Ẹbụ-ọma 80:1 - Ika

¹ Dodo, gọn ẹnyi ntịn, Onyẹ-ndu Izrẹlụ, ịyụ hụn e du ẹnyi ndị ebọn Josẹfụ nọkẹ atụnrụn! Ịyụ hụn nọdị alị elu chẹrobu ẹbụọ ahụn nwọn nku; dodo, ghọsị ẹka ị!

Ẹbụ-ọma 80:1 ပူးပေါင်းရင်းမြစ်များ

Samuẹlụ Nke Ẹbụọ 6:2

Ịya lẹ ndị hụ ile ya lẹ wẹ wị nọ gha Baala wụ Kiriatị-Jiarim hụn rị Juda buli kẹni wẹ buhẹ Ẹkpẹti Chuku, Ẹkpẹti hụ wẹ gi Ẹfan Ahụn marịn, Ẹfan Osolobuẹ ihiẹn ile rị okpuru ẹ, Onyẹ hụn ukpo ẹ rị ẹgbata chẹrobu ẹbụọ hụ wẹ kpụye elu Ẹkpẹti hụ.

Ndị-nze Nke Ẹbụọ 19:15

Hezikaya nọ mẹ ekpere rịọ Osolobuẹ, sị, “Euu Osolobuẹ, Chuku Izrẹlụ, ịyụ hụn nọdị ukpo-eze elu ndị chẹrobu ẹbụbụọ hụ, ịyụ sụọ wụ Chuku hụn alị-eze ile rị ụwa rị okpuru ẹ. Ịyụ ke elu-igwee lẹ alị.

Jobu 10:3

Ọ sụọdẹ i nwan asụọ n'ị bịangbu ịhịan ra, e lelịa ihiẹn hụn i ke — bụ ị hụ a mụyeni eje-ndị lẹ eje ihiẹn wẹ rị e ro ẹmụ?

Ẹbụ-ọma 45:1

Obi rị a sụọ m ụsụọ, yeni ihiẹn rị mma m chọ nị m ku. Eze kẹ m rị a gwa; ire m wụ ukeke (pẹni) akanwe marịn ọrụn!

Ẹbụ-ọma 5:1

Dodo Osolobuẹ, gọn ntịn ihiẹn m rị e ku; ledẹ udẹn m rị a sụn.

Ẹbụ-ọma 50:1

Chuku Kachanrịnnị, hụn wụ Osolobuẹ, rị e ku; ọ rị a kpọ ụwa ile oku, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn.

Ẹbụ-ọma 50:2

Zayọnụ, obodo ahụn mma a zu oke, k'ọ gha nwunla kẹ ukpẹ.

Ẹbụ-ọma 55:1

Euu Chuku, dodo gọn ntịn ekpere m; ebupụlẹ ihun arịrịọ m!

Ẹbụ-ọma 60:1

Chuku, y'a jụtọgụọ ẹnyi; y'e tikpọgụọ ihiẹn ile ẹnyi gi e che enwẹn ẹnyi nche; ị rị e buni ẹnyi olulu; dodo, mẹ nwan n'ọ rịzịnị ẹnyi mma.

Ẹbụ-ọma 69:1

Osolobuẹ, dodo zụọpụha m, nị mirin e rugụọ m olu!

Ẹbụ-ọma 77:20

Ị nọ du ndị nke i kẹ atụnrụn ghahanị Mozizi lẹ Ẹrọnụ.

Ẹbụ-ọma 78:52

Ya k'ọ nọ dupụha ndị nke ẹ lekẹ atụnrụn, du wẹ imẹ atụ ahụn lekẹ igunrun atụnrụn.

Ẹbụ-ọma 78:67

Kanị, ọ jụkwọ ikpụlọ Josẹfụ rịn'a; ọ họrịnị azụụn nke wẹ wụ Ifrem

Ẹbụ-ọma 80:19

Osolobuẹ, Chuku ihiẹn ile rị okpuru ẹ, dodo dọnzini ẹnyi ihiẹn; gizi ẹnya rị mma lemẹ ẹnyi kẹni ẹnyi nwọn nzụọpụha!!

Ẹbụ-ọma 80:3

Chuku, dodo dọnzini ẹnyi ihiẹn; gizi ẹnya rị mma lee ẹnyi nị ẹnyi nwọn nzụọpụha!

