Ẹkwan 2:11 - Ika

¹¹ Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.

Ẹkwan 2:11 ပူးပေါင်းရင်းမြစ်များ

Jobu 16:13

ndị a gban'a ụta e fihunmẹgụọ m. Ọ hụ e zupu m akụnrụn — omikẹn arịa, ọ gbagụọ olulu m a ye alị.

Jobu 30:27

Onwọnni ogẹn ẹhụ gi e mẹ m jụụ; ụhụọhịn ile kẹ nsọngbu gi a kpọ m ihun.

Ẹbụ-ọma 119:82

Ẹnya hụ a tụrụ m m gi e lee ẹnya ihiẹn i kwe nkwa a, m hụ a sị, “Elee mgbe kẹ y'e gi rọkọ m obi?”

Ẹbụ-ọma 22:14

Ndụn hụ a gụ m, rịkẹ ebe wẹ rị e hupụ mirin. Ọkpụkpụ m ile e kwọnpụchanrịngụọ. Obi rị m hụ kẹ udẹn, o dẹnhinchanrịngụọ.

Ẹbụ-ọma 31:9

Osolobuẹ dodo mẹ omikẹn m, nị m rị imẹ nsọngbu; a kwan m ẹkwan, ẹnya e d'a kpọhị m, umẹ-ndụn lẹ ẹhụ a rọchanrịngụọ m yeni ẹkwan.

Ẹbụ-ọma 38:8

Ndụn arị m; ẹhụ ile e gụngwọnchanrịngụọ m; m hụ a sụn yeni ibu rị m obi.

Ẹbụ-ọma 6:7

A kwankpọgụọ m ẹnya ẹbụbụọ, ndụn a gụ wẹ yeni ndị-iṅẹnrẹn m.

Ẹbụ-ọma 69:3

A kwangbugụọ m enwẹn m, olu a gwọ m. Ẹnya m ẹbụbụọ a changụọ m gi rị e che Chuku m n'o yeni m ẹka.

Azaya 22:4

Ya haịn m gi a sị, “Pụ nị nị m; nị m kwan, kwangbu enwẹn m. Arọkọlẹ ni m obi kaka — nị e tikpọgụọ wẹ ndị nke m.”

Azaya 38:14

M hụ a rịa kẹ achụ, e yi kẹ nduru. E lebe m ẹnya elu m gi a chọ eyemẹka, ẹnya m a chan. Euu Osolobuẹ, m rị imẹ nsọngbu, dodo d'e yeni m ẹka.”

Azaya 51:20

Ụmụ ị ikẹnnyẹ a sọhịgụọ, fiẹnrinsọnmẹ ọgbara-ogbe ile, nọkẹ mgbadan ọnyan nwụndọn. A ragụọ wẹ ọnụma Osolobuẹ, rajun ẹfọ — ya lẹ ọjụgbọ Chuku i jụgbọ wẹ.

Jerimaya 14:17

Lee ihiẹn i k'a gwa wẹ: Ẹnya-mirin ẹnya-mirin kẹ m'a kwan uhinhin lẹ efinnaị; makẹni nwagbọọ wụ alị m a rụgụọ eje-ẹhụ, a dụgụọ w'a eje-ịkpa.

Jerimaya 4:19

Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 44:7

“Osolobuẹ ihiẹn ile rị okpuru ẹ, hụn wụ Chuku Izrẹlụ rị nwan a sị: Kị ụnụ rị e mẹni enwẹn ụnụ okẹn eje-ihiẹnni, e gi ẹ e gbupụchanrịn ikẹnnyẹ lẹ ikpoho lẹ ụmụ-ẹka lẹ ndị rị a ra ẹran imẹ Juda, ịhịan gizilẹni họdụnị ụnụ?

Jerimaya 8:19

Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Ẹkwan 1:11

Ndị Juda ile hụ a sụn udẹn, ebe wẹ rị a chọ ihiẹn-oriri; e gi wẹ ihiẹn ndị rị mkpa wẹ dọnmẹ a gbarị ihiẹn-oriri, kẹni wẹ hụn ụzọ ri ndụn. Euu Osolobuẹ, lee k'ọ rị m nị hụn kẹ wẹ rị e legberi m.

Ẹkwan 1:16

Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.

Ẹkwan 1:20

Euu, Osolobuẹ, dodo lee nsọngbu m! Imẹ ẹhụ rị e nwụn m ọkụn, obi eruni m alị, makẹni e nupụgụọ m isi ọda-ọda. Ọpịa hụ e gbu ndị ọ rị e gbu ogbe; ọnwụn hụ e gbu mmụlọ.

Ẹkwan 5:17

Ihiẹnni haịn ndụn gi nwan gụ ẹnyi — ẹnya ẹnyi a changụọ ẹnyi gi a kwan ẹkwan ihiẹn ndịnị,

Luku 23:29

Makẹni ogẹn zeni lala hụn wẹ e gi sị, ‘Ndị-agan lẹ ikpoho mụlẹni ụmụ lẹ ndị yetulẹni nwa ẹran e nwọnkẹ ngọzi.’

Samuẹlụ Nke Ibuzọ 30:4

Ya kẹ Defidi wẹ nọ kwanma, kwan a, ndụn ẹkwan a gụ wẹ.