Ẹbụ-ọma 97:2 - Ika

² Orukpu lẹ ẹkpa-ishi fihunmẹ ẹ; ezi-omumẹ lẹ imẹ ihiẹn furuni k'o gi a kị.

Ẹbụ-ọma 97:2 ပူးပေါင်းရင်းမြစ်များ

Ẹbụ-ọma 89:14

Imẹ ihiẹn rị mma lẹ imẹ ịhịan k'o furu wụ ikẹn ukpo-eze i; imẹ hụn run'i lẹ ịwụ onyẹ wẹ e gi dọn ẹnya a kwanị ị ụzọ.

Ọpụpụ 19:9

Osolobuẹ nọ sị Mozizi, “M k'e gi orukpu kin-ẹnya bịa d'e kunrun i, kẹni ndị Izrẹlụ nụ kẹ mmẹ lẹ ịyụ rị e ku, lẹni wẹ gi i dọn ẹnya jẹnrin ejẹn.” Mozizi nọ gwa Osolobuẹ ihiẹn wẹ ku.

Itẹn 16:12

Ndị-nze ara gi eje-omumẹ mẹ ẹhụ, makẹni ezi-omumẹ kẹ ukpo-eze gi e turu.

Ẹbụ-ọma 99:4

Eze hụn wụ Dikẹn, onyẹ ezioku a sụọ ụsụọ, y'e yegụọ ezigbo eṅẹn ọnọdị a; y'e mẹgụọ ihiẹn furuni lẹ ihiẹn rị mma imẹ ebọn Jekọpụ.

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Ndị Rom 11:33

Euu! Osolobuẹ e mẹkẹnmẹkẹ ọdanfịn! Amamihiẹn ẹ lẹ akọ-lẹ-uche ẹ e mikẹ! W'a ra saẹka ghọta iroro ẹ! W'a ra saẹka ghọta k'o mẹ!

Nahum 1:3

Osolobuẹ ara bukẹnrin olulu, kanị o nwọnkẹkwọ ikẹn; ara hatukwọ onyẹ mẹ eje-ihiẹn. Okẹn ufere lẹ ẹbi k'o gi lala; ụkụ a e kpọn orukpu-igwere kẹ uzunzun.

Ẹbụ-ọma 77:19

Ị nọ gha Ohimin ahụn kẹ ụzọ, gha mirin ahụn migbu enwẹn ẹ kẹ ọkpụzọ, ahụnnị wẹ ụkụ ị!

Ọpụpụ 20:21

Ndị Izrẹlụ nọtehụkwọ, kanị Mozizi nọ nọkunmẹ ẹkpa ishi hụ Osolobuẹ rị.

Jobu 23:14

Ọ hụ e mẹ m ihiẹn hụn o kutọgụ n'o k'e mẹ m, o nwọnzighọ ihiẹn bu ọda nọ ẹrịra o rotọnị m.

Jobu 26:9

O kpumẹ ifọn shịagụnị ihun — orukpu ẹ k'o gi e kpumẹ ẹ.

Ẹbụ-ọma 89:15

Ndị ma yi oro hụ wẹ gi e fe i e nwọnkẹ ngọzi, yụ wụ Osolobuẹ e lepụ wẹ ẹnya!