Ẹbụ Solomọnụ 2:12 - Ika

¹² Obobo a pụhasọnmẹgụọ; ogẹn ẹbụ e rugụọ; a nụmagụọ wẹ olu nduru rị a rịanị imẹ alị ẹnyi.

Ẹbụ Solomọnụ 2:12 ပူးပေါင်းရင်းမြစ်များ

Jẹnẹsisi 15:9

Ya kẹ Osolobuẹ nọ sị a, “Wẹhẹni m efin ohu rị ahụa ẹtọ lẹ onyẹnnyẹ-ewu ohu rị ahụa ẹtọ lẹ ebulu ohu rị ahụa ẹtọ, lẹzi nduru ohu lẹ oluikuku ohu.”

Ẹbụ-ọma 74:19

Dodo, ebukwọlẹ ndụn nduru i che ẹka ndịnị, ẹka eje-anụ! Dodo azọlẹ ndị nke i jẹnrin ejẹn tọ ẹka ndị rị a bịangbuni wẹ!

Ẹbụ-ọma 89:15

Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya!

Ẹbụ Solomọnụ 2:11

Lee ẹ, udu-mirin a gharịgụọ mirin arịzị e zue.

Ẹbụ Solomọnụ 6:11

M jẹn odoro osisi wọnọtụ d'e lee ihiẹn-akụnkụn ndị rị e sue nke ọhụn imẹ ọdanmgbugbu, kẹni m hụn kẹ vaịnị a fọmagụọ ẹhụhụọ kẹ gova-pomegraneti e mẹmẹgụọ obobo.

Ẹbụ Solomọnụ 6:2

Nke-m e shigụọ ugbo-obobo ẹ, ebẹhụ ihiẹn-akụnkụn e kun fuẹin jun, d'a ghahunmẹ imẹ ugbo hụ, lẹ n'ọ kparị obobo lili.

Azaya 55:12

Ịghọghọ kẹ y'e gi pụ, udọn kẹ w'e gi dupụha ị; ugu lẹ òke hụn ị a bụma wẹ ẹbụ; osisi ile rị ọfịa k'a hụn ị kpọma ẹka.

Jerimaya 8:7

Nnụnụ wụ stọkụ a marịnghọ ogẹn wẹ gi e buli ahụa-ahụa; ayoro lẹ nnụnụ ndị ọzọ e jẹn mbịan a marịnghọ ogẹn wẹ gi e jẹn. Kanị ndị nke m amarịn Iwu mmẹ wụ Osolobuẹ.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.