Ẹbụ Solomọnụ 1:10 - Ika

¹⁰ Ihiẹn-ntịn ị e furukẹ i, ihiẹn-olu i e furuzịghọ ị.

Ẹbụ Solomọnụ 1:10 ပူးပေါင်းရင်းမြစ်များ

Jẹnẹsisi 24:22

Ogẹn anyịnyan ndị ahụn gi ragụ mirin, okẹnnyẹ ahụn nọ we ọla-imi goru ṅanrannị lẹ ihiẹn-ẹka goru kadẹ ọhụn a ṅanran ye ẹ. Goru ọla-imi ahụn wụ ahanmahan shẹkẹlụ ohu nchaịn! Ihiẹn-ẹka ahụn wụ gram goru mmẹbụọ kwasị ọgụn ẹtọ nchaịn!!

Jẹnẹsisi 24:47

“Ya m nọ sị a, ‘Nwa onyẹ k'ị wụ?’ Ọ nọ sị, ‘Nwa Bẹtuẹlụ, Bẹtuẹlụ nwa Mil'ka, hụn ọ mụnị Nahọ.’ Ya m nọ yimẹ ẹ ọla-imi ahụn, gbụ ihiẹn-ẹka ahụn gbụye ẹ ẹka ẹbụọ.

Jẹnẹsisi 24:53

Ya odibo Ebraham nọ kpọnpụha ihiẹn-mma rị ichẹn-ichẹn, kẹ ihiẹn siliva kẹ ihiẹn goru, kpọnpụhazịkwọ ẹkwa, kpọn wẹ ye Rebika. Ọ nọ yezi nwẹnẹ Rebika hụn okẹnnyẹ lẹ nnẹ wẹ ihiẹn ichẹn-ichẹn a ṅanrannị.

Jẹnẹsisi 41:42

Fẹro nọ gbụpụha ọla rị a mkpịnsịn-ẹka, ọla o gi e biye ẹka, gbụ a ye Josẹfụ mkpịnsịn-ẹka; o yimẹsọnmẹ Josẹfụ ẹkwa linẹ rị mma, bu ihiẹn olu goru che ẹ olu.

Itẹn 1:9

wẹ k'a wụrụn'ị ihiẹn wẹ gi tu i ugọn lẹ ihiẹn-olu wẹ gi chọ ị mma.

Ẹbụ Solomọnụ 1:11

Ẹnyi jẹnkọ d'e mẹmẹni i ihiẹn-olu goru, kụnyesọnmẹ ẹ siliva.

Ẹbụ Solomọnụ 4:9

Y'e werigụọ obi m, nwẹnẹ m, nwunyẹ m; y'e werigụọ obi m — ẹnya hụn i lee m hụ k'i gi weri akpobi m, akpụ ihiẹn-olu ohu imẹ hụn i yi k'i gi weri akpobi m.

Ẹbụ Solomọnụ 5:13

Nti ẹ nọ kẹ alị ugbo ihiẹn e kun fuẹin nọ e sue, e kun fuẹin. Ụgb'ọnụ a rịkẹ obobo lili hụn rị a tanpụha maa e kun fuẹin.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Ọgụngụn 31:50

Ẹnyi nọ nwan wẹhẹsọnmẹni Osolobuẹ ihiẹn-goru onyẹ-onyẹ nwọnhẹn agha d'a gbarị isi ẹnyi ihun Osolobuẹ, kẹ ihiẹn-ẹka ichẹn-ichẹn kẹ ọla mkpịnsịn-ẹka wẹ gi e biye ẹka kẹ ihiẹn-ntịn kẹ ihiẹn-olu.”

Pita Ibuzọ 3:4

Ka nị nị mma ụnụ wụrụ mma imẹ obi, mma ahụn ghalẹni a fapụ, mma imẹ-jụụ lẹ ịwụ-ọmẹhẹn, hụn rị mkpa ọda-ọda ẹnya Osolobuẹ.