Ẹkwan 2:15 - Ika

¹⁵ Ẹka kẹ ndị ile ghafekọnị a kpọyeni i; wẹ hụ e ru Obodo Zayọnụ imi, e finfinn'ẹ isi, a sị, “Ọnwan wụ obodo nwẹn w'a kpọ, ‘Mma zu oke’, ‘obodo hụn ụwa ile gi a ghọghọ?’ ”

Ẹkwan 2:15 ပူးပေါင်းရင်းမြစ်များ

Ndị-nze Nke Ẹbụọ 19:21

Lee ihiẹn Osolobuẹ ku banyen'ẹ: Nwagbọọ wụ Zayọnụ e legberi i, ọ mụgbu i ẹmụ. Okpoho wụ Jerusalẹm e finfinn'i isi ebe ị gbakọ ọsọ.

Ihiẹn Mẹni Nke Ẹbụọ 7:21

Ọsụọn'a nị Ụlọ-nsọnị rị nwan a la ẹnya ọda-ọda, m mẹgụ ihiẹn m k'e mẹ ogẹn hụ, ndị ghafekọnị k'a rị e finfin isi, a sị, ‘Kị Osolobuẹ mẹni alịnị lẹ ụlọnị ụdị ihiẹnni?’

Ẹbụ-ọma 109:25

Wẹ rị nwan a mụ m ẹmụ; wẹ hụn m, e finfin wẹ isi!

Ẹbụ-ọma 22:7

Ndị ile hụnnị m hụ a mụ m ẹmụ, a kpari m, e finfinni m isi, a sị,

Ẹbụ-ọma 48:2

Ugu ẹ rị nsọ jẹn elu hụn ma mma; ịya wụ ịghọghọ ụwa ile! Ugu Zayọnụ rọ — hụn rị njẹndemẹ ẹbamịn ugu obodo Eze-uku ahụn rọ.

Ẹbụ-ọma 48:3

Ebe ile wẹ nọ e che ẹhụ rị imẹ ẹ, Osolobuẹ a ghọsịgụọ n'ọ hụ ebẹhụ e che wẹ nche.

Ẹbụ-ọma 50:2

Zayọnụ, obodo ahụn mma a zu oke, k'ọ gha nwunla kẹ ukpẹ.

Ẹbụ-ọma 64:8

Ọnụ wẹ e gbu wẹ; onyẹ hụn wẹ, egun a tụ a;

Azaya 28:21

Osolobuẹ k'e lihi k'o dọn lihi elu Ugu Pẹrazim, lihi k'o dọn mẹ imẹ Ọdanmgbugbu Gibiọnụ, d'e mẹ ahụnlele ọ chọ n'o mẹ, ihiẹn ahụn wẹ ghalẹni e mẹ hụn ọ chọ n'o mẹ.

Azaya 37:22

Ọnwan wụ ihiẹn mmẹ wụ Osolobuẹ ku banyen'ẹ: Eze Asiria, Nwagbọọ wụ Zayọnụ rị a mụ ị ẹmụ, e legberi i; nwa-okpoho wụ Jerusalẹm e rugbudẹ i imi ebe ị gbapụkọ.

Azaya 64:11

Ụlọ-nsọ ẹnyi hụn wụ mma ẹnyi hụn ndị nẹdi ẹnyi kanị nọ ja ị mma, kẹ wẹ dụn nwan ọkụn, ihiẹn ile ẹnyi kpọ ihiẹn a wụrụgụọ mkpọkọ-mkpọkọ.

Jerimaya 18:16

Alị wẹ jẹnkọ nwan d'a gba okpokoro, wụrụ ihiẹn w'a mụ ẹmụ jẹnrin ejẹn; onyẹ ghafe, o be ọrịọ, finfin isi.

Jerimaya 19:8

M k'e tikpọchanrịn obodoni, o họnrin ihiẹn w'a mụ ẹmụ; onyẹ ghafe, egun a tụ a, o finfin isi, ma ọsụa (ọsụọ) makẹ eje-ihiẹn hụn mẹ obodoni.

Jerimaya 25:18

kẹ Jerusalẹm kẹ obodo ile rị alị Juda kẹ ndị-nze Juda lẹ ịhaịmẹ wẹ, kẹni wẹ wụrụ alị wẹ gba okpokoro, alị hụn a tụ ịhịan egun, alị w'a mụ ẹmụ lẹ alị wẹ gi a bụ ọnụ. Ọ rị nwan ẹrịra tannị.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 29:18

Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 48:27

Ụnụ ndị Mụabụ amụgụọnị Izrẹlụ ẹmụ k'ọ dan? Izrẹlụ zundẹ nwan ohin ra? Kị ụnụ e finfinni isi a mụ ẹmụ ogẹn ile ụnụ gi e ku oku ẹ?

