Ẹkwan 2:13 - Ika

¹³ Kị m'a sịzị ị nwan, Nwagbọọ wụ Jerusalẹm? Kị m'e gi jen'i? Kị m'e gi ma atụ ị Nwagbọọ ọma wụ Zayọnụ kẹni m hụn ụzọ huhu ị? Ẹtẹ i mi kẹ ohimin! Onyẹ k'a saẹka zụọ ị?

Ẹkwan 2:13 ပူးပေါင်းရင်းမြစ်များ

Samuẹlụ Nke Ẹbụọ 5:20

Defidi nọ shi Baalụ-Pẹrazim, nọ ebẹhụ mẹri wẹ. Ọ nọ sị, “Osolobuẹ e gigụọ ikẹn wapụha kẹ mirin dọn a wapụha d'e mẹshi ndị-iṅẹnrẹn m ikẹn.” Ya wẹ nọ kpọma ebẹhụ Baalụ-Pẹrazim hụn wụ “Di-nwọnni ẹnyi hụn e gi ikẹn a pụha.”

Ndị-nze Nke Ẹbụọ 19:21

Lee ihiẹn Osolobuẹ ku banyen'ẹ: Nwagbọọ wụ Zayọnụ e legberi i, ọ mụgbu i ẹmụ. Okpoho wụ Jerusalẹm e finfinn'i isi ebe ị gbakọ ọsọ.

Ẹbụ-ọma 60:2

Y'e zinzingụọ alị ẹnyi; y'e tiwagụọ a; dodo, dọnzi nwan ebe gbawasọnmẹni, n'ọ rị nwan e mẹhunmẹ!

Azaya 37:22

Ọnwan wụ ihiẹn mmẹ wụ Osolobuẹ ku banyen'ẹ: Eze Asiria, Nwagbọọ wụ Zayọnụ rị a mụ ị ẹmụ, e legberi i; nwa-okpoho wụ Jerusalẹm e rugbudẹ i imi ebe ị gbapụkọ.

Jerimaya 14:17

Lee ihiẹn i k'a gwa wẹ: Ẹnya-mirin ẹnya-mirin kẹ m'a kwan uhinhin lẹ efinnaị; makẹni nwagbọọ wụ alị m a rụgụọ eje-ẹhụ, a dụgụọ w'a eje-ịkpa.

Jerimaya 14:19

Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Jerimaya 9:18

Wẹ bịa ozigbo-ozigbo d'a kwan ẹnyi d'e runi ẹnya-mirin e jun ẹnyi ẹnya, e hutu ẹnyi ẹnya.’

Ẹkwan 1:12

Onwọnni ihiẹn ọ wụ ụnụ ẹnya — ụnụ ile ndị rị a ghafeni? Lehunmẹ ni ẹnya nị ụnụ hụn: O nwọnghọ afụnfụn nọ kẹ afụnfụn wẹ ye m, afụnfụn hụn Osolobuẹ ye m ogẹn o gi ghọsị okẹn iwe rị e wen'ẹ?

Izikẹlụ 32:31

“Fẹro k'a hụn wẹ, obi e mẹ ẹ jụụ — nị ẹlẹ ịya lẹ igwerigwe ndị agha a sụọ kẹ wẹ gi ọpịa-agha gbu. Ya kẹ Osolobuẹ Nwọn Ihiẹn Ile ku.

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.