Ẹbụ-ọma 92:6 - Ika

⁶ Onyẹ marịnlẹni ihiẹn asẹka marịn ihiẹnni; onyẹ nwọnlẹni uche asẹka ghọta ihiẹnni.

Ẹbụ-ọma 92:6 ပူးပေါင်းရင်းမြစ်များ

Ẹbụ-ọma 73:22

Nzuzu kẹ m te rị e zuzu nwan, aghọtanị m! M te nọ kẹ anụ nwọnlẹni uche ebe ị rị.

Ẹbụ-ọma 94:8

Ndị ẹwobi, rokpọ nị ihiẹnni; ndị-nzuzu, elee mgbe kẹ ụnụ k'e nwọnrin uche?

Itẹn 1:22

“Euu, ndị ẹwobi, ele mgbe kẹ ‘Onwọnni hụn m marịn’ k'a sụọbehi ụnụ? Elee ogẹn kẹ ịmụ ịhịan ẹmụ k'a sụọbehi ndị-nlelịa? Elee mgbe kẹ ịmarịn-ihiẹn k'e zebehi ndị-nzuzu ize?

Ẹbụ-ọma 49:10

O wegụọ ẹnya nị ndị marịn ihiẹn a nwụn anwụn, ndị marịnlẹni ihiẹn lẹ ndị-nzuzu a nwụnzịkwọ anwụn, a la ihiẹn wẹ nwọn a tọnị ndị ọzọ.

Ndị Kọrẹntị Ibuzọ 2:14

Ịhịan-mmaka nwọnlẹni Mmọn-nsọ ara nabanhan ihiẹn Mmọn-nsọ, makẹni wẹ wụ nzuzu ẹnya a. Ọ ra saẹka ghọta wẹ makẹni Mmọn-nsọ kẹ wẹ gi a ghọha wẹ.

Jerimaya 10:14

Kanị ịhịan ile wụ nzuzu, onwọnni ihiẹn wẹ marịn; mmọn wụ ihiẹn-ifẹnrẹn onyẹ kpụn'a. Ihiẹn ndị ahụn ọ kpụ ẹlẹ ezigbo ẹ — w'a ara kwọn.

Itẹn 24:7

Amamihiẹn e tekẹ ebe onyẹ-nzuzu rị; wẹ zudẹ imẹ ọgwa, ara shịapụ ọnụ a.

Luku 12:20

Kanị Osolobuẹ nọ sị a, ‘Onyẹ nzuzu! Uhinhinni kẹ wẹ jẹnkọ d'a napụ ị ndụn ị! Onyẹ jẹnkọ nwan d'e nwọnrin ihiẹn ndịnị ile i rụntọ?’ ”

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Itẹn 30:2

“Mmẹ kachanrịn ịhịan ile e zuzu; enwọndẹ m nghọta kẹ ịhịan.

Ẹbụ-ọma 32:9

Anọkwọlẹ kẹ ẹshin lẹ anyịnyan-mulu nwọnlẹni uche — omẹni y'e kẹnmẹni wẹ ọnụ, y'a sakọ ẹka du wẹ.

Ẹbụ-ọma 14:1

Ẹwobi sị enwẹn ẹ, “Chuku arị.” A rụgụọ wẹ; ihiẹn rụnị kẹ wẹ e mẹ. Onwọnni onyẹ e mẹ ihiẹn rị mma.

Ẹbụ-ọma 75:4

A sị m ndị rị a nyan isi, “Ekukarịzịlẹ ni enwẹn ụnụ.” A sị m ndị-ejẹ, “Kpabehi ni ikẹn ahụn ụnụ rị a kpa;

Ẹbụ-ọma 104:24

Euu Osolobuẹ, ihiẹn i ke e bukẹkwọ ọda! Akọ-lẹ-uche k'i gi ke wẹ ile; ihiẹn i ke e jun elu-ụwa ile.

Ẹbụ-ọma 139:14

A kpanmịn m'ị, makẹni y'e kekẹ m ọhụnma, makẹni i ke m ichẹn; ọrụn-ẹka ị ile wụ ihiẹn a tụ ẹnya, ọhụn we m ẹnya ọhụnma-ọhụnma.

Azaya 28:29

Ọnwan wụzịkwọ ẹka-ọrụn Osolobuẹ ihiẹn ile rị okpuru ẹ; Okẹn onyẹ ndụnmọdụn k'ọ wụ, hụn marịn ihiẹn ọda-ọda!

Azaya 55:9

Kẹ igwere dọn jẹnnahịn ụwa elu, ẹrịra kẹ ụzọ m dọn ka ụzọ ụnụ, ẹrịra kẹ iroro m dọn ka iroro ụnụ,

Jerimaya 32:19

Y'e rokẹkwọ! Y'e mẹkẹ okẹn-ihiẹn!! Y'a hụnchanrịn ihiẹn ile ịhịan rị e mẹ, e gi obibi onyẹ-onyẹ lẹ ihiẹn o mẹ e sọn ẹ, a kụ a ụgwọ-ọrụn.