Ẹbụ-ọma 81:3 - Ika

³ Gbu ni opi hụn ifọn gi pụ lẹ hụn ifọn gi shịagụ, gi kpọye mmẹmmẹ ẹnyi!

Ẹbụ-ọma 81:3 ပူးပေါင်းရင်းမြစ်များ

Ndị-nze Nke Ẹbụọ 4:23

Di ẹ nọ sị a, “K'i k'e kunrunn'ẹ tannị? Onwọnni ofufe rị ichẹn rị tannị — kẹ mmẹmmẹ ifọn-ọhụn kẹ ụhụọhịn Ezumikẹn.” Okpoho hụ nọ sị a, “Nsọngbu arịa.”

Ihiẹn Mẹni Nke Ibuzọ 15:16

Defidi nọ gwa ndị-isi ndị Livaị, ndị hụn wụlẹni ẹbozo Ẹrọnụ ndị nchụn ẹjan, sị wẹ tumẹ umunẹ wẹ nị w'a bụ ẹbụ-ịghọghọ, e gi ihiẹn-egu e du ẹ: kẹ ụbọ-layẹ kẹ ụbọ-hapụ kẹ kpajaị (simbalụ) w'a fịangbama.

Ihiẹn Mẹni Nke Ibuzọ 15:19

Ndị-egu wụ Hẹmanị, Asafụ lẹ Ẹtanị sikọ d'a gha a kụ kpajaị (simbalụ) wẹ gi igwe-bronzu mẹmẹ;

Ihiẹn Mẹni Nke Ibuzọ 15:24

Ndị nchụn-ẹjan wụ Shẹbania, Joshafatị, Natanẹlụ, Amasaị, Zẹkaraya, Bẹnaya lẹ Ẹliẹza sikọ d'a gha e gbu opi (ọdụ) ihun Ẹkpẹti Chuku. Obẹdi-Ẹdọm lẹ Jehia k'a rịzị ndị k'e che Ẹkpẹti Osolobuẹ nche.

Ihiẹn Mẹni Nke Ibuzọ 16:42

Hẹmanị lẹ Jedutunu kẹ igbu-opi lẹ ịkụ-kpajaị (simbalụ) lẹ ịkpọ ihiẹn-egu ndị ọzọ wẹ gi a bụ ẹbụ rị nsọ rị ẹka. Ụmụ Jedutunu nwọn iche-nche.

Ihiẹn Mẹni Nke Ibuzọ 16:6

Bẹnaya lẹ Jahaziẹlụ hụn wụ ndị nchụn-ẹjan k'a gha e gbusọnmẹ opi o ru ogẹn opi ihun Ẹkpẹti Nkwerigbama Chuku.

Ihiẹn Mẹni Nke Ibuzọ 25:1

Ya Defidi lẹ ndị-isi agha nọ nọ imẹ ụmụ Asafụ lẹ Hẹmanị lẹ Jedutunu ndị-isi ọkụ-ẹbụ họrị ndị jẹnkọ d'a rị e bu amụma, a kpọ ụbọ-hapụ, ụbọ-layẹ lẹ ẹgede-chakachaka e ye ẹ. Ọnwan wụ ẹfan ndị wẹ ye ọrụnnị:

Ihiẹn Mẹni Nke Ẹbụọ 13:12

Ẹnyi lẹ Chuku wị; ịya wụ onyẹ-ndu ẹnyi. Ndị nchụn-ẹjan a sikọ d'e gbu opi ye ụnụ isi. Ndị Izrẹlụ, a lụsọnkwọlẹ ni Osolobuẹ wụ Chuku ndị nẹdi ụnụ agha — ụnụ emẹrikọkwọ!”

Ihiẹn Mẹni Nke Ẹbụọ 13:14

Ndị Juda e gbehutọ, hụn a nị wẹ gha ihun lẹ azụụn maye wẹ, ya wẹ nọ kpọku Osolobuẹ. Ndị nchụn-ẹjan e gbu opi wẹ,

Ihiẹn Mẹni Nke Ẹbụọ 2:4

M jẹnkọ nwan d'a tụn Ụlọ-nsọ makẹ Ẹfan Osolobuẹ wụ Chuku m, we ẹ kwan'a, nị w'a nọ a a mụn'a nsẹnsi e shin ọhụnma, e bu brẹdi w'e wepụhan'a ogẹn ile a tọn'a ebẹhụ; nị w'a nọzị ebahụn a chụnyen'ẹ ẹjan ndị w'a dụn ọkụn ụtụntụn lẹ ẹnyasị ile lẹ ụhụọhịn Ezumikẹn lẹ Ifọn-Ọhụn ile lẹ ogẹn mmẹmmẹ ndị wẹ tumẹsọnmẹ hụn wẹ mẹni Osolobuẹ wụ Chuku ẹnyi. Ọnwan wụ ọdịnalị o sị ndị Izrẹlụ k'e mẹferi.

