Ẹbụ Solomọnụ 4:12 - Ika

¹² Ugbo-obobo wẹ kpọkin akpọkin k'ị wụ — nwẹnẹ m, onyẹ m rị a lụ; mirin wẹ gbọnkin, isi-mirin wẹ dọkin kẹ ị wụ.

Ẹbụ Solomọnụ 4:12 ပူးပေါင်းရင်းမြစ်များ

Jẹnẹsisi 29:3

Ịhịan ile duhẹgụ anụ wẹ ebẹhụ wẹ kebe nupụ ọmụma ahụn, a dọrịsọnmẹ wẹ mirin ye anụ ndị ahụn. Wẹ yegụ wẹ, e gizi wẹ ọmụma ahụn dọkin ọnụ ọmị ahụn.

Ẹbụ Solomọnụ 4:9

Y'e werigụọ obi m, nwẹnẹ m, nwunyẹ m; y'e werigụọ obi m — ẹnya hụn i lee m hụ k'i gi weri akpobi m, akpụ ihiẹn-olu ohu imẹ hụn i yi k'i gi weri akpobi m.

Ẹbụ Solomọnụ 6:11

M jẹn odoro osisi wọnọtụ d'e lee ihiẹn-akụnkụn ndị rị e sue nke ọhụn imẹ ọdanmgbugbu, kẹni m hụn kẹ vaịnị a fọmagụọ ẹhụhụọ kẹ gova-pomegraneti e mẹmẹgụọ obobo.

Ẹbụ Solomọnụ 6:2

Nke-m e shigụọ ugbo-obobo ẹ, ebẹhụ ihiẹn-akụnkụn e kun fuẹin jun, d'a ghahunmẹ imẹ ugbo hụ, lẹ n'ọ kparị obobo lili.

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Ndị Kọrẹntị Ibuzọ 6:13

“Ihiẹn-oriri wụ nke ẹfọ; ẹfọ wụ nke ihiẹn-oriri.” Kanị, Osolobuẹ k'e tikpọ wẹ ẹbụọ. Ẹhụ ẹlẹ nke ughẹrẹ, nke Di-nwọnni-ẹnyi rọ; Di-nwọnni-ẹnyi wụzị nke ẹhụ.

Ndị Kọrẹntị Ibuzọ 7:34

ẹrịra kẹ obi ẹ e kebe. Okpoho mọbụ nwagbọọ nwọnlẹni di e ro ihiẹn Di-nwọnni-ẹnyi, o ro k'o dọn dọnmẹchanrịn ẹhụ a lẹ mmọn a nsọ; kanị okpoho nwọn di e ro ihiẹn ụwa, o ro k'o dọn mẹ n'ọ sụọ di ẹ.

Ndị Kọrẹntị Nke Ẹbụọ 1:22

ye ẹnyi ahịma a ghahanị ibu Mmọn-nsọ a che imẹ obi ẹnyi, gi ẹ họnrin mbi ihiẹn ile o k'e mẹni ẹnyi.

Ndị Ẹfẹsọsụ 1:13

Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Ẹfẹsọsụ 4:30

Emẹkwọlẹ ni ihiẹn k'a fụ Mmọn-nsọ Osolobuẹ, makẹni ịya wụ ahịma Osolobuẹ ye (yi) ụnụ makẹ ụhụọhịn nzụọpụha.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 7:3

sị wẹ, “E ke wiwilẹ ni ụwa mọbụ ohimin mọbụ osisi ọwụlẹ; cheri ni nị ẹnyi yegụ idibo Osolobuẹ ẹnyi ahịma ezimezi ihun.”