Ẹkwan 2:19 - Ika

¹⁹ Lihi ọtọ imẹ abalị n'ị kwan ẹkwan, ogẹn ndị nche abalị gi e bidọn nche; hupụha ihiẹn rị e sọngbu i obi nọkẹ mirin ihun Osolobuẹ; Kịshi ẹka elu, rịọ a, makẹ ndụn ụmụ ị, hụn rị a sọhịnị yeni ẹgụn isi ọgbara-ogbe ile.

Ẹkwan 2:19 ပူးပေါင်းရင်းမြစ်များ

Jobu 3:24

Ịsụn-udẹn anịnị m ri ihiẹn-oriri; ẹnya-mirin ẹkwan nsọngbu m hụ e hupụha kẹ mirin.

Ẹbụ-ọma 119:55

M hụ a nyanhan ẹfan ị imẹ uhinhin, Osolobuẹ, e dọnmẹ iwu i.

Ẹbụ-ọma 134:2

Kịshi ni ẹka elu zinmẹ Ebẹhụ rị nsọ ja Osolobuẹ mma.

Ẹbụ-ọma 141:2

Narịn ekpere m nọkẹ ẹjan nsẹnsi, y'a narịn ẹka m kịshi elu nọkẹ ẹjan-ẹnyasị.

Ẹbụ-ọma 142:2

M rị a gwaghọsị a k'ọ rị m; m rị a gwa a nsọngbu m.

Ẹbụ-ọma 142:3

Ebe ndụn nọ gụchanrịn m, ịyụ sụọ marịn k'ọ rị m. E shigụọ wẹ ọnyan zuemẹni m ụzọ m'a gha.

Ẹbụ-ọma 28:2

Nụ ẹkwan m gi a rịọ ị n'i mẹni m omikẹn, a kpọ ị d'e yeni m ẹka, a kịshi ẹka m elu e zinmẹ Ebẹhụ kachanrịn nsọ ị rị.

Ẹbụ-ọma 42:3

M hụ a kwangbu enwẹn m, ụtụntụn lẹ ẹnyasị; wẹ hụ a jụ m ogẹn ile, “Elebe kẹ Chuku i rị?”

Ẹbụ-ọma 42:4

M'a kwan ntan, a kwan imọn, m gha a nyanhan kẹ mmẹ lẹ igunrun ahụn te dọn a wị e jẹn Ụlọ Chuku; lẹzi kẹ m dọn e buruni wẹ ụzọ, ẹnyi hụ e yi oro ịghọghọ, bụkọ ẹbụ ẹnyi gi a kpanmịn Chuku — okẹn igunrun rị e mẹ mmẹmmẹ!

Ẹbụ-ọma 42:8

Efinnaị, Osolobuẹ hụ e mẹni m ihiẹn o gi wụ Chuku m; uhinhin, m hụ a bụn'a ẹbụ, ẹbụ m gi e mẹ ekpere e jẹnni Chuku m.

Ẹbụ-ọma 62:8

Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla

Ẹbụ-ọma 63:4

M k'a gha a ja ị mma ọrọgbọ ndụn m ile; a kịshin'i ẹka elu, a kpọku ẹfan ị.

Azaya 26:9

Uhinhin, m'a chọ ị ọda-ọda; o ru ụtụntụn, obi m ile hụzị a chọ ị — makẹni i yeọlẹ ụwa afụnfụn, ndị rị elu-ụwa e gi ẹ marịn ihiẹn ezi-omumẹ wụ.

Azaya 51:20

Ụmụ ị ikẹnnyẹ a sọhịgụọ, fiẹnrinsọnmẹ ọgbara-ogbe ile, nọkẹ mgbadan ọnyan nwụndọn. A ragụọ wẹ ọnụma Osolobuẹ, rajun ẹfọ — ya lẹ ọjụgbọ Chuku i jụgbọ wẹ.

