Ẹbụ Solomọnụ 5:2 - Ika

² M rị ụran, kanị akpobi m mụ ẹnya. Gọn ntịn! Nke-m rị a dụ ẹka: “Kpọpụnị m ụzọ, nwẹnẹ m, Obi-m, nduru m, nke m hụn zu oke — nị isi m e mẹ igirigi-igirigi, ntutu m e mẹ igirigi-igirigi.”

Ẹbụ Solomọnụ 5:2 ပူးပေါင်းရင်းမြစ်များ

Jẹnẹsisi 29:20

Ya Jekọpụ nị gi ufiri Rechẹlụ fe Labanị ọrọgbọ ahụa ẹsa, kanị ahụa ẹsa ahụn nọ a kẹ akpọhịn ole, makẹni ihiẹn Rechẹlụ sụọ a ọda.

Ẹbụ-ọma 119:1

Ngọzi wụ nke ndị e bi obibi nwọnlẹni nkọrịanị, ndị gi iwu Osolobuẹ e bi.

Ẹbụ-ọma 81:10

Mmẹ wụ Osolobuẹ, Chuku ụnụ, hụn gha alị Ijiptu wepụha ụnụ. Shịapụ nị ọnụ ọhụnma-ọhụnma; m k'e hujun ẹ.

Itẹn 23:26

Nwa m, ye m obi i; ẹnya ị ya rịsọnmẹ ụzọ m,

Ẹbụ Solomọnụ 1:16

Nke-m, ya rịkazị mma! Y'e pukẹ okorọbịa! Ẹhụhụọ-oyiyi jun ebeni ẹnyi k'e dinẹ.

Ẹbụ Solomọnụ 2:10

Nke-m gwa m oku, sị m, Obi-m, lihi; Mma m, sọnmẹ m nị ẹnyi pụ.

Ẹbụ Solomọnụ 2:14

Nduru m, hụn hụarị oghe rị ọmụma, hụn rị ebe w'a hụarịsọnmẹ elu ugu. Ghọsị m ihun i, nị m nụ olu i; makẹni olu i a sụọka ụsụọ; ihun i a rịka mma.

Ẹbụ Solomọnụ 2:8

Gọn ntịn! Nke-m rọ! Lee ẹ k'ọ lala, k'ọ wụla, fetusọnmẹkọ ugu, kpọfesọnmẹkọ òke.

Ẹbụ Solomọnụ 3:1

Eki e we fọn, m hụ elu bẹdi m, a chọ Nke-m; a chọ m'a, ahụnnị m'a.

Ẹbụ Solomọnụ 4:7

Obi-m, y'a maka mma! Mma ị zu oke.

Ẹbụ Solomọnụ 4:9

Y'e werigụọ obi m, nwẹnẹ m, nwunyẹ m; y'e werigụọ obi m — ẹnya hụn i lee m hụ k'i gi weri akpobi m, akpụ ihiẹn-olu ohu imẹ hụn i yi k'i gi weri akpobi m.

Ẹbụ Solomọnụ 5:11

Isi ẹ wụ goru, ezigbo goru; ntutu ẹ lọrị alọrị, e gi ngi kẹ uroko.

Ẹbụ Solomọnụ 5:6

A gụnpụnị m Nke-m ụzọ, kanị ọ pụgụọ — ọ rịzị a. Obi e feri m n'ọ pụgụọ; a chọ m'a, ahụnnị m'a; a hị m'a oku, ọ zanị m.

Ẹbụ Solomọnụ 6:9

kanị nduru m rị ichẹn, Nke-m hụn zu oke; akpụ okpoho ohu nnẹ ẹ mụ k'ọ wụ; ịbọọ onyẹ hụn mụn'a. Ịgbagba a hụn a, wẹ nọ kpọ a onyẹ Chuku gọzi — inyẹnmẹ eze lẹ ndị mgba eze a jazịghọ a mma.

Ẹbụ Solomọnụ 7:9

ya sụọzịkwọ kẹ manya kachanrịn mma. Manya hụ ya hujẹnni Nke-m — ya gi nwayọ gha a ụgb'ọnụ lẹ eze.

