Ẹbụ Solomọnụ 6:2 - Ika

² Nke-m e shigụọ ugbo-obobo ẹ, ebẹhụ ihiẹn-akụnkụn e kun fuẹin jun, d'a ghahunmẹ imẹ ugbo hụ, lẹ n'ọ kparị obobo lili.

Ẹbụ Solomọnụ 6:2 ပူးပေါင်းရင်းမြစ်များ

Ẹbụ Solomọnụ 2:16

Nke-m wụ nke m, mmẹ nwẹn wụ nke ẹ; ọ rị ebẹhụ wẹ kun lili jun a ghahunmẹ.

Ẹbụ Solomọnụ 4:12

Ugbo-obobo wẹ kpọkin akpọkin k'ị wụ — nwẹnẹ m, onyẹ m rị a lụ; mirin wẹ gbọnkin, isi-mirin wẹ dọkin kẹ ị wụ.

Ẹbụ Solomọnụ 4:16

Ufere ẹbamịn-ugu, tẹnhin! Ufere ẹbamịn-ndịdan, fehẹzịkwọ! D'e fe ugbo-obobo m, kẹni o kungbarị. Nke-m ya banhan nwan ugbo-obobo ẹ d'e ri ezigbo mkpụrụ ọ mị.

Ẹbụ Solomọnụ 4:5

Ẹran ị ẹbụbụọ nọ kẹ mmụ ele ẹbụọ, ele wẹ mụ ejimẹ, hụn a ghahunmẹ ebẹhụ wẹ kụn lili jun.

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Ẹbụ Solomọnụ 5:13

Nti ẹ nọ kẹ alị ugbo ihiẹn e kun fuẹin nọ e sue, e kun fuẹin. Ụgb'ọnụ a rịkẹ obobo lili hụn rị a tanpụha maa e kun fuẹin.

Ẹbụ Solomọnụ 6:11

M jẹn odoro osisi wọnọtụ d'e lee ihiẹn-akụnkụn ndị rị e sue nke ọhụn imẹ ọdanmgbugbu, kẹni m hụn kẹ vaịnị a fọmagụọ ẹhụhụọ kẹ gova-pomegraneti e mẹmẹgụọ obobo.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 57:1

Ndị ezi-omumẹ hụ a nwụn, onwọnni onyẹ e ron'ẹ; wẹ hụ e weri ndị gi obi wẹ ile e fe Osolobuẹ, onwọnni onyẹ a ghọtanị nị w'e weri ndị ezi-omumẹ makẹ eje-ihiẹn gha e kunrun wẹ;

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Azaya 61:11

Ẹghẹẹ, kẹ ẹjan dọn e mẹ ihiẹn e pu, kẹ alị-ugbo dọn e mẹ mkpụrụ wẹ kụn imẹ ẹ e sue, ẹrịra kẹ Di-nwọnni-ẹnyi wụ Osolobuẹ jẹnkọ d'e mẹ ihiẹn o k'e mẹ, alị ile a hụn ezi-omumẹ ẹ, gi ẹ ja a mma.

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Matiu 18:20

Makẹni ebe ọwụlẹ mmadụ ẹbụọ mọbụ ẹtọ gi ẹfan m zu, mmẹ lẹ wẹ rị ebẹhụ.”

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Jọnụ 14:3

M jẹngụ d'a kwademẹni ụnụ ebe ụnụ jẹnkọ d'e bi, e kinhẹn m d'e weri ụnụ, kẹni ụnụ nwẹn rị ebe m rị.

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”