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 9:20

Ikpoho, gọn ni nwan ntịn oku Osolobuẹ; gọn ni ntịn oku-ọnụ a. Zin ni mmụ ụnụ ikpoho kẹ wẹ dọn e goo; kuzi ni ibe ụnụ ịkwan-ụya.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Izikẹlụ 5:16

Ogẹn m'e gi zihẹn'i ẹgụn hụ e gbuni, gba ị ya nọkẹ eje-ụta, m k'a gba a hụn m'e gi tikpọ ị. M k'e mẹ ụnwụn mụ ọda-ọda imẹ i, mẹ ihiẹn-oriri kọ imẹ i ọda-ọda.

Maịka 1:16

Kọ nị nwan ntutu, kwanma makẹ ụmụ ụnụ hụn ụnụ e mẹni nwa; kpụnchanpụ nị ntutu nọkẹ udele makẹni wẹ lala d'a dọkpụnrụn ụmụ ụnụ we wẹ shi alị ọzọ!

Nahum 3:10

Kanị, emẹrikwọ wẹ ndị Tẹbẹsi kpụnrụn; e gizidẹ wẹ ụmụẹka wẹ a fịan ọmụma ndị rị ọkpụzọ wẹ ile, a fịangbu wẹ. A tụzịghọ wẹ mkpọ keri ndị w'a gbaye imẹ wẹ, kẹn okẹn-ịhịan ndị rịn'a ẹgbụn.

Matiu 14:25

Ụzụtụntụn biribiri, Jesu nọ jẹnhẹn ijẹn elu mirin Galili hụ.

Makị 1:35

Ụzụtụntụn, ebe eki kelẹni fọnchanpụ, ọ nọ zọpụ, shi ebe ịhịan rịlẹni, nọ ebẹhụ mẹmẹ ekpere.

Makị 13:35

Mụnrụn nị nwan ẹnya, makẹni ụnụ amarịn ogẹn di-nwọnni ụnụ hụn ụnụ rị iwe ẹ k'e gi lụa — kẹ ogẹn ẹnyasị rọ-o, kẹ imẹ abalị rọ-o, kẹ ọkpa kwan rọ-o, kẹ eki fọnmẹ rọ-o, onwọnni onyẹ marịnnị.

Luku 6:12

Ogẹn hụ, Jesu nọ shi elu ugu d'e mẹ ekpere, nọchanrịn uchinchin hụ ile e mẹ ekpere e jẹnni Osolobuẹ.

Timoti Ibuzọ 2:8

Ya wụ, m chọ nị ikẹnnyẹ rị ebe ọwụlẹ hụn a nị wẹ e mẹ ekpere, a kịshi ẹka rị nsọ elu, ẹlẹ ẹka olulu lẹ ndọndọ.

Ndị Han Eṅẹn 7:19

Etintin abalị a ghafegụ ẹkẹrẹ, Gidiọnụ lẹ madụ ọgụn isẹn ya lẹ wẹ wị nọ ru mkpẹnrẹn ebe ndị-agha Midianị ziẹntọ, kẹ ndị-nche o ru gihụ nọkingụ ẹnya ndị chegụnị. Gidiọnụ wẹ nọ gbu opi wẹ, kụwasọnmẹ ẹgbo rị wẹ ẹka.

Samuẹlụ Nke Ibuzọ 1:15

Ọ nọ sị a, “Mba-o, Diọkpa! M rị e ri ụya; aranị m manya ọwụlẹ: kẹ hụn a tụnị kẹ hụn ghalẹni a tụ! Kama, m rị a gwa Osolobuẹ k'ọ rị m.

Samuẹlụ Nke Ibuzọ 7:6

E zu wẹ imẹ Mizpa ebahụn, wẹ nọ dọrị mirin huye ihun Osolobuẹ; e bu wẹ ọnụ ụhụọhịn ahụn, e kupụha wẹ njọ wẹ, sị, “Ẹnyi e mẹgụọ Osolobuẹ njọ.” Samuẹlụ wụ onyẹ du Izrẹlụ imẹ Mizpa ebẹhụ.