Ẹbụ Solomọnụ 8:7

Okẹn mirin ara saẹka tinyụn ihiẹn-ọsụsụọ; onwọnni iyi a s'ẹka e hurun'ẹ. Ịhịan yechanrịndẹ akụ-lẹ-ụba ile rị iwe ẹ makẹ ihiẹn-ọsụsụọ, elekọ w'a ẹnya ihun.

Azaya 50:6

E budẹ m ụgba-azụụn zinmẹni wẹ ebe wẹ rị a fịan m ihiẹn, la nti tọnị ndị rị e huepụ m ẹtu; egini m ifẹnrẹn zueri makẹ ẹmụ wẹ rị a mụ m lẹ ẹsọn wẹ rị a jụkpu m.

Azaya 52:14

Kẹ ụya ọ rị imẹ ẹ dọn tụ ndị bu ọda ẹnya — makẹni ọ nọzịnị kẹ ịhịan yeni ihiẹn ẹnya hụn a, makẹni o yizini ịhịan yeni ẹhụ wẹ rụsọnmẹ ẹ —

Daniẹlụ 8:18

Ogẹn o gi gwa m okuni, m nọ sọhị fiẹnrin mọmọmọ. Ya ọ nọ mẹtụ m ẹka, weli m elu.

Zẹkaraya 4:1

Mmọn-ozi hụn mmẹ lẹ ịya gba e ku oku nọ bịazị, kpọtiẹn m kẹ w'a kpọtiẹn onyẹ rị ụran.

Matiu 7:8

Makẹni onyẹ ọwụlẹ hụn rịọnị k'e nwọnhẹn; onyẹ ọwụlẹ hụn chọnị k'a hụn; wẹ sikọ d'a kpọpụnị onyẹ ọwụlẹ dụ ẹka ụzọ.

Matiu 8:17

Ẹnịna kẹ ihiẹn Chuku gi onyẹ-amụma wụ Azaya ku dọn mẹzu. Azaya sị, “O wepụ emu ẹnyi, buru irẹnhụn ẹnyi.”

Makị 1:35

Ụzụtụntụn, ebe eki kelẹni fọnchanpụ, ọ nọ zọpụ, shi ebe ịhịan rịlẹni, nọ ebẹhụ mẹmẹ ekpere.

Luku 22:44

Ọ nọ gi okẹn-ụfụ ọ rị mẹkẹnmẹ ekpere; ọbanje ẹ nọ kẹ ẹdeke rị a tantuni.

Luku 6:12

Ogẹn hụ, Jesu nọ shi elu ugu d'e mẹ ekpere, nọchanrịn uchinchin hụ ile e mẹ ekpere e jẹnni Osolobuẹ.

Luku 9:32

Ụran te gi Pita lẹ ibe ẹ ya lẹ wẹ wị, kanị ogẹn o gi fọn wẹ ẹnya kẹ wẹ gi hụn ọghọ Jizọsị lẹ ikẹnnyẹ ẹbụọ ahụn turuyenin'ẹ.

Jọnụ 10:4

O wepụhagụ atụnrụn a ile, o buruni wẹ ụzọ, e sọn wẹ ẹ, makẹni wẹ marịn olu ẹ.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Rẹvẹleshọnụ 14:4

Ndịnị wụ ndị gilẹni ikpoho mẹrụ enwẹn wẹ, wẹ wụ ikẹnnyẹ marịnlẹni ikpoho. W'e sọn Nwa-ebulu hụ ebe ọwụlẹ o jẹnkọ. Osolobuẹ lẹ Nwa-ebulu hụ a ghagụọ imẹ ịhịan ile gbapụha ndịnị nọkẹ mkpụrụ-ibuzọ.

Rẹvẹleshọnụ 3:20

“Lee ẹ, m turu nwan ọnụmụzọ a dụ ẹka, onyẹ nụ olu m gụnpụ ụzọ, a banhan m d'e kunrun ẹ, e sọn m'ẹ ri, o sọn m ri.

Rẹvẹleshọnụ 3:4

“Kanị, o nwọnghọ ndị bulẹni ọda rị Sadisi kelẹni ru ẹkwa wẹ unyin. Wẹ jẹnkọ d'e yi ẹkwa ọchan sọn m e jẹnhunmẹ, makẹni wẹ furu efuru.