Ẹbụ Solomọnụ 4:15 - Ika

¹⁵ Isi-mirin rị imẹ ugbo-obobo, mirin rị mma rị e huni, hụn gha Ugu Lẹbanọnụ e huhẹ.

Ẹbụ Solomọnụ 4:15 ပူးပေါင်းရင်းမြစ်များ

Ẹbụ-ọma 46:4

O nwọn iyi hụn mirin ẹ e mẹ wẹ a ghọghọ imẹ obodo Chuku, imẹ Ebẹhụ rị nsọ Onyẹ Kachanrịnnị bi.

Itẹn 5:16

N'ị nị isi-mirin i hutọsọnmẹ ọgbara-ogbe ile? N'ị nị mirin iyi i hutọ ebe ịhịan ile nọ e zu?

Itẹn 5:18

Isi-mirin i ya wụrụ nwan ngọzi ẹnya ị; e nwọn anwịnrịn makẹ nwunyẹ ụtụntụn ị,

Ẹkịliziastisi 2:6

A rụntọsọnmẹ m ọgọdọ w'a nọ e weri mirin a gba osisi m ndị e duni.

Ẹbụ Solomọnụ 4:12

Ugbo-obobo wẹ kpọkin akpọkin k'ị wụ — nwẹnẹ m, onyẹ m rị a lụ; mirin wẹ gbọnkin, isi-mirin wẹ dọkin kẹ ị wụ.

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 2:13

“Ndị nke m e mẹọlẹ njọ ẹbụọ: a latọgụọ wẹ m, mmẹ hụn wụ isi-mirin e ye ndụn; e gurusọnmẹgụọ wẹ ọmị, ọmị gbawanị ghalẹni e che mirin.

Zẹkaraya 14:8

O ru ogẹn ahụn, mirin e ye ndụn k'a gha Jerusalẹm e hupụha: azụụn ohu k'a rị e hushi Ohimin rị ẹbamịn ọwụwa-ẹnyanwụn, azụụn ohu e hushi Ohimin rị ẹbamịn ọdịdan-ẹnyanwụn. O hubehikọ, kẹ ọhọhị kẹ udu-mirin.

Jọnụ 4:10

Jizọsị nọ sị a, “Omẹni i te marịn ihiẹn Osolobuẹ e ye lẹ onyẹ rị a sị ị, ‘Ye m mirin ra’, nkẹ y'a rịọ a, n'o ye i mirin hụn e ye ndụn.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 7:38

Onyẹ kwerini m, ọ rịn'a kẹ Ẹkụkwọ-nsọ dọn ku: ‘Mirin hụn e ye ndụn k'a gha imẹ ẹ e hupụha kẹ iyi.’ ”

Rẹvẹleshọnụ 22:1

Ya mmọn-ozi hụ nọ ghọsị m iyi hụn mirin ẹ e ye ndụn. Ọ hụ e nwun zaị kẹ ughegbe; ukpo-eze Osolobuẹ lẹ Nwa-ebulu ahụn k'ọ rị a gha e hupụha.