Ẹkwan 1:5 - Ika

⁵ Ndị iṅẹnrẹn ẹ a kịmagụọ a; ẹhụ fu ndị-iṅẹnrẹn ẹ. Osolobuẹ e wẹhẹgụọn'a ẹkwan yeni njọ bu ọda o mẹ. A kpụngụọ wẹ ụmụ a la alị ndị ọzọ — ndị iṅẹnrẹn wẹ gi wẹ nwan e gi.

Ẹkwan 1:5 ပူးပေါင်းရင်းမြစ်များ

Ndị-nze Nke Ẹbụọ 21:15

O k'e mẹ makẹni e mẹọlẹ wẹ eje-ihiẹn ẹnya m, a kpasu m iwe ọkpasu-ọkpasu ghakwọrị ụhụọhịn ndị nẹdi wẹ gha alị Ijiptu pụha d'e ru tannị.”

Ẹbụ-ọma 80:6

Y'e mẹgụọ alị ndị nọkunmẹni ẹnyi zụọma alị ẹnyi; ndị-iṅẹnrẹn ẹnyi rị nwan a mụ ẹmụ!

Ẹbụ-ọma 89:42

Y'e mẹgụọ ẹka ndị-iṅẹnrẹn ẹ karị, y'e mẹgụọ ndị-iṅẹnrẹn ẹ ile ghọghọma nị e mẹri w'ẹ!

Azaya 22:5

Di-nwọnni-ẹnyi, Osolobuẹ ihiẹn ile rị okpuru ẹ, a kayegụọ ogẹn isusu, ọbịangbu lẹ egun, hụn k'e kunrun Jerusalẹm, Ọdanmgbugbu Ozi-Osolobuẹ — ogẹn wẹ k'a kụtusọnmẹ mgbọn ẹ, ogẹn wẹ k'a gha a kwanghọsị ugu ichẹn-ichẹn.

Azaya 63:18

Makẹni ndị nke i e te werigụọ alị nsọ ị ẹkẹrẹ ogẹn, kanị ndị-iṅẹnrẹn ẹnyi nọ nwan bịa d'a zọtịta Ụlọ-nsọ ị.

Jerimaya 10:20

E tikpọ wẹ ọdụ m bi, tibepụchanrịn eriri ile kwọndọnn'ẹ. Ụmụ a nwụnnahịngụọ m; arịzị w'a; onwọnzini onyẹ họdụnị — onyẹ k'a rụnkinni m ọdụ mọbụ mẹmẹni m ebe m k'a nọdị.

Jerimaya 12:7

“M k'a jụ ụlọ m tọ, gbakitọ ihiẹn m azụụn; m k'e bu Izrẹlụ, okpoho nwẹn wụ obi m, che ẹka ndị-iṅẹnrẹn ẹ.

Jerimaya 23:14

A hụnzị m nwan ihiẹn a gba ẹnya-mirin ẹka ndị amụma Jerusalẹm: Wẹ rị a ghẹrẹ, e gi ntụ e bi. Wẹ hụ a kwadọn ndị eje-omumẹ, hụn o gi mẹni onwọnzini onyẹ a latọ eje-ihiẹn. Wẹ ile rị nwan kẹ alị Sodọm ẹnya m; ndị Jerusalẹm rị nwan kẹ alị Gomora ẹnya m.”

Jerimaya 39:9

Nebuzaradanị hụn kị ndị-agha e che eze Babilọnụ nche nọ kpụnrụn ndị họdụ imẹ obodo Jerusalẹm shi Babilọnụ, wẹ lẹ ndị we enwẹn wẹ ye ẹ kẹ ndị Babilọnụ kelẹni banye imẹ Jerusalẹm lẹ ndị ọzọ ile.

Jerimaya 5:29

Kị wụ nị eyekọ m wẹ afụnfụn ihiẹnni?” Ya kẹ Osolobuẹ ku; “Kị wụ n'e mẹgwarịkọ m alị nọ ẹnịna?

Ẹkwan 1:16

Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.

Ẹkwan 1:18

Osolobuẹ wụ onyẹ ezi-omumẹ, kanị a paghọ m oku ẹ. Gọn ni ntịn, ụnụ ndị alị ichẹn-ichẹn; lee ni afụnfụn m rị imẹ ẹ! Kẹ ikorọbịa m kẹ ịgbagba m — a kpụngụọ wẹ wẹ shi alị ndị ọzọ rị ichẹn-ichẹn.

Ẹkwan 1:8

Jerusalẹm e mẹọlẹ okẹn njọ, o gigụ a nwan rụ. Ndị ile hụn te a gbaye ẹ rị nwan e legberi ẹ, makẹni a hụngụọ wẹ ọtọ a; ya nwẹn rị nwan a sụn udẹn, e bupụ ihun.

Ẹkwan 2:17

Osolobuẹ e mẹgụọ ihiẹn rị a obi; o mẹọlẹ ihiẹn o ku kete-kete, o tikpọgụọ ị — o mẹni omikẹn, ọ mẹgụọ ndị-iṅẹnrẹn i mụ ị ẹmụ; o mẹgụọ mpịn ndị-iṅẹnrẹn i kẹnrẹn.

Ẹkwan 3:46

Ndị-iṅẹnrẹn ẹnyi ile a mụgbugụọ ẹnyi ẹmụ.

Izikẹlụ 9:10

Mmẹ nwẹn emẹkọ nwan omikẹn wẹ; elekọ m wẹ ẹnya ihun. M k'e mẹ wẹ gi isi wẹ buru eje-ihiẹn wẹ mẹ.”

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Ditrọnọmi 31:29

Makẹni, a marịnghọ m nị m nwụnhụngụ, nị ụnụ jẹnkọ d'a rụchanrịn, la ụzọ m sị ụnụ gha tọgbọ. O ru ihun, ihiẹn-ikẹn sikọ d'a bịanị ụnụ makẹni ụnụ jẹnkọ d'e mẹ ihiẹn rịlẹni mma ẹnya Osolobuẹ, gi ife-mmọn, ihiẹn ẹka ụnụ mẹmẹ, kpasu ẹ iwe.”