Ẹbụ-ọma 76:6 - Ika

⁶ Ogẹn yụ wụ Chuku Jekọpụ gi bigbọ, ndị-agha lẹ ẹshin-agha wẹ nọ ranhịn ụran wẹ ghalẹni e tẹnhin!

Ẹbụ-ọma 76:6 ပူးပေါင်းရင်းမြစ်များ

Samuẹlụ Nke Ẹbụọ 10:18

Kanị, wẹ nọ gbanị ndị Izrẹlụ ọsọ, Defidi nọ gbu mmadụ ọgụn-mmisẹn kwasị nnụ gi ụgbọ-ẹshin a lụ agha lẹ ndị-agha nnụ ọgụn-isẹn (40,000) gi ụkụ e jẹn. Ọ rụzịghọ ọkị-agha wẹ wụ Shọbakị ẹhụ, ọ nọ nwụntọ ebẹhụ.

Ndị-nze Nke Ẹbụọ 19:35

Imẹ uhinhin ahụn, mmọn-ozi Osolobuẹ nọ ban ebe ndị-agha Asiria ziẹntọ, gbu ndị-agha nnụ-uku isẹn-kwasị-nnụ-itenẹi (185,000). E tẹnhin wẹ ụran ụz'ụtụntụn, e lee ozun wẹ ile!

Ihiẹn Mẹni Nke Ẹbụọ 32:21

Ya Osolobuẹ nọ zi mmọn-ozi ohu, mmọn-ozi hụ nọ gbuchanrịn ndị-agha ile lẹ ndị-ndu lẹ ndị-isi ile rị ebẹhụ ndị-agha eze ndị Asiria ziẹntọ. Ya Sẹnakẹribụ nọ gi ifẹnrẹn lashi alị a. Ogẹn o gi banye ụlọ-mmọn a d'a rụa a, ụmụ ẹfọ a nọ gi ọpịa-agha gbu ẹ.

Ẹbụ-ọma 104:7

Ị nọ bigbọ, mirin ahụn a katapụ ọsọ; ọ gbapụ ogẹn akpara ị gi han;

Ẹbụ-ọma 18:15

Akpakalị ohimin nọ pụha ifọn; iyetọ ụwa nọ kpupụ — ogẹn hụ yụ wụ Osolobuẹ gi bigbọ, ogẹn ahụn i gi gi imi kun okẹn uzun ahụn kpu wẹ.

Ẹbụ-ọma 80:16

E bigụọ wẹ ọkụn ye ẹ; e gbutugụọ w'a! Ndị nke i hụ a la iwi yeni ihiẹnni ile i gi a jụgbọ wẹ!

Ọpụpụ 15:1

Ya kẹ Mozizi lẹ ndị Izrẹlụ nọ bụnị Osolobuẹ ẹbụnị: “M k'a bụnị Osolobuẹ ẹbụ, makẹni o mẹriọlẹ mmẹri hi-ogbe. Kẹ anyịnyan kẹ onyẹ rị e nyinn'ẹ, ọ tụgụọ wẹ ye imẹ ohimin.

Ọpụpụ 15:10

“Kanị ị nọ fụhụ ufere, ohimin e kpumẹ wẹ; wẹ nọ ruban kẹ igwe nyịngbu enwẹn ẹ imẹ okẹn mirin ahụn.

Ọpụpụ 15:21

Miriam hụ a buyeni wẹ ẹbụnị: “Bụnị nị Osolobuẹ ẹbụ, makẹni o mẹriọlẹ mmẹri hi-ogbe. Kẹ anyịnyan kẹ onyẹ rị e nyinn'ẹ, ọ tụgụọ wẹ ye imẹ ohimin!”

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Jerimaya 51:39

Ẹkpịrị ghọrị wẹ ụkọ, e mẹmẹni m wẹ oriri, mẹ wẹ ra, tụ, ẹhụ a tụma wẹ ọda-ọda, a ranhịn wẹ ranhịnchanrịn, etẹnhinkọzị wẹ.” Mmẹ wụ Osolobuẹ ku ẹ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Izikẹlụ 39:20

Ụnụ sikọ d'e ri anụ m k'e buye ụnụ rijun ẹfọ: anụ ẹshin lẹ ndị e nyinni wẹ lẹ anụ ndị odogun-agha lẹ ndị agha ile.’ Ya kẹ Osolobuẹ Nwọn Ihiẹn Ile ku.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Nahum 2:13

Mmẹ lẹ ịyụ rọ, Ninivẹ! Ya kẹ Osolobuẹ ihiẹn ile rị okpuru ẹ ku. M k'a dụn ụgbọ-anyịnyan ndị ahụn Ninivẹ nwọn ọkụn, e họnrin wẹ ẹnwụnrụn; ọpịa-agha k'e gbuchanrịn ndị nke i hụn wụ ụmụ ẹwọrọ ị, a napụ m'ị alị ndịnị ị rị e gbu a kwarị ihiẹn wẹ; anụkọzị wẹ olu ndị ụkọ ị!

Nahum 3:18

Heuu, Eze Asiria rị Ninivẹ a kị! Ndị-ndu i rị e ru ụran! Ndị isi i e dinẹgụọ ranhịn. Ndị nke ụnụ a gbayịyagụọ elu ugu, onyẹ k'e dulụanị wẹ arịa.

Zẹkaraya 12:4

Osolobuẹ sị: o ru ogẹn hụ, m k'e bu egun che ẹshin ile ẹnya, tụ ndị rị e nyinn'ẹ ẹra. Kanị, m k'e dọnrin ẹnya lepụ ndị Juda ẹnya, mẹ ẹnya kpu ẹshin-agha alị ndị ọzọ ishi.

Samuẹlụ Nke Ibuzọ 26:12

Ya Defidi nọ weri obo lẹ ihiẹn-mirin rị Sọlụ ẹhụ isi, wẹ nọ pụ. Onwọnni onyẹ hụn mọbụ marịn ihiẹn mẹni, onwọnzikwọnị onyẹ tẹnhinni. Wẹ ile rị a ranhịn — makẹni Osolobuẹ a kpọgụọ wẹ ye okẹn-ụran.