Ẹbụ Solomọnụ 5:16 - Ika

¹⁶ Ọnụ a wụ ụsụọ lẹ enwẹn ẹ; o pukẹ okorọbịa. Ẹrịra kẹ Nke-m nọ; ẹrịra kẹ Ọwụ m nọ — ụnụ ịgbagba Jerusalẹm.

Ẹbụ Solomọnụ 5:16 ပူးပေါင်းရင်းမြစ်များ

Samuẹlụ Nke Ẹbụọ 1:23

Sọlụ lẹ Jonatanị arịka mma, ihiẹn wẹ a sụọka m! Kẹ ọnwụn kẹ ndụn ekebeni wẹ. Wẹ benahịn ugọn nkanran; wẹ zenahịn ẹwọrọ.

Ẹbụ-ọma 119:103

Ihiẹn i ku a sụọka m ụsụọ ọnụ, sụọkarịdẹ mirin-ẹnwụn!

Ẹbụ-ọma 148:13

Wẹ ile jama ẹfan Osolobuẹ mma, makẹni ẹfan a kachanrịn nke ndị ọzọ; ikpẹn ẹ ka nke elu-ụwa lẹ elu-igwee.

Ẹbụ-ọma 19:10

Uwẹ kadẹ goru mkpa a rị, kẹ ezigbo goru bu ọda; uwẹ kazị mirin-ẹnwụn a sụọ — kadẹ mirin-ẹnwụn wẹ buchelẹni ihiẹn ọzọ hụn rị a gha ọgba mirin-ẹnwụn a tantu.

Ẹbụ-ọma 45:2

Ịyụ kachanrịn ikẹnnyẹ ile okorọbịa e pu! Oku ọnụ ị a rịka mma — ya wụnị Chuku a gọzigụọ ị jẹnrin ejẹn!

Ẹbụ-ọma 89:6

Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?!

Ẹbụ Solomọnụ 1:16

Nke-m, ya rịkazị mma! Y'e pukẹ okorọbịa! Ẹhụhụọ-oyiyi jun ebeni ẹnyi k'e dinẹ.

Ẹbụ Solomọnụ 1:2

Sususọnmẹ m ọnụ — makẹni ihiẹn-ọsụsụọ ị sụọnahịn manya.

Ẹbụ Solomọnụ 1:5

Ịgbagba Jerusalẹm, m'e gi ngi-o, kanị m ma mma, m'e gi ngi nọkẹ ọdụ w'e bi imẹ Kẹda, m ma mma kẹ ẹkwa ndị wẹ gi tankin ọnụmụzọ Solomọnụ.

Ẹbụ Solomọnụ 2:1

Mmẹ wụ obobo rị alị-aradan Sharọnụ, obobo lili rị ọdanmgbugbu.

Ẹbụ Solomọnụ 2:16

Nke-m wụ nke m, mmẹ nwẹn wụ nke ẹ; ọ rị ebẹhụ wẹ kun lili jun a ghahunmẹ.

Ẹbụ Solomọnụ 2:3

Kẹ osisi apụlụ dọn rị ichẹn imẹ osisi ndị rị ẹgboko, ẹrịra kẹ Nke-m nọ imẹ igunrun ikorọbịa ibe ẹ. Ọ sụọ m ịnọdị igungun ẹ; mkpụrụ a asụọka m ọnụ.

Ẹbụ Solomọnụ 4:3

Ụgb'ọnụ ị e nwun ufie-ufie kẹ eriri-ẹkwa ufie; ọnụ ị a maka mma. Nti i ẹbụbụọ rị a chan pọị kẹ imẹ gova-pomegraneti wẹ wabe — imẹ ẹkwa hụ i gi kpumẹ ihun.

Ẹbụ Solomọnụ 6:3

Nke-m nwọn m, mmẹ nwẹn nwẹzikwọ Nke-m, ọ ghahunmẹ ebẹhụ wẹ kụnjun lili.

Ẹbụ Solomọnụ 7:9

ya sụọzịkwọ kẹ manya kachanrịn mma. Manya hụ ya hujẹnni Nke-m — ya gi nwayọ gha a ụgb'ọnụ lẹ eze.

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Jerimaya 3:20

Kanị, ịyụ wụ ikpụnọ Izrẹlụ a lagụọ m tọ sọnmẹ ihiẹn ọzọ kẹ okpoho ẹnya rịlẹni ụzọ ohu e mẹ di ẹ.” Ya kẹ Osolobuẹ ku.

Hosia 3:1

Osolobuẹ sị m, “D'a ghọsịzị nwunyẹ i ihiẹn-ọsụsụọ, ọsụọn'a nị ya lẹ onyẹ ọzọ rị a sụọ, lẹni ọ zọ ụkụ e ye ọfịa, nị ẹrịra kẹ Osolobuẹ e nwọnsọnmẹ ihiẹn-ọsụsụọ ndị Izrẹlụ, ọsụọn'a nị w'e fesọnmẹ mmọn lẹni ihiẹn-oriri ahụn wẹ gi a kwa ese a sụọ wẹ asụọ.”

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Filipi 3:8

Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Jemisi 2:23

Ya kẹ ihiẹn hụ Ẹkụkwọ-nsọ ku nọ mẹ: nị “Ebraham kweyeni Osolobuẹ, Osolobuẹ nọ gụn a yen'ẹ, kpọ a onyẹ ezi-omumẹ, kpọ a ọwụ Osolobuẹ.”

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.