Ẹbụ-ọma 83:14 - Ika

¹⁴ Mẹ wẹ ihiẹn ọkụn e mẹ ọfịa, ihiẹn ọkụn e mẹ ọfịa elu ugu,

Ẹbụ-ọma 83:14 ပူးပေါင်းရင်းမြစ်များ

Jobu 21:18

Elebe kẹ wẹ nọdẹ a rị kẹ ẹfịfịa ọkpọ-nkụn ufere bukọ mọbụ ifunfun ihiẹn okẹn ufere e bupụ?

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 9:18

Eziẹ, eje-obibi rị a dụn kẹ ọkụn; ọ dụnpụ ogun-lẹ-ọkịnkan; ọ mụdẹ ọkụn e ye ẹgboko kin ẹnya, hụn ẹnwụnrụn a gidẹ a lọshi elu.

Nahum 1:10

Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Ditrọnọmi 32:22

Makẹni ọnụma m a mụyeọlẹ ọkụn, hụn a dụnrudẹ alị mmọn. O k'a dụnpụ ụwa lẹ mkpụrụ ọ mị, dụnrudẹ ebe ugu ile gha suepụha.