Jerimaya 51:37

Babilọnụ k'e họnrin mkpọkọ-mkpọkọ, anụ-ọfịa e bikin ẹ; ọ wụrụ ihiẹn egun w'e gi a kpa ẹmụ, ebe ịhịan bilẹni.

Ẹkwan 1:21

A nụgụọ wẹ udẹn m rị a sụn, kanị onwọnni onyẹ a hụhụnị m. Ndị-iṅẹnrẹn m ile a nụgụọ nsọngbu m rị imẹ ẹ; wẹ hụ e gi ihiẹn i mẹ m a ghọghọ. Mẹ ụhụọhịn ahụn i ku oku ẹ bịa kẹni wẹ nwẹn rị kẹ mmẹ.

Ẹkwan 1:8

Jerusalẹm e mẹọlẹ okẹn njọ, o gigụ a nwan rụ. Ndị ile hụn te a gbaye ẹ rị nwan e legberi ẹ, makẹni a hụngụọ wẹ ọtọ a; ya nwẹn rị nwan a sụn udẹn, e bupụ ihun.

Ẹkwan 2:16

Ndị-iṅẹnrẹn i ile hụ a mụ ị ẹmụ, a sị ị “Ọṅọị!” Wẹ hụ e ru i imi, a tan'ị nkwẹnrẹn-eze, a sị, “Ẹnyi e luepụgụọ a. Ọnwan wụ ụhụọhịn ahụn ẹnyi rị e che; ẹnyi a hụngụọ a nwan!”

Ẹkwan 2:6

Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Izikẹlụ 16:13

Ị nọ gi goru lẹ siliva chọ enwẹn i mma, e yi ezigbo ẹkwa linẹ lẹ siki lẹ ẹkwa wẹ kpaye ihiẹn ichẹn-ichẹn ma mma. Ị hụ e ri ezigbo ọka wẹ gweriẹn lẹ mirin-ẹnwụn lẹ ofigbọn-olivu. Ị nọ ma mma ọda-ọda, pali, nọchanrịn kẹ alasị.

Izikẹlụ 16:14

Ẹfan ị nọ kpọgbarị alị ile rị ichẹn-ichẹn, makẹni y'a mmaka mma-ẹhụ yeni ọghọ m ye i. Ya kẹ mmẹ wụ Osolobuẹ Nwọn Ihiẹn Ile ku.

Izikẹlụ 23:32

“Osolobuẹ nwọn ihiẹn ile sị: Ị k'a ra mkpu manya nwẹnẹ i ra, mkpu ahụn shịanị, mi; o k'e buhẹni i nsọngbu lẹ ịfa, makẹni ihiẹn rị a ọhụnma-ọhụnma.

Izikẹlụ 25:6

“ ‘Osolobuẹ Nwọn Ihiẹn Ile sị: Ufiri ẹka ụnụ kpọ ogẹn eje-ihiẹn gi kunrun alị Izrẹlụ, ya lẹ egu ụnụ tẹn ogẹn hụ, a ghọghọ, a mụ wẹ ẹmụ,

Izikẹlụ 5:15

Ị k'a wụrụ ihiẹn-ifẹnrẹn lẹ ihiẹn-ẹmụ lẹ ihiẹn w'e gi a dọ ẹka-ntịn lẹ ihiẹn-egun ẹnya alị ndị nọkunmẹn'i, ogẹn m'e gi gi olulu lẹ ọnụma ye i afụnfụn. Mmẹ wụ Osolobuẹ e kuọl'a.

Daniẹlụ 9:16

Euu Osolobuẹ, gi ufiri ezi-omumẹ i mẹ nwan kẹ i dọn e mẹ — y'a latọ olulu lẹ ọnụma i gi nwan rị e sọn Jerusalẹm, hụn wụ obodo i, ugu nsọ ị, makẹni njọ ẹnyi lẹ ụrụ ndị nẹdi ẹnyi e mẹgụọ Jerusalẹm lẹ ndị nke i wụrụ ihiẹn ndị nọkunmẹni ẹnyi gi a mụ ẹmụ.”

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Nahum 3:19

Y'a rụgụọ eje ẹhụ nwọnlẹni ọgụn! Eje-ẹhụ e gbuni rọ! Onyẹ nụ ihiẹn mẹn'i, ọ ghọghọma, makẹni onwọnni onyẹ i ye la.

Zẹfanaya 2:15

Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

Matiu 27:39

Ndị ghafekọnị hụ a kpọlịa a, e finfin isi,

Makị 15:29

Ndị ghafekọnị hụ e finfin isi, a kpari ẹ, a sị, “Ẹhẹn! Ẹlẹ ị sị n'i jẹnkọ d'e tikpọ Ụlọ-nsọ, gi akpọhịn ẹtọ tụndọnzi ẹ?!