Ẹbụ-ọma 99:4 - Ika

⁴ Eze hụn wụ Dikẹn, onyẹ ezioku a sụọ ụsụọ, y'e yegụọ ezigbo eṅẹn ọnọdị a; y'e mẹgụọ ihiẹn furuni lẹ ihiẹn rị mma imẹ ebọn Jekọpụ.

Ẹbụ-ọma 99:4 ပူးပေါင်းရင်းမြစ်များ

Jobu 37:23

Ẹnyi asakọ ẹka nọkunmẹdẹ Onyẹ Nwọn Ikẹn Ile, makẹni o hikẹ ogbe; onyẹ ezioku lẹ onyẹ ezi-omumẹ pụ-ichẹn k'ọ wụ, onwọnni onyẹ ọ bịangbu.

Ẹbụ-ọma 11:7

Makẹni Osolobuẹ wụ onyẹ ezi-omumẹ; ezi-omumẹ a sụọ a ụsụọ; ndị ezi-omumẹ k'a hụn ihun ẹ.

Ẹbụ-ọma 98:9

wẹ yimẹni Osolobuẹ oro ịghọghọ n'ọ lala d'e kin ụwa ikpe. O k'e kin ụwa ikpe ọhụnma, o k'a hannị alị ile ezigbo eṅẹn.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 61:11

Ẹghẹẹ, kẹ ẹjan dọn e mẹ ihiẹn e pu, kẹ alị-ugbo dọn e mẹ mkpụrụ wẹ kụn imẹ ẹ e sue, ẹrịra kẹ Di-nwọnni-ẹnyi wụ Osolobuẹ jẹnkọ d'e mẹ ihiẹn o k'e mẹ, alị ile a hụn ezi-omumẹ ẹ, gi ẹ ja a mma.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Ditrọnọmi 10:18

Ịya e kinni onyẹ nwọnlẹni nẹdi lẹ nnẹ lẹ okpoho di ẹ nwụn ọnụ wẹ; o nwọn ihiẹn-ọsụsụọ abịamabịa, e ye ẹ ihiẹn-oriri lẹ ẹkwa.

Judu 1:15

Ọ lala d'e kin ịhịan ile ikpe, d'a ma wẹ ile ikpe — ikpe eje-ihiẹn ile wẹ gi eje-agụngụn wẹ mẹ lẹ eje-oku ile jọgbu enwẹn ẹ, hụn ndị-njọ ghalẹni a gbaye Osolobuẹ gi kuja oku ẹ!”

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”