Ẹbụ-ọma 80:7

Chuku Ihiẹn Ile rị okpuru ẹ, dodo dọnzini ẹnyi ihiẹn; Gizi ẹnya rị mma lee ẹnyi nị ẹnyi nwọn nzụọpụha!!

Ẹbụ-ọma 94:1

Osolobuẹ, Chuku hụn e mẹgwarị ndị-njọ; Chuku hụn e mẹgwarị ndị-njọ, dodo ghọsị nwan ẹka ị!

Ẹbụ-ọma 99:1

Osolobuẹ wụ eze, egun ya tụma alị ile! Ọ rị ukpo-eze ẹ elu chẹrobu ndị ahụn nwọn nku, alị ya zinzinmẹ!

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 60:1

Lihi ọtọ n'i nwunmẹ, nị ukpẹ i a bịagụọ — ọghọ Osolobuẹ a pụhaọlẹ ebe ị rị.

Azaya 63:11

Ya wẹ nọ nyanhan ogẹn mbụ, ogẹn Mozizi lẹ ndị ya lẹ wẹ wị, ya wẹ nọ jụma, “Elebe Onyẹ ahụn hụn we ndị nke ẹ ghafe ohimin rị nwan? Onyẹ ahụn gi onyẹ-ndu wẹ we wẹ ghafe ohimin. Elebe kẹ Onyẹ ahụn rị nwan? Onyẹ ahụn bu Mmọn-nsọ a che imẹ igunrun wẹ,

Izikẹlụ 1:13

Ihiẹn ẹnọ ndị hụ rị ndụn hụ e gbuke kẹ ikeke-ọkụn, lẹzi kẹ ọwaa. Ọkụn hụ etintinnaị wẹ e jẹnjẹn e jẹnlụa, e gbukepụ, amụma hụ a gha imẹ ẹ e bepụha.

Izikẹlụ 10:4

Ya kẹ ọghọ Osolobuẹ nọ gha elu ndị chẹrobu hụ buli d'a nọdị ọnụmụzọ wẹ gha a pụ Ụlọ-nsọ. Orukpu e jun imẹ Ụlọ-nsọ, ọghọ Osolobuẹ gi pụha nọ nwungbarị ezi-ọgwa ụlọ-nsọ lekẹ ukpẹ.

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Izikẹlụ 43:2

e lee ọghọ Chuku Izrẹlụ k'ọ gha ibe ọwụwa-ẹnyanwụn lala. Ụzụn a nọ kẹ okẹn mirin rị e huni, ebe ile hụ e gbuke yeni ọghọ a.

Daniẹlụ 9:17

“Euu Chuku ẹnyi, nụ nwan ekpere lẹ arịrịọ odibo i. Di-nwọnni-ẹnyi, dodo, gi ufiri yụ lẹ enwẹn i gi ẹnya rị mma lee Ụlọ-nsọ ị hụn mẹ nwan mkpọkọ-mkpọkọ.

Jọnụ 10:14

“Mmẹ wụ ezigbo onyẹ-ndu atụnrụn. A marịnghọ m atụnrụn m; atụnrụn m a marịnghọ m —

Ditrọnọmi 33:2

Ọ sị: “Osolobuẹ gha Ugu Saịnaị bịa; Ugu Sẹẹ k'ọ gha tikpu ndị nke ẹ rịkẹ ebe eki nọ fọn; Ugu-Paranị kẹ ọghọ a gha nwunpụha. Ịya lẹ ndị-nsọ a nnụ ole-lẹ-ole wị gha azụụn ndịdan-mirin bịa; nkpọtu ugu Osolobuẹ kẹ wẹ gha bịa.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.

Pita Ibuzọ 5:4

kẹni, Onyẹ-isi ndị-ndu atụnrụn bịa, o gi okpu-eze ọghọ ahụn ghalẹni a fapụ tu ụnụ ugọn.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Samuẹlụ Nke Ibuzọ 4:4

Wẹ nọ zi ikẹnnyẹ, wẹ nọ jẹn Shilo d'e buhẹ Ẹkpẹti-nsọ Osolobuẹ, Onyẹ hụ nwọn ikẹn ile, Onyẹ hụ ukpo ẹ rị ẹgbata mmọn-ozi ẹbụọ rị elu Ẹkpẹti hụ. Ụmụ Ẹlaị ẹbụọ hụ wụ Hof'ni lẹ Finẹhasị sọnhẹn Ẹkpẹti-nsọ Chuku.