Ẹkwan 2:18 - Ika

¹⁸ Obi ndịnị hụ a kwanghọsị Osolobuẹ. Mgbọn Obodo Zayọnụ kwanma nị ẹnya-mirin i huru nọkẹ mirin Iyi — kẹ efinnaị kẹ uhinhin; akwanbehikwọlẹ, anịlẹ ẹnya ị zu ikẹn.

Ẹkwan 2:18 ပူးပေါင်းရင်းမြစ်များ

Ẹbụ-ọma 119:136

Ẹnya-mirin m hụ e hu nọkẹ iyi, makẹni a rị wẹ e dọnmẹ iwu i.

Ẹbụ-ọma 119:145

Obi m ile kẹ m gi a kpọku i; dodo, za m, Osolobuẹ! M k'e dọnmẹ iwu i.

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Jerimaya 14:17

Lee ihiẹn i k'a gwa wẹ: Ẹnya-mirin ẹnya-mirin kẹ m'a kwan uhinhin lẹ efinnaị; makẹni nwagbọọ wụ alị m a rụgụọ eje-ẹhụ, a dụgụọ w'a eje-ịkpa.

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 9:1

K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Ẹkwan 1:16

Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.

Ẹkwan 1:2

Ọ hụ a kwan ntan a kwan-imọn imẹ uhinhin, ẹnya-mirin e jun ẹ nti. Imẹ ndị ile ya lẹ wẹ gba a sụọ, onwọnni hụn a hụhụn'a. Ndị ọwụ a ile e regụọ a; e họnringụọ wẹ ndị-iṅẹnrẹn ẹ!

Ẹkwan 2:8

Osolobuẹ e kughọ a n'o k'e tikpọrịrị mgbọn hụn ghahunmẹ Obodo Zayọnụ. Ọ ghọsịgụ n'ọ nọnị k'ọ chọ, o serini ẹka d'e ru n'o tikpọchanrịn a. Ọ la mgbọn ibuzọ lẹ nke ẹbụọ rịn'a tọnị wẹ tikpọ; wẹ ẹbụbụọ a dankpọpụ.

Hosia 7:14

W'a ra gi obi wẹ kpọku m ụya kẹ w'a kwan elu bẹdi wẹ; w'e bekikadẹ enwẹn wẹ, nị wẹ rị a rịọ mmọn ọka lẹ manya; E nupụọlẹ wẹ isi okpuru m!

Habakọkụ 2:11

Ọmụma wẹ gi tụn ụlọ hụ gha a shịagbu i ẹri, osisi wẹ gi tụn a hụ e kwe ẹ.