Ẹbụ Solomọnụ 6:10 - Ika

¹⁰ Onyẹ wụ hụnnị pụlanị lekẹ eki rị e fọnni, e ti kẹ ifọn, e nwun kẹ ẹnyanwụn — nwọn ikpẹn kẹ kokisẹ dọnkọ ogele?

Ẹbụ Solomọnụ 6:10 ပူးပေါင်းရင်းမြစ်များ

Samuẹlụ Nke Ẹbụọ 23:4

ọ nọ kẹ ukpẹ ụtụntụn, ebe anwụn nọ a wa, ebe igwere nọ mẹ zaị; ọ nọzị kẹ eki fọnpụnị kẹ mirin zuegụ hụn ẹfịfịa gi e pupụha alị.

Jobu 11:17

Elu i k'e nwun kẹ ukpẹ, nwunahịndẹ anwụn efinaị, ọhịhị a nọ ị kẹ ẹnyanwụn-ụtụntụn.

Jobu 31:26

omẹkwọnị e leghọ m anwụn rị a mụnị ile mọbụ lee ifọn ile k'ọ ghakọ ọghọ-ọghọ —

Ẹbụ-ọma 14:5

Okẹn egun rị nwan a tụ wẹ ebe wẹ rị, makẹni Chuku rị ndị ezi-omumẹ azụụn.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Ẹbụ Solomọnụ 1:15

Obi-m, y'a rịka mma! Euu, y'a rịkazị mma! Ẹnya ị nọ kẹ nke nduru.

Ẹbụ Solomọnụ 3:6

Onyẹ wụ hụnnị gha alị ọkpọ-nkụn lala, nọkẹ ebe ẹnwụnrụn rị a lọ? Onyẹ wụ hụnnị rị e kun fuẹin yeni udẹn maa lẹ nsẹnsi ọ kwọ — hụn wẹ gi ihiẹn ile e kun fuẹin rị afịa mẹmẹ?

Ẹbụ Solomọnụ 6:4

Obi-m, ị ma mma kẹ obodo Tẹza, ị rị mma kẹ obodo Jerusalẹm, i nwọn ikpẹn kẹ itu ndị-agha busọnmẹ ẹkwa-ahịma wẹ.

Ẹbụ Solomọnụ 8:5

Onyẹ wụ nwa-agbọnị gha alị ọkpọ-nkụn lala — hụn danbemẹ onyẹ ya lẹ ịya rị a sụọ? Okpuru osisi apụlụ kẹ m nọ kpasu i; ebẹhụ kẹ nnẹ i nọzị tụ imẹ i, ebahụn kẹ imẹ nọ mẹ ẹ, ọ mụ ị.

Azaya 58:8

I mẹ ẹrịra, ukpẹ i e nwunrun kẹ eki-ụtụntụn, y'a dịnhịnkẹnrin emu i; ezi-omumẹ i e buruni i ụzọ, ọghọ rị Osolobuẹ ẹhụ a kpanrịnn'ị azụụn e che i nche.

Azaya 63:1

Onyẹ wụ onyẹni gha Bozra rị alị Ẹdọm pụla? Onyẹ pụla ihiẹnni ẹwuru ẹ rị e nwun kẹ ihiẹn ẹdeke huye? Onyẹ wụ onyẹni kẹn ekikẹn ndị-nze, jẹnla ndụn-ndụn?! “Mmẹ Osolobuẹ rọ! M gi ẹ e ku nị a tụgụọnị m ụnụ ụya; mmẹ hụn a zụọpụhanị!”

Hosia 6:5

Ya haịn m gi wa ụnụ kẹ nkụn ghahanị ọnụ ndị-amụma m zihẹsọnmẹni ụnụ; e gizi m oku-ọnụ m gbu ụnụ. E mẹshi m ụnụ ikẹn hụn pụha ifọn kẹ ukpẹ.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 13:43

Ogẹn hụ, ndị ezi-omumẹ k'a gha gbukepụ kẹ ẹnyanwụn imẹ Alị-eze Nẹdi wẹ. Onyẹ hụn nwọn ntịn ya nụ.

Matiu 17:2

Ya Jizọsị nọ nọ idẹnya wẹ nwọnhutọ: ihun ẹ e nwunmẹ kẹ ẹnyanwụn, ẹwuru ẹ hụ e gbukepụ kẹ ukpẹ.

Ndị Rom 8:37

Mba!! Imẹ ihiẹn ndịnị ile, ẹnyi wụ ndị-mmẹri ka ndị-mmẹri ile, ghahanị onyẹ ahụn nwọn ihiẹn-ọsụsụọ ẹnyi!

Ndị Ẹfẹsọsụ 5:27

kẹni o wepụha ụka ọghọ jun ẹhụ ihun ẹ, ẹlẹ ụka nwọn ntụpọ mọbụ se alịlị mọbụ ihiẹn ọwụlẹ nọ ẹrịra, kama n'ọ hụn ụzọ wụrụ ụka rị nsọ, nwọnlẹni ihiẹn wẹ gi kọrịan'a.

Rẹvẹleshọnụ 1:16

O gi kokisẹ ẹsa ẹka-nni. Ọpịa-agha ọnụnaị tụ nkọ gha a ọnụ suepụha. Ihun ẹ hụ e gbuke ọda-ọda kẹ ẹnyanwụn efinnaị.

Rẹvẹleshọnụ 10:1

Ya m nọ hụn mmọn-ozi ọzọ kin akwanran k'ọ gha elu-igwee hidanla. Orukpu fụhunmẹ ẹ; ekọn-lẹ-ogugu rị ibe isi ẹ; ihun ẹ nọ kẹ ẹnyanwụn. Ụkụ a rị kẹ adansụn ẹbụọ wẹ gi ọkụn mẹmẹ.

Rẹvẹleshọnụ 12:1

Ya kẹ ihiẹn pụ-ichẹn nọ pụha imẹ elu-igwee: e lee okpoho yi ẹnyanwụn kẹ ẹwuru; ifọn rị a okpuru ụkụ; o kpuhụ okpu-eze kokisẹ mmẹbụọ rị.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Rẹvẹleshọnụ 22:5

Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.