Ihiẹn Mẹni Nke Ẹbụọ 5:12

Ndị Livaị ile hụn a kụ egu wuzo ihun ukpo nchụn-ẹjan, nkọ ọwụwa-ẹnyanwụn — kẹ Asafụ kẹ Hẹmanị kẹ Jedutunu kẹ ụmụ wẹ lẹ mmunẹ wẹ. Wẹ ile yi ẹkwa linẹ riẹnni, a kụ ibe kpajaị (simbalụ), a kpọ ụbọ-layẹ lẹ ụbọ-hapụ. Wẹ lẹ ndị nchụn-ẹjan ọgụn-isin rị e gbu opi wị.

Ihiẹn Mẹni Nke Ẹbụọ 8:13

nọkẹ kẹ Mozizi dọn gwa wẹ imẹ Iwu nị w'a chụn ẹjan ụhụọhịn ichẹn-ichẹn, kẹ Ụhụọhịn Ezumikẹn kẹ Ifọn-Ọhụn kẹ Mmẹmmẹ ẹtọ hụ w'e mẹ ahụa-ahụa: Mmẹmmẹ Brẹdi Nwọnlẹni yisti o gi a fụ, Mmẹmmẹ Izuka-nke-ẹsa (Ịghọkwama Ihiẹn-ugbo) lẹ Mmẹmmẹ Ibi-imẹ-ọdụ.

Ẹbụ-ọma 149:3

Wẹ tẹnmẹ egu jama ẹfan a mma, wẹ kpọn'a ụbọ, kụn'a ẹgede-chakachaka.

Ẹbụ-ọma 33:2

Gi ni ụbọ-hapụ ja Osolobuẹ mma; gi ni ụbọ-layẹ nwọn eriri-iri kpọn'a egu.

Ẹbụ-ọma 98:6

Gbu ni opi lẹ ọdụ, ụnụ e yini Osolobuẹ wụ Eze oro ịghọghọ.

Ẹkwan 2:6

Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Nahum 1:15

E lee ni ụkụ onyẹ rị elu ugu gi ozi rị mma lala! Ọ hụ e yi, “Ihiẹn ile a rịgụọ mma! Ndị Juda mẹmẹzi ni mmẹmmẹ ụnụ! Mẹni ni nwan Osolobuẹ nkwa ụnụ kwe ẹ; ndị-ejẹ ahụn amayekọzị ụnụ! Wẹ k'e tikpọchanrịn wẹ!”

Ọgụngụn 15:3

omẹni ụnụ rị e ye Osolobuẹ ẹjan wẹ gi ọkụn e ye ẹ nị ishin ẹ sụọ a, ọsụọn'a efin mọbụ atụnrụn mọbụ ewu rọ, ọsụọn'a ẹjan w'a dụn ọkụn mọbụ ẹjan ọzọ rọ; kẹ hụn ụnụ gi e mẹzu nkwa pụ-ichẹn ụnụ kwe Osolobuẹ kẹ oyiye ghapụha ịhịan obi rọ kẹ oyiye ụnụ gi e mẹ mmẹmmẹ ahụa-ahụa ndị ụnụ gi e fe m rọ — hụn ọwụlẹ ọ wụ,

Ọgụngụn 28:11

“O ru ụhụọhịn ibuzọ imẹ ifọn ọwụlẹ, ụnụ e gi okoro-efin ẹbụọ lẹ ebulu ohu lẹ ụmụ-ebulu ẹsa rịsọnmẹ ahụa ohu-ohu chụnyeni Osolobuẹ ẹjan w'a dụn ọkụn. Ẹhụ wẹ ile sikọ d'e zuchanrịn oke.

Ditrọnọmi 16:15

Gi ni akp'ọhịn ẹsa ahụn mẹni Osolobuẹ wụ Chuku ụnụ Mmẹmmẹ — ebahụn Osolobuẹ k'a họrị. Makẹni, Osolobuẹ wụ Chuku ụnụ k'e gi ihiẹn-ugbo gọzi ụnụ ọda-ọda, gọzi ọrụn ẹka ụnụ ile, hụn ụnụ e gi ghọghọ.

Ndị Kolosị 2:16

Anịlẹ ni wẹ nwan gi oku ihiẹn-oriri lẹ ihiẹn-ọrịra ma ụnụ ikpe, mọbụ oku mmẹmmẹ ọwụlẹ mọbụ Mmẹmmẹ ifọn-ọhụn mọbụ Ụhụọhịn Ezumikẹn rị ichẹn-ichẹn.