Ẹbụ-ọma 85:6 - Ika

⁶ Y'e hutọkọ obi mẹ ndụn banzị ẹnyi, kẹni ẹnyi ndị nke i gi ufiri i ghọghọma?

Ẹbụ-ọma 85:6 ပူးပေါင်းရင်းမြစ်များ

Ẹbụ-ọma 138:7

Ọsụọn'a nị m rị a gha ebe nsọngbu jun, y'e dọnmẹ m ndụn; y'a tịnpụ ẹka ị e gbọndọn ihiẹn ndị-iṅẹnrẹn m te k'e gi olulu mẹ m, y'e gi ẹka-nni i hụn zeni a zụọpụha m.

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 53:6

Dodo, nzụọpụha ya gha Zayọnụ bịan'ị Izrẹlụ!! Ogẹn Chuku e gi dọnzini ndị nke ẹ ihiẹn, ndị Izrẹlụ, ebọn Jekọpụ k'a ghọghọ; ẹfọ k'a sụọgbu ndị Izrẹlụ ụsụọ!

Ẹbụ-ọma 71:20

Y'e mẹgụọ ẹnyi hụn nsọngbu lẹ afụnfụn, kanị y'e mẹgụọ ndụn banzị m; i k'a gha imẹ-imẹ alị wepụhazị m.

Ẹbụ-ọma 74:1

Euu Chuku k'ị jụnị ẹnyi jẹnrin ejẹn? K'ị tọnị e buni atụnrụn ị olulu?

Ẹbụ-ọma 77:8

Onwọnkọzị ihiẹn-ọsụsụọ ndị nke ẹ? Ra ọ kagbugụọdẹ nkwa a?

Ẹbụ-ọma 80:18

Ogẹn ahụn, ẹnyi agbakịtọkọzị ị azụụn; mẹ ẹnyi lihizi, kẹni ẹnyi kpọku ẹfan ị.

Ẹbụ-ọma 90:14

Dodo, gi uwẹ ụtụntụn ghọsị ẹnyi ihiẹn-ọsụsụọ ị kẹ ndị nke i, kẹni ẹnyi hụn ụzọ e yi oro ịghọghọ, kẹni ẹfọ sụọsọnmẹ ẹnyi ụsụọ ẹnyi e we nwụn.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Jerimaya 3:5

n'ị tọ e ze ize? N'i busọnmẹ olulu jẹnrin ejẹn?’ Ẹnịna kẹ ụnụ e ku, kanị ụnụ e mẹsọnmẹ eje-ihiẹn ile a nị ụnụ e mẹ.”

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Hosia 6:2

Akpọhịn ẹbụọ ghafegụ, o mẹzi ndụn ban ẹnyi; ẹghẹẹ, hụn mẹ ẹ akpọhịn ẹtọ, o welizi ẹnyi, kẹni ẹnyi bisọnmẹn'ẹ.

Habakọkụ 3:2

“Euu Osolobuẹ, a nụọlẹ m otiti i! Osolobuẹ, ọrụn-atụmẹnya ị atụkakwọ m egun! Rụnzị wẹ nwan ogẹn nke ẹnyini, zụọpụha ẹnyi, rụnghọsịzị ẹnyi ya ogẹn nke ẹnyi; ị gha e bu olulu, dodo nyanhankwọ omikẹn.