Ẹkwan 2:20 - Ika

²⁰ “Euu Osolobuẹ, ledẹ k'ọ rị m! Onyẹ k'i mẹtu ẹnịna? Nị ikpoho e ri ụmụ ẹfọ wẹ, ụmụ wẹ rị e gi ẹka wẹ a zụn? Nị ịhịan e gbu ndị nchụn-ẹjan lẹ ndị-amụma imẹ Ụlọ-nsọ Osolobuẹ?

Ẹkwan 2:20 ပူးပေါင်းရင်းမြစ်များ

Ihiẹn Mẹni Nke Ẹbụọ 36:17

Osolobuẹ nọ zihẹni wẹ Nebukadineza, eze ndị Kal'di, ndị alị Babilọnụ. Nebukadineza nọ gi ọpịa-agha gbu ikorọbịa wẹ imẹ Ụlọ-nsọ kẹti-kẹti. Ọ latọnị okorọbịa, ọ latọnị nwagbọọ; ọ latọnị okẹnnyẹ-ọba, ọ latọnị ẹgẹdi. Osolobuẹ buchanrịn wẹ ile che Nebukadineza ẹka.

Ẹbụ-ọma 78:64

E gi wẹ ọpịa-agha gbupụ ndị nchụn-ẹjan wẹ, inyẹnmẹ wẹ asanị ẹka kwan wẹ.

Ọpụpụ 32:11

Kanị Mozizi nọ rịọ Osolobuẹ wụ Chuku ẹ, sị, “Euu, Osolobuẹ, nanị y'e dọnzi nwan gi olulu sọn ndị nke i hụn i gi ikẹn hi-ogbe lẹ ẹka hi-ogbe wepụha imẹ alị Ijiptu?

Azaya 22:2

Euu, obodo isusu jun! Euu, obodo uku ẹhụ-ọtụtụ lẹ eje-nkpọtụ jun? Egini wẹ ọpịa-agha gbu ndị nke ọnụ wẹ gbu, ẹlẹzikwọ agha gbu wẹ.

Jerimaya 19:9

M k'e mẹ wẹ ri ụmụ wẹ ikẹnnyẹ lẹ ikpoho, e ri wẹ ibe wẹ yeni ẹgụn, ogẹn ndị-iṅẹnrẹn wẹ hụn chọkọ wẹ ogbugbu e gi kehunmẹ wẹ ye imẹ obodoni!”

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Ẹkwan 1:19

A kpọghọ m ndị mmẹ lẹ wẹ te e mẹtarị, kanị wẹ nọ re m. Ndị nchụn-ẹjan m lẹ ndị-ichẹn m a nwụnhụngụọ imẹ obodo, ebe wẹ chọkọ ihiẹn w'e ri kẹni wẹ rị ndụn.

Ẹkwan 4:10

Ikpoho ẹgozizi e mẹ gidẹ ẹka wẹ shi ụmụ ẹfọ wẹ, gi wẹ họnrin ihiẹn-oriri ogẹn ahụn wẹ gi tikpọ ndị nke m.

Ẹkwan 4:13

Kanị, o mẹghọ — makẹ njọ ndị-amụma a lẹ ụrụ ndị nchụn-ẹjan a, hụn nọsọnmẹ imẹ ẹ gbu ndị ezi-omumẹ.

Ẹkwan 4:16

Osolobuẹ e gigụọ ihiẹn-ẹka a chụyịya wẹ; ara lepụzị wẹ ẹnya. Ndị nchụn-ẹjan ara hụnzị onyẹ a gbayeni wẹ; onwọnzini onyẹ e lee ndị-ichẹn ẹnya ihun.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Izikẹlụ 9:7

Ọ sị wẹ, “Mẹrụ nị Ụlọ nsọ; gbu ni ozun jun ezi-ọgwa a! Jẹnmẹ ni!” Ya wẹ nọ jẹnmẹ d'e gbumẹ ịhịan imẹ Jerusalẹm.

Lẹvitikọsụ 26:29

Ụnụ k'e ridẹ anụ ụmụ ụnụ ikẹnnyẹ lẹ ikpoho.

Ditrọnọmi 9:26

M nọ rịọ Osolobuẹ, sị, “Osolobuẹ ihiẹn ile rị okpuru ẹ, dodo, etikpọlẹ ndị nke i, ukuu i hụn i gi ikẹn hi-ogbe gbarị, hụn ị kpa ikẹn gha alị Ijiptu wepụha.