Ẹbụ-ọma 9:9 - Ika

⁹ Osolobuẹ kẹ onyẹ wẹ rị a bịangbu a gbaburu, imẹ ẹ kẹ w'a gbaban ogẹn nsọngbu.

Ẹbụ-ọma 9:9 ပူးပေါင်းရင်းမြစ်များ

Ihiẹn Mẹni Nke Ibuzọ 16:33

Ogẹn ahụn, osisi ndị rị ẹgboko k'a bụma ẹbụ, a bụma wẹ ẹbụ-ịghọghọ ihun Osolobuẹ, makẹni ọ lala d'e kin ụwa ikpe.

Ẹbụ-ọma 108:12

Dodo, yeni ẹnyi ẹka makẹ ndị-iṅẹnrẹn, nị eyemẹka ịhịan enwọn ihiẹn o k'e mẹni ẹnyi.

Ẹbụ-ọma 142:4

Lee nwan ẹnya ẹka-nni m n'ị hụn nị onwọnni onyẹ e feyedẹ m ẹnya; ebe m'a gbaban arịa; onwọnni onyẹ kpọ ndụn m ihiẹn ọwụlẹ.

Ẹbụ-ọma 18:2

Osolobuẹ wụ Okẹn-ọmụma e che m nche, ebe m'a gbaban lẹ onyẹ hụn a zụọpụhanị m! Chuku m wụ Okẹn-ọmụma m hụn m'a gbaban, akpaịn m lẹ mpịn a zụọpụhanị m. Ịya wụ ebe m nọ e nwọn nchedọn.

Ẹbụ-ọma 20:1

Osolobuẹ ya dodo za ị oku ogẹn nsọngbu! Ẹfan Chuku Jekọpụ ya che i nche!

Ẹbụ-ọma 32:7

Ịyụ wụ ebe m'a warị; y'e chemẹ m ogẹn nsọngbu — e mẹ wẹ e yi oro azụụn ile nị y'a zụọpụhagụọ m. Sẹla

Ẹbụ-ọma 37:39

Ẹka Osolobuẹ kẹ nzụọpụha gha a bịanị ndị ezi-omumẹ; ịya e kpumẹ wẹ ogẹn nsọngbu.

Ẹbụ-ọma 46:1

Osolobuẹ wụ ikẹn ẹnyi lẹ onyẹ ẹnyi e gbọnni; eyemẹka a rịchanrịn ẹhụ-nsue ogẹn nsọngbu k'ọ wụ.

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Ẹbụ-ọma 48:3

Ebe ile wẹ nọ e che ẹhụ rị imẹ ẹ, Osolobuẹ a ghọsịgụọ n'ọ hụ ebẹhụ e che wẹ nche.

Ẹbụ-ọma 50:15

kpọku m ogẹn nsọngbu, m k'a zụọpụha ị, y'a ja m mma.

Ẹbụ-ọma 62:8

Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla

Ẹbụ-ọma 67:5

Alị ichẹn-ichẹn wẹ ja ị mma, Chuku; alị ile wẹ ja ị mma!

Ẹbụ-ọma 7:9

Euu Chuku hụn rị ọchan, ịyụ, hụn e lele obi lẹ iroro ịhịan; dodo kụsị eje-ihiẹn ndị-njọ rị e mẹ, y'e dọnmẹ ndị ezi-omumẹ ọhụnma.

Ẹbụ-ọma 96:10

Sị nị alị ndị ọzọ, “Osolobuẹ wụ eze!” Ụwa hụ ebe o butọ a, o mẹhunmẹkọ; Osolobuẹ ka hannị alị ile ezigbo eṅẹn.

Ẹbụ-ọma 98:9

wẹ yimẹni Osolobuẹ oro ịghọghọ n'ọ lala d'e kin ụwa ikpe. O k'e kin ụwa ikpe ọhụnma, o k'a hannị alị ile ezigbo eṅẹn.

Itẹn 18:10

Ẹfan Osolobuẹ wụ okẹn ụlọ zeni; ndị ezi-omumẹ gbaban a, a hụn wẹ isi.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 8:14

o k'a wụ ebe rị nsọ w'a gbaban; kanị, ọmụma ịhịan a kpọgburu lẹ nkumẹ e mẹ wẹ a dan k'o k'a wụrụnị azụụn ẹbụbụọ rị Izrẹlụ. Nke ndị bi imẹ Jerusalẹm, ọnyan lẹ ihiẹn w'e gi kwọndọn wẹ k'o k'a wụrụnị wẹ.

Nahum 1:7

Osolobuẹ a rịka mma, ebe zeni w'a gbaban ogẹn nsọngbu k'ọ wụ. O marịnghọ ndị gbọnnin'ẹ, o lepụ wẹ ẹnya.

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Ditrọnọmi 33:27

Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.