Ẹbụ Solomọnụ 3:6 - Ika

⁶ Onyẹ wụ hụnnị gha alị ọkpọ-nkụn lala, nọkẹ ebe ẹnwụnrụn rị a lọ? Onyẹ wụ hụnnị rị e kun fuẹin yeni udẹn maa lẹ nsẹnsi ọ kwọ — hụn wẹ gi ihiẹn ile e kun fuẹin rị afịa mẹmẹ?

Ẹbụ Solomọnụ 3:6 ပူးပေါင်းရင်းမြစ်များ

Ọpụpụ 30:34

Osolobuẹ nọ sị Mozizi, “Werisọnmẹ ihiẹn ndịnị e shin ọhụnma: mkpịnsịn ẹsue, onika lẹ gal'banum lẹ frankisẹnsị nwọnlẹni ihiẹn ọzọ wẹ buche ẹ; wẹ ile k'a wụ ahanmahan.

Itẹn 7:17

Egigụọdẹ m sẹnti ichẹn-ichẹn feye elu bẹdi m — kẹ maa kẹ alo kẹ sinamọnụ.

Ẹbụ Solomọnụ 1:13

Nke-m rị m kẹ ngungun maa e kun fuẹin hụn rị m elu obi, ẹgbata ẹran m.

Ẹbụ Solomọnụ 1:3

Udẹn hụn i te rị e kun fuẹin; ẹfan ị rị e kundẹ fuẹin kẹ udẹn wẹ hupụha — ya haịndẹ i ihiẹn i gi a sụọ ịgbagba!

Ẹbụ Solomọnụ 3:7

Lee ẹnya! Ụgbọ-ẹshin Solomọnụ rọ; odogun-agha ọgụn-ẹtọ dula a — odogun-agha kachanrịnnị imẹ Izrẹlụ;

Ẹbụ Solomọnụ 4:6

D'e ru nwan mgbe eki fọn, onyinyọn a la, m k'a ghasọnmẹ elu ugu maa jun lẹ elu òke nsẹnsi jun.

Ẹbụ Solomọnụ 5:13

Nti ẹ nọ kẹ alị ugbo ihiẹn e kun fuẹin nọ e sue, e kun fuẹin. Ụgb'ọnụ a rịkẹ obobo lili hụn rị a tanpụha maa e kun fuẹin.

Ẹbụ Solomọnụ 5:5

E lihi m d'a gụnpụnị Nke-m ụzọ, udẹn-maa nọ jun m ẹka, maa e hujun m ẹka — ẹka hụn m gi rị a gụnpụ ụzọ.

Ẹbụ Solomọnụ 8:5

Onyẹ wụ nwa-agbọnị gha alị ọkpọ-nkụn lala — hụn danbemẹ onyẹ ya lẹ ịya rị a sụọ? Okpuru osisi apụlụ kẹ m nọ kpasu i; ebẹhụ kẹ nnẹ i nọzị tụ imẹ i, ebahụn kẹ imẹ nọ mẹ ẹ, ọ mụ ị.

Azaya 43:19

Lee n'ẹ, m rị e mẹ ihiẹn ọhụn! O mẹmẹgụọdẹ nwan! Ụnụ a rị a hụn a? M rị a kwaye ụzọ imẹ atụ, e mẹ iyi a pụhasọnmẹ imẹ alị ọkpọ-nkụn.

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Jerimaya 31:2

Osolobuẹ sị, “M k'e mẹni ndị Izrẹlụ k'a họdụnị ọhụnma — ndị ahụn ọpịa-agha k'e gbuhọdụ hụn k'a rị imẹ atụ; m k'a bịa d'e mẹ ẹhụ fu Izrẹlụ.”

Hosia 9:10

Osolobuẹ sị, “Kẹ m bu ụzọ hụn Izrẹlụ, ọ nọ kẹ ogbe vaịnị ịhịan hụn alị mirin rịlẹni; kẹ m bu ụzọ hụn ndị nẹdi ụnụ, ọ sụọghọ m kẹ mkpụrụ-osisi figi ibuzọ channị. Kanị e femẹ wẹ Baalụ-Pioru, we enwẹn wẹ kwanị ihiẹn ifẹnrẹn hụ, wẹ lẹ enwẹn wẹ nọ họnrin ihiẹn rụnị nọkẹ ihiẹn ahụn sụọnị wẹ!

Matiu 2:11

A banye wẹ imẹ ụlọ ahụn, hụn nwata hụ lẹ nnẹ ẹ wụ Meri, wẹ nọ kụnị nwata hụ isi-alị. Ya wẹ nọ kpọpụ ẹkpẹti wẹ buche ihiẹn rị mma, ye ẹ goru lẹ frankisẹnsị lẹ maa.

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Rẹvẹleshọnụ 12:14

Kanị, e ye wẹ okpoho hụ nku ẹbụọ, nku ugọn uku, kẹni ọ gha ebe agwọ hụ rị fepụ, shi imẹ atụ, ebe wẹ jẹnkọ d'a nọ e ye ẹ ihiẹn-oriri ahụa ẹtọ lẹ ifọn isin.

Rẹvẹleshọnụ 12:6

Ya okpoho hụ nọ gbashi imẹ atụ d'a nọdị ebẹhụ Osolobuẹ kwademẹn'ẹ, ebe wẹ k'a nọ e ye ẹ ihiẹn-oriri akpọhịn ọgụn-ẹtọ kwasị nnụ-ẹtọ, (1,260).

Rẹvẹleshọnụ 18:13

onwọnzini onyẹ e ṅọnnarịn wẹ sinamọnụ lẹ ihiẹn-akụnkụn ndị ọzọ ihiẹn-oriri gi a sụọ lẹ ndị e kun fuẹin; nsẹnsi lẹ maa lẹ frankisẹnsị; onwọnzini onyẹ e ṅọnnarịn wẹ manya, ofigbọn-olivu, ọka wẹ gwe a ṅanrannị lẹ ọka-witi; efin, atụnrụn, ẹshin lẹ ụgbọ-anyịnyan; igbọn lẹ ndụn ịhịan.

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.