Ẹbụ Solomọnụ 5:10 - Ika

¹⁰ Nke-m e gbukepụ egbukepụ, ẹhụ rị a mma, ọ rịdẹ ichẹn imẹ mmadụ nnụ-uku iri.

Ẹbụ Solomọnụ 5:10 ပူးပေါင်းရင်းမြစ်များ

Ẹbụ-ọma 45:17

M k'e mẹ agbọ ile a nyanhan ị, alị ile a ja ị mma jẹnrin ejẹn.

Ẹbụ-ọma 45:2

Ịyụ kachanrịn ikẹnnyẹ ile okorọbịa e pu! Oku ọnụ ị a rịka mma — ya wụnị Chuku a gọzigụọ ị jẹnrin ejẹn!

Ẹbụ Solomọnụ 2:1

Mmẹ wụ obobo rị alị-aradan Sharọnụ, obobo lili rị ọdanmgbugbu.

Azaya 10:18

Kẹ ọghọ ẹgboko ẹ kẹ ọghọ ugbo ẹ mẹ wokowoko, o k'e wiwichanrịn wẹ kẹ emu dọn e fie ịhịan ẹhụ.

Azaya 59:19

Ịhịan ile a gbaye Osolobuẹ — kẹ ndị rị ẹbamịn ọdịdan-ẹnyanwụn ịhịan ile e ye ẹ ọghọ — kẹ ndị rị ẹbamịn ọwụwa-ẹnyanwụn, makẹni Osolobuẹ k'a bịa nọkẹ okẹn iyi rị e huni, okẹn iyi hụn ufere Osolobuẹ buhẹ.

Azaya 66:19

M k'a kpaghọsị wẹ ikẹn m, e zi m ndị k'a nwụnhọdụnị shi alị ichẹn-ichẹn — alị Tashishi lẹ alị Pulu lẹ alị Ludu (ndị wẹ gi ịgba-ụta marịn) lẹ alị Tubalụ lẹ alị Javanị wụ Grisi lẹ alị ichẹn-ichẹn tegbu enwẹn wẹ, hụn kelẹni nụ otiti m mọbụ hụn ọghọ m. Uwẹ sikọ d'a gwa ndị alị ichẹn-ichẹn oku ọghọ m.

Ẹkwan 4:7

Ndị-ndu Izrẹlụ te nwunnahịn ẹkwa ọchan, wẹ te nwunnahịn mirin-ẹran; ẹhụ wẹ te manahịn rubi e gbukeni mma, wẹ te ma mma kẹ safaya hụn e gbukeni.

Ndị Rom 9:5

Ebraham lẹ ndị nẹdi mbụ hụ wẹ marịn amarịn wụ ndị nke wẹ; ebọn wẹ kẹ wẹ mụye Kraịstị nọkẹ ịhịan — Kraịstị hụn wụ Osolobuẹ hụn ịhịan ile lẹ ihiẹn ile rị okpuru ẹ, ịja-mma ya rịn'a jẹnrin ejẹn! Isẹẹ.

Ditrọnọmi 32:31

Ẹghẹẹ, makẹni ọmụma wẹ gi dọn ẹnya anọnị kẹ Ọmụma ẹnyi, kẹ uwẹ wụ ndị-iṅẹnrẹn ẹnyi a marịngụọ.

Ndị Kolosị 1:18

Ịya wụ isi ụka hụn wụ ẹhụ a. Ịya wụzị isi mbidọn; ịya wụ onyẹ ibuzọ gha ọnwụn lihi. Wẹ ile k'o gi wụrụ onyẹ ibuzọ lẹ onyẹ-isi ihiẹn ile.

Hibru 2:10

Osolobuẹ mẹ ihiẹn furuni, ebe o mẹ ni ẹka a kẹ ihiẹn ile gha bịa; ebe o mẹ ni ihiẹn ile wụzịkwọ nke ẹ. Makẹni ọ chọ n'ọ zụọpụha ndị bu ọda, webahan wẹ ebe ọ rị, kẹni wẹ wụrụ ụmụ a, sọn ẹ nwọn ọghọ a, ọ nọ gi afụnfụn kwademẹ onyẹ hụn o gi bidọn nzụọpụha hụ, mẹ ẹ ru ogo onyẹ-nzụọpụha.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Samuẹlụ Nke Ibuzọ 16:12

Ya kẹ Jese nọ zi wẹ, wẹ nọ jẹn d'e wẹhẹ ẹ: o mẹ moko-moko, ma mma ẹhụ, pu okorọbịa ọhụnma-ọhụnma. Osolobuẹ nọ sị, “Jẹn nwan d'e hukpu ẹ udẹn-ntumẹ, tumẹ ẹ; ịya rọ.”