Ya kẹ Osolobuẹ nọ sị n'o tikpọ wẹ; omẹni ẹlẹ hụn onyẹ ahụn ọ họrị wụ Mozizi wuzo ẹgbata ya lẹ uwẹ, rịọma a, amamgbe o gi olulu tikpọ wẹ, nkẹ o tikpọ wẹ.
Gwa nị Jerusalẹm oku a rọkọ obi, hịnị n'a ya n'ọ nụ a — nị agha e mẹgụọ a ihiẹn o k'e mẹ ẹ; n'ọ kụgụọ ụgwọ njọ a; nị Osolobuẹ e yegụọ a afụnfụn njọ a, yekwasị.
O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.
M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”
Ewerikwọlẹ ihiẹn ọwụlẹ Osolobuẹ sị o k'e tikpọ, kẹni Osolobuẹ bubehi olulu ahụn ọ rị e bu. Ogẹn hụ, o mẹni ụnụ ebere, o gi omikẹn sọn ụnụ, mẹ ụnụ ba ụba, gi e mẹzu nkwa o kun enwẹn ẹ kwe ndị nẹdi ụnụ,
Alị ndị ọzọ rị ichẹn-ichẹn, sọn ni ndị nke ẹ ghọghọ, makẹni o jẹnkọ d'e mẹgwarị ndị gbu idibo ẹ; o jẹnkọ d'e mẹgwarị ndị-iṅẹnrẹn ẹ, mẹ ihiẹn gi gbarị alị a lẹ ndị nke ẹ.
