Ẹbụ Solomọnụ 2:5 - Ika

⁵ Ye m mkpụrụ-osisi figi ri, nị ndụn banzị m! Ye m apụlụ ri, nị ndụn ban m — makẹni ihiẹn-ọsụsụọ a karị m ẹka!

Ẹbụ Solomọnụ 2:5 ပူးပေါင်းရင်းမြစ်များ

Samuẹlụ Nke Ẹbụọ 6:19

Ya ọ nọ ye onyẹ-onyẹ rị igunrun Izrẹlụ ile hụ ogbe brẹdi ohu-ohu, kẹ ikẹnnyẹ kẹ ikpoho, o yezi wẹ ọkpụkpụ deti ohu-ohu wẹ pịngbama kikọ lẹ ọkpụkpụ vaịnị ohu-ohu wẹ pịngbama kikọ. Omẹgụ, wẹ ile nọ lashi iwe wẹ.

Ihiẹn Mẹni Nke Ibuzọ 16:3

Ọ nọ ye onyẹ Izrẹlụ ọwụlẹ ogbe brẹdi ohi-ohi ohu, ọkpụrụkpụ mkpụrụ osisi deti wẹ pịngbama kikọ ohu lẹ mkpụrụ osisi vaịnị wẹ pịngbama kikọ ohu.

Ẹbụ-ọma 63:8

Azụụn ị kẹ m'e zueri; ẹka-nni i e kwọndọn m.

Ẹbụ Solomọnụ 5:8

Ịgbagba Jerusalẹm, m rị a gwa ọnụ, a gwashi ụnụ ikẹn — ụnụ hụn Nke-m, kị ụnụ sikọ d'a gwa a? Gwa n'a nị ihiẹn-ọsụsụọ e d'a gụngbu m.

Ẹbụ Solomọnụ 7:8

M nọ sị, “M k'e nyinrin elu nkụ hụ; e kwọndọn m ogbe ẹ.” Ẹran ị, ya nọzịkwọ kẹ ọhịọ vaịnị, ọnụ ị, ya kun fuẹin kẹ ogbe apụlụ,

Hosia 3:1

Osolobuẹ sị m, “D'a ghọsịzị nwunyẹ i ihiẹn-ọsụsụọ, ọsụọn'a nị ya lẹ onyẹ ọzọ rị a sụọ, lẹni ọ zọ ụkụ e ye ọfịa, nị ẹrịra kẹ Osolobuẹ e nwọnsọnmẹ ihiẹn-ọsụsụọ ndị Izrẹlụ, ọsụọn'a nị w'e fesọnmẹ mmọn lẹni ihiẹn-oriri ahụn wẹ gi a kwa ese a sụọ wẹ asụọ.”

Luku 24:32

Wẹ nọ sị ibe wẹ, “Ẹhẹn! Ịya haịn obi gi rị a nụ ẹnyi ọkụn ogẹn o gi rị a gwa ẹnyi oku, a kọwanị ẹnyi Ẹkụkwọ-nsọ kẹ ẹnyi rị ụzọ!”

Ndị Filipi 1:23

M ri e roshi azụụnnị, e roshi azụụnnị: k'ọ rị m, a la m ụwanị tọ d'e du Kraịstị nọdị, makẹni ọhụn ka mma.