹn ndị alịnị! M k'e mẹ onyẹ-onyẹ kpaban ibe ẹ ẹka, mẹ onyẹ ọwụlẹ kpaban eze ẹ ẹka. Wẹ k'e wiwi alịnị, agbapụhakọ m'a ẹka wẹ. Ya kẹ Osolobuẹ ku.”

Ditrọnọmi 28:50

alị nwọnlẹni ihiẹn wẹ e tu, ghalẹni a gbaye ẹgẹdi mọbụ e mẹ omikẹn nwata.

Ditrọnọmi 32:25

Ọpịa-agha k'a nọ ogbe a napụ wẹ ụmụ wẹ, egun e kwọn wẹ imẹ ụlọ a tụgbu wẹ. Ikorọbịa lẹ ịgbagba k'a nwụnla iwi — kẹ ụmụ-mkpodu kẹ ndị ẹgẹdi isi-ẹwọ.

Joshụa 6:21

Ya wẹ nọ we obodo hụ kwanị Osolobuẹ, gi ọpịa-agha gbuchanrịn ihiẹn ile rị ndụn imẹ ẹ: kẹ ikẹnnyẹ kẹ ikpoho, kẹ ikoro kẹ ẹgẹdi, kẹ efin kẹ atụnrụn lẹ ewu kẹ jaki.

Samuẹlụ Nke Ibuzọ 15:3

Jẹn nwan d'a maye ndị Amalẹki, y'e tikpọchanrịn ihiẹn ọwụlẹ wụ nke wẹ. Edọnmẹkwọlẹ wẹ ndụn; ka gbuchanrịn kẹ ikẹnnyẹ kẹ ikpoho kẹ ụmụ-ndu kẹ ndị rị a ra ẹran kẹ efin kẹ atụnrụn kẹ anyịnyan-mkpukpuke kẹ jaki